ਜ਼ਬੂਰ 67:1-7
ਨਿਰਦੇਸ਼ਕ ਲਈ ਹਿਦਾਇਤ; ਇਹ ਗੀਤ ਤਾਰਾਂ ਵਾਲੇ ਸਾਜ਼ਾਂ ਨਾਲ ਗਾਇਆ ਜਾਵੇ। ਇਕ ਜ਼ਬੂਰ।
67 ਪਰਮੇਸ਼ੁਰ ਸਾਡੇ ’ਤੇ ਮਿਹਰ ਕਰੇਗਾ ਅਤੇ ਸਾਨੂੰ ਬਰਕਤ ਦੇਵੇਗਾ;ਉਹ ਆਪਣੇ ਚਿਹਰੇ ਦਾ ਨੂਰ ਸਾਡੇ ਉੱਤੇ ਚਮਕਾਏਗਾ+ (ਸਲਹ)
2 ਤਾਂਕਿ ਪੂਰੀ ਧਰਤੀ ਨੂੰ ਤੇਰੇ ਰਾਹ ਬਾਰੇ+ਅਤੇ ਸਾਰੀਆਂ ਕੌਮਾਂ ਨੂੰ ਤੇਰੇ ਮੁਕਤੀ ਦੇ ਕੰਮਾਂ ਬਾਰੇ ਪਤਾ ਲੱਗੇ।+
3 ਹੇ ਪਰਮੇਸ਼ੁਰ, ਦੇਸ਼-ਦੇਸ਼ ਦੇ ਲੋਕ ਤੇਰੀ ਮਹਿਮਾ ਕਰਨ;ਦੇਸ਼-ਦੇਸ਼ ਦੇ ਸਾਰੇ ਲੋਕ ਤੇਰੀ ਮਹਿਮਾ ਕਰਨ।
4 ਕੌਮਾਂ ਖ਼ੁਸ਼ ਹੋਣ ਅਤੇ ਜੈ-ਜੈ ਕਾਰ ਕਰਨ+ਕਿਉਂਕਿ ਤੂੰ ਦੇਸ਼-ਦੇਸ਼ ਦੇ ਲੋਕਾਂ ਦਾ ਇਨਸਾਫ਼ ਕਰੇਂਗਾ।+
ਤੂੰ ਧਰਤੀ ਦੀਆਂ ਸਾਰੀਆਂ ਕੌਮਾਂ ਨੂੰ ਰਾਹ ਦਿਖਾਏਂਗਾ। (ਸਲਹ)
5 ਹੇ ਪਰਮੇਸ਼ੁਰ, ਦੇਸ਼-ਦੇਸ਼ ਦੇ ਲੋਕ ਤੇਰੀ ਮਹਿਮਾ ਕਰਨ;ਦੇਸ਼-ਦੇਸ਼ ਦੇ ਸਾਰੇ ਲੋਕ ਤੇਰੀ ਮਹਿਮਾ ਕਰਨ।
6 ਧਰਤੀ ਆਪਣੀ ਪੈਦਾਵਾਰ ਦੇਵੇਗੀ;+ਪਰਮੇਸ਼ੁਰ, ਹਾਂ, ਸਾਡਾ ਪਰਮੇਸ਼ੁਰ ਸਾਨੂੰ ਬਰਕਤ ਦੇਵੇਗਾ।+
7 ਪਰਮੇਸ਼ੁਰ ਸਾਨੂੰ ਬਰਕਤ ਦੇਵੇਗਾਅਤੇ ਧਰਤੀ ਦੇ ਕੋਨੇ-ਕੋਨੇ ਵਿਚ ਲੋਕ ਉਸ ਦਾ ਡਰ ਮੰਨਣਗੇ।*+
ਫੁਟਨੋਟ
^ ਜਾਂ, “ਆਦਰ ਕਰਨਗੇ।”
