ਜ਼ਬੂਰ 33:1-22
33 ਹੇ ਧਰਮੀ ਲੋਕੋ, ਯਹੋਵਾਹ ਦੇ ਕੰਮਾਂ ਕਰਕੇ ਖ਼ੁਸ਼ੀ ਨਾਲ ਜੈ-ਜੈ ਕਾਰ ਕਰੋ।+
ਨੇਕਦਿਲ ਲੋਕਾਂ ਨੂੰ ਚਾਹੀਦਾ ਹੈ ਕਿ ਉਹ ਉਸ ਦੀ ਮਹਿਮਾ ਕਰਨ।
2 ਰਬਾਬ ਵਜਾ ਕੇ ਯਹੋਵਾਹ ਦਾ ਧੰਨਵਾਦ ਕਰੋ;ਦਸ ਤਾਰਾਂ ਵਾਲਾ ਸਾਜ਼ ਵਜਾ ਕੇ ਉਸ ਦਾ ਗੁਣਗਾਨ ਕਰੋ।*
3 ਉਸ ਲਈ ਇਕ ਨਵਾਂ ਗੀਤ ਗਾਓ;+ਹੁਨਰਮੰਦੀ ਨਾਲ ਤਾਰਾਂ ਵਾਲੇ ਸਾਜ਼ ਵਜਾਓ ਅਤੇ ਖ਼ੁਸ਼ੀ ਨਾਲ ਜੈ-ਜੈ ਕਾਰ ਕਰੋ।
4 ਯਹੋਵਾਹ ਦਾ ਬਚਨ ਸੱਚਾ ਹੈ,+ਉਸ ਦੇ ਹਰ ਕੰਮ ʼਤੇ ਭਰੋਸਾ ਕੀਤਾ ਜਾ ਸਕਦਾ ਹੈ।
5 ਉਹ ਨਿਆਂ-ਪਸੰਦ ਪਰਮੇਸ਼ੁਰ ਹੈ ਅਤੇ ਬਿਨਾਂ ਪੱਖਪਾਤ ਦੇ ਨਿਆਂ ਕਰਦਾ ਹੈ।+
ਪੂਰੀ ਧਰਤੀ ਯਹੋਵਾਹ ਦੇ ਅਟੱਲ ਪਿਆਰ ਨਾਲ ਭਰੀ ਹੋਈ ਹੈ।+
6 ਯਹੋਵਾਹ ਦੇ ਬਚਨ ਨਾਲ ਆਕਾਸ਼ ਬਣਾਏ ਗਏ+ਅਤੇ ਉਸ ਦੇ ਸਾਹ ਨਾਲ ਉਨ੍ਹਾਂ ਵਿਚਲੀਆਂ ਸਾਰੀਆਂ ਚੀਜ਼ਾਂ* ਬਣਾਈਆਂ ਗਈਆਂ।
7 ਉਹ ਸਮੁੰਦਰ ਦੇ ਪਾਣੀਆਂ ਨੂੰ ਬੰਨ੍ਹ ਲਾ ਕੇ ਇਕੱਠਾ ਕਰਦਾ ਹੈ;+ਉਹ ਠਾਠਾਂ ਮਾਰਦੇ ਪਾਣੀਆਂ ਨੂੰ ਭੰਡਾਰਾਂ ਵਿਚ ਸਾਂਭ ਕੇ ਰੱਖਦਾ ਹੈ।
8 ਸਾਰੀ ਧਰਤੀ ਯਹੋਵਾਹ ਦਾ ਡਰ ਮੰਨੇ।+
ਧਰਤੀ ਦੇ ਵਾਸੀ ਉਸ ਪ੍ਰਤੀ ਸ਼ਰਧਾ ਰੱਖਣ।
9 ਉਹ ਬੋਲਿਆ ਅਤੇ ਸਭ ਕੁਝ ਹੋਂਦ ਵਿਚ ਆ ਗਿਆ;+ਉਸ ਨੇ ਹੁਕਮ ਦਿੱਤਾ ਅਤੇ ਸਭ ਕੁਝ ਕਾਇਮ ਹੋ ਗਿਆ।+
10 ਯਹੋਵਾਹ ਨੇ ਕੌਮਾਂ ਦੀਆਂ ਸਾਜ਼ਸ਼ਾਂ ਨੂੰ ਨਾਕਾਮ ਕੀਤਾ ਹੈ;+ਉਸ ਨੇ ਲੋਕਾਂ ਦੀਆਂ ਯੋਜਨਾਵਾਂ* ʼਤੇ ਪਾਣੀ ਫੇਰ ਦਿੱਤਾ ਹੈ।+
11 ਪਰ ਯਹੋਵਾਹ ਦੇ ਫ਼ੈਸਲੇ* ਹਮੇਸ਼ਾ ਅਟੱਲ ਰਹਿਣਗੇ;+ਉਸ ਦੇ ਮਨ ਦੇ ਵਿਚਾਰ ਪੀੜ੍ਹੀਓ-ਪੀੜ੍ਹੀ ਨਹੀਂ ਬਦਲਦੇ।
12 ਖ਼ੁਸ਼ ਹੈ ਉਹ ਕੌਮ ਜਿਸ ਦਾ ਪਰਮੇਸ਼ੁਰ ਯਹੋਵਾਹ ਹੈ,+ਉਹ ਲੋਕ ਜਿਨ੍ਹਾਂ ਨੂੰ ਉਸ ਨੇ ਆਪਣੀ ਪਰਜਾ* ਬਣਾਇਆ ਹੈ।+
13 ਯਹੋਵਾਹ ਸਵਰਗ ਤੋਂ ਹੇਠਾਂ ਦੇਖਦਾ ਹੈ;ਉਹ ਮਨੁੱਖ ਦੇ ਸਾਰੇ ਪੁੱਤਰਾਂ ਨੂੰ ਤੱਕਦਾ ਹੈ।+
14 ਉਹ ਆਪਣੇ ਨਿਵਾਸ-ਸਥਾਨ ਤੋਂ,ਧਰਤੀ ਦੇ ਸਾਰੇ ਵਾਸੀਆਂ ʼਤੇ ਧਿਆਨ ਲਾਉਂਦਾ ਹੈ।
15 ਉਹੀ ਸਾਰਿਆਂ ਦੇ ਦਿਲਾਂ ਨੂੰ ਘੜਦਾ ਹੈ;ਉਹ ਉਨ੍ਹਾਂ ਦੇ ਸਾਰੇ ਕੰਮਾਂ ਨੂੰ ਜਾਂਚਦਾ ਹੈ।+
16 ਇਕ ਵੱਡੀ ਫ਼ੌਜ ਵੀ ਰਾਜੇ ਨੂੰ ਬਚਾ ਨਹੀਂ ਸਕਦੀ+ਨਾ ਹੀ ਇਕ ਸੂਰਬੀਰ ਖ਼ੁਦ ਨੂੰ ਆਪਣੀ ਤਾਕਤ ਦੇ ਦਮ ʼਤੇ ਬਚਾ ਸਕਦਾ।+
17 ਬਚਾਅ* ਲਈ ਘੋੜੇ ʼਤੇ ਉਮੀਦ ਲਾਉਣੀ ਵਿਅਰਥ ਹੈ;+ਬਹੁਤ ਤਕੜਾ ਹੋਣ ਦੇ ਬਾਵਜੂਦ ਵੀ ਉਹ ਬਚਾ ਨਹੀਂ ਸਕਦਾ।
18 ਦੇਖੋ! ਯਹੋਵਾਹ ਦੀਆਂ ਨਜ਼ਰਾਂ ਉਸ ਤੋਂ ਡਰਨ ਵਾਲਿਆਂ ʼਤੇ ਰਹਿੰਦੀਆਂ ਹਨ+ਜਿਹੜੇ ਉਸ ਦੇ ਅਟੱਲ ਪਿਆਰ ʼਤੇ ਉਮੀਦ ਲਾਉਂਦੇ ਹਨ
19 ਤਾਂਕਿ ਉਹ ਉਨ੍ਹਾਂ ਨੂੰ ਮੌਤ ਤੋਂ ਛੁਡਾਵੇਅਤੇ ਉਨ੍ਹਾਂ ਨੂੰ ਕਾਲ਼ ਦੌਰਾਨ ਜੀਉਂਦਾ ਰੱਖੇ।+
20 ਅਸੀਂ ਯਹੋਵਾਹ ਦੀ ਉਡੀਕ ਕਰਦੇ ਹਾਂ।
ਉਹ ਸਾਡਾ ਮਦਦਗਾਰ ਅਤੇ ਸਾਡੀ ਢਾਲ ਹੈ।+
21 ਸਾਡੇ ਦਿਲ ਉਸ ਤੋਂ ਖ਼ੁਸ਼ ਹਨਕਿਉਂਕਿ ਸਾਨੂੰ ਉਸ ਦੇ ਪਵਿੱਤਰ ਨਾਂ ʼਤੇ ਭਰੋਸਾ ਹੈ।+
22 ਹੇ ਯਹੋਵਾਹ, ਅਸੀਂ ਤੈਨੂੰ ਉਡੀਕਦੇ ਹਾਂ,+ਤੇਰਾ ਅਟੱਲ ਪਿਆਰ ਸਾਡੇ ʼਤੇ ਬਣਿਆ ਰਹੇ।+
