ਜ਼ਬੂਰ 31:1-24
ਨਿਰਦੇਸ਼ਕ ਲਈ ਹਿਦਾਇਤ। ਦਾਊਦ ਦਾ ਜ਼ਬੂਰ।
31 ਹੇ ਯਹੋਵਾਹ, ਮੈਂ ਤੇਰੇ ਕੋਲ ਪਨਾਹ ਲਈ ਹੈ।+
ਮੈਨੂੰ ਕਦੀ ਵੀ ਸ਼ਰਮਿੰਦਾ ਨਾ ਹੋਣ ਦੇਈਂ।+
ਤੂੰ ਨਿਆਂ-ਪਸੰਦ ਪਰਮੇਸ਼ੁਰ ਹੈਂ, ਇਸ ਲਈ ਮੈਨੂੰ ਬਚਾ।+
2 ਮੇਰੇ ਵੱਲ ਕੰਨ ਲਾ।*
ਮੈਨੂੰ ਛੁਡਾਉਣ ਲਈ ਛੇਤੀ ਆ।+
ਮੈਨੂੰ ਬਚਾਉਣ ਲਈ ਪਹਾੜ ’ਤੇ ਮਜ਼ਬੂਤ ਪਨਾਹ ਬਣ,ਹਾਂ, ਮੇਰੀ ਸੁਰੱਖਿਆ ਦੀ ਥਾਂ ਬਣ+
3 ਕਿਉਂਕਿ ਤੂੰ ਮੇਰੀ ਚਟਾਨ ਅਤੇ ਮੇਰਾ ਕਿਲਾ ਹੈਂ;+ਤੂੰ ਆਪਣੇ ਨਾਂ ਦੀ ਖ਼ਾਤਰ+ ਮੇਰੀ ਅਗਵਾਈ ਕਰੇਂਗਾ ਅਤੇ ਮੈਨੂੰ ਸੇਧ ਦੇਵੇਂਗਾ।+
4 ਤੂੰ ਮੈਨੂੰ ਜਾਲ਼ ਵਿੱਚੋਂ ਛੁਡਾਏਂਗਾ ਜਿਹੜਾ ਉਨ੍ਹਾਂ ਨੇ ਮੇਰੇ ਲਈ ਚੋਰੀ-ਛਿਪੇ ਵਿਛਾਇਆ ਸੀ+ਕਿਉਂਕਿ ਤੂੰ ਮੇਰਾ ਕਿਲਾ ਹੈਂ।+
5 ਮੈਂ ਆਪਣੀ ਜਾਨ ਤੇਰੇ ਹੱਥਾਂ ਵਿਚ ਸੌਂਪਦਾ ਹਾਂ।+
ਹੇ ਯਹੋਵਾਹ ਸੱਚਾਈ ਦੇ ਪਰਮੇਸ਼ੁਰ,*+ ਤੂੰ ਹੀ ਮੈਨੂੰ ਛੁਟਕਾਰਾ ਦਿਵਾਇਆ ਹੈ।
6 ਮੈਨੂੰ ਬੇਕਾਰ ਅਤੇ ਨਿਕੰਮੀਆਂ ਮੂਰਤਾਂ ਨੂੰ ਪੂਜਣ ਵਾਲਿਆਂ ਤੋਂ ਨਫ਼ਰਤ ਹੈ,ਪਰ ਮੈਨੂੰ ਯਹੋਵਾਹ ’ਤੇ ਭਰੋਸਾ ਹੈ।
7 ਮੈਂ ਤੇਰੇ ਅਟੱਲ ਪਿਆਰ ਕਰਕੇ ਖ਼ੁਸ਼ੀਆਂ ਮਨਾਵਾਂਗਾਕਿਉਂਕਿ ਤੂੰ ਮੇਰਾ ਦੁੱਖ ਦੇਖਿਆ ਹੈ;+ਤੂੰ ਮੇਰੇ ਦਿਲ ਦਾ ਦਰਦ ਸਮਝਦਾ ਹੈਂ।
8 ਤੂੰ ਮੈਨੂੰ ਦੁਸ਼ਮਣਾਂ ਦੇ ਹਵਾਲੇ ਨਹੀਂ ਕੀਤਾ,ਸਗੋਂ ਸੁਰੱਖਿਅਤ* ਜਗ੍ਹਾ ਖੜ੍ਹਾ ਕੀਤਾ ਹੈ।
9 ਹੇ ਯਹੋਵਾਹ, ਮੇਰੇ ’ਤੇ ਮਿਹਰ ਕਰ ਕਿਉਂਕਿ ਮੈਂ ਕਸ਼ਟ ਸਹਿ ਰਿਹਾ ਹਾਂ।
ਦਿਲ ਦੀ ਪੀੜ ਨੇ ਮੇਰੀਆਂ ਅੱਖਾਂ, ਇੱਥੋਂ ਤਕ ਕਿ ਮੇਰੇ ਪੂਰੇ ਸਰੀਰ ਨੂੰ ਕਮਜ਼ੋਰ ਕਰ ਦਿੱਤਾ ਹੈ।+
10 ਮੇਰੀ ਜ਼ਿੰਦਗੀ ਗਮਾਂ ਨਾਲ ਭਰੀ ਹੋਈ ਹੈ+ਮੇਰੀ ਉਮਰ ਦੇ ਸਾਲ ਹਉਕਿਆਂ ਨਾਲ ਭਰੇ ਹੋਏ ਹਨ।+
ਮੇਰੀਆਂ ਗ਼ਲਤੀਆਂ ਕਰਕੇ ਮੇਰੀ ਤਾਕਤ ਘੱਟਦੀ ਜਾ ਰਹੀ ਹੈ।
ਮੇਰੀਆਂ ਹੱਡੀਆਂ ਕਮਜ਼ੋਰ ਹੋ ਗਈਆਂ ਹਨ।+
11 ਮੇਰੇ ਸਾਰੇ ਦੁਸ਼ਮਣ ਮੈਨੂੰ ਨਫ਼ਰਤ ਕਰਦੇ ਹਨ,+ਖ਼ਾਸ ਕਰਕੇ ਮੇਰੇ ਗੁਆਂਢੀ।
ਮੇਰੇ ਵਾਕਫ਼ ਮੇਰੇ ਤੋਂ ਡਰਦੇ ਹਨ;ਜਦੋਂ ਉਹ ਮੈਨੂੰ ਬਾਹਰ ਕਿਤੇ ਦੇਖ ਲੈਂਦੇ ਹਨ, ਤਾਂ ਉਹ ਮੇਰੇ ਤੋਂ ਭੱਜ ਜਾਂਦੇ ਹਨ।+
12 ਉਨ੍ਹਾਂ ਨੇ ਮੈਨੂੰ ਦਿਲੋਂ* ਭੁਲਾ ਦਿੱਤਾ ਹੈ ਜਿਵੇਂ ਕਿ ਮੈਂ ਮਰ ਗਿਆ ਹੋਵਾਂ;ਮੈਂ ਇਕ ਟੁੱਟੇ ਘੜੇ ਵਰਗਾ ਹਾਂ।
13 ਮੈਂ ਆਪਣੇ ਬਾਰੇ ਬਹੁਤ ਸਾਰੀਆਂ ਖ਼ਤਰਨਾਕ ਅਫ਼ਵਾਹਾਂ ਸੁਣੀਆਂ ਹਨ;ਮੈਂ ਜਿੱਥੇ ਕਿਤੇ ਜਾਂਦਾ ਹਾਂ, ਡਰ ਨਾਲ ਮੇਰਾ ਸਾਹ ਸੁੱਕਿਆ ਰਹਿੰਦਾ ਹੈ।+
ਜਦ ਉਹ ਮੇਰੇ ਖ਼ਿਲਾਫ਼ ਇਕੱਠੇ ਹੁੰਦੇ ਹਨ,ਤਾਂ ਉਹ ਮੈਨੂੰ ਜਾਨੋਂ ਮਾਰਨ ਦੀਆਂ ਸਾਜ਼ਸ਼ਾਂ ਘੜਦੇ ਹਨ।+
14 ਪਰ ਹੇ ਯਹੋਵਾਹ, ਮੈਨੂੰ ਤੇਰੇ ’ਤੇ ਭਰੋਸਾ ਹੈ।+
ਮੈਂ ਐਲਾਨ ਕਰਦਾ ਹਾਂ: “ਤੂੰ ਹੀ ਮੇਰਾ ਪਰਮੇਸ਼ੁਰ ਹੈਂ।”+
15 ਮੇਰੀ ਜ਼ਿੰਦਗੀ* ਤੇਰੇ ਹੱਥਾਂ ਵਿਚ ਹੈ।
ਮੈਨੂੰ ਮੇਰੇ ਦੁਸ਼ਮਣਾਂ ਅਤੇ ਅਤਿਆਚਾਰੀਆਂ ਦੇ ਹੱਥੋਂ ਛੁਡਾ।+
16 ਆਪਣੇ ਚਿਹਰੇ ਦਾ ਨੂਰ ਆਪਣੇ ਸੇਵਕ ’ਤੇ ਚਮਕਾ।+
ਆਪਣੇ ਅਟੱਲ ਪਿਆਰ ਕਰਕੇ ਮੈਨੂੰ ਬਚਾ।
17 ਹੇ ਯਹੋਵਾਹ, ਜਦ ਮੈਂ ਤੈਨੂੰ ਪੁਕਾਰਾਂ, ਤਾਂ ਮੈਨੂੰ ਸ਼ਰਮਿੰਦਾ ਨਾ ਹੋਣ ਦੇਈਂ।+
ਪਰ ਦੁਸ਼ਟ ਸ਼ਰਮਿੰਦੇ ਹੋਣ।+
ਉਨ੍ਹਾਂ ਨੂੰ ਕਬਰ* ਵਿਚ ਸੁੱਟ ਕੇ ਚੁੱਪ ਕਰਾ ਦਿੱਤਾ ਜਾਵੇ।+
18 ਝੂਠ ਬੋਲਣ ਵਾਲੇ ਖ਼ਾਮੋਸ਼ ਹੋ ਜਾਣ,+ਜਿਹੜੇ ਘਮੰਡ ਵਿਚ ਆ ਕੇ ਧਰਮੀ ਦੇ ਖ਼ਿਲਾਫ਼ ਨਫ਼ਰਤ ਭਰੀਆਂ ਗੱਲਾਂ ਕਰਦੇ ਹਨ।
19 ਤੂੰ ਭਲਾਈ ਨਾਲ ਭਰਪੂਰ ਹੈਂ!+
ਜਿਹੜੇ ਤੇਰੇ ਤੋਂ ਡਰਦੇ ਹਨ, ਤੂੰ ਉਨ੍ਹਾਂ ਲਈ ਆਪਣੀ ਭਲਾਈ ਸਾਂਭ ਕੇ ਰੱਖੀ ਹੈ+ਅਤੇ ਜਿਹੜੇ ਤੇਰੇ ਕੋਲ ਪਨਾਹ ਲੈਂਦੇ ਹਨ, ਤੂੰ ਉਨ੍ਹਾਂ ਨਾਲ ਸਾਰਿਆਂ ਸਾਮ੍ਹਣੇ ਭਲਾਈ ਕੀਤੀ ਹੈ।+
20 ਤੂੰ ਉਨ੍ਹਾਂ ਨੂੰ ਲੋਕਾਂ ਦੀਆਂ ਸਾਜ਼ਸ਼ਾਂ ਤੋਂ ਬਚਾਉਣ ਲਈਗੁਪਤ ਜਗ੍ਹਾ ਵਿਚ, ਹਾਂ, ਆਪਣੀ ਹਜ਼ੂਰੀ ਵਿਚ ਲੁਕਾ ਰੱਖੇਂਗਾ;+ਤੂੰ ਉਨ੍ਹਾਂ ਨੂੰ ਸ਼ਬਦਾਂ ਦੇ ਤੀਰਾਂ* ਤੋਂ ਬਚਾਉਣ ਲਈਆਪਣੀ ਛਤਰ-ਛਾਇਆ ਹੇਠ ਰੱਖੇਂਗਾ।+
21 ਯਹੋਵਾਹ ਦੇ ਨਾਂ ਦੀ ਵਡਿਆਈ ਹੋਵੇਕਿਉਂਕਿ ਉਸ ਨੇ ਇਕ ਘਿਰੇ ਹੋਏ ਸ਼ਹਿਰ ਵਿਚ+ ਮੇਰੇ ਲਈ ਸ਼ਾਨਦਾਰ ਤਰੀਕੇ ਨਾਲ ਆਪਣਾ ਅਟੱਲ ਪਿਆਰ ਜ਼ਾਹਰ ਕੀਤਾ ਹੈ।+
22 ਪਰ ਉਸ ਵੇਲੇ ਮੈਂ ਘਬਰਾ ਕੇ ਕਿਹਾ:
“ਮੈਂ ਮਰ ਜਾਵਾਂਗਾ ਅਤੇ ਤੇਰੀਆਂ ਨਜ਼ਰਾਂ ਤੋਂ ਦੂਰ ਹੋ ਜਾਵਾਂਗਾ।”+
ਪਰ ਜਦ ਮੈਂ ਤੈਨੂੰ ਮਦਦ ਲਈ ਦੁਹਾਈ ਦਿੱਤੀ, ਤਾਂ ਤੂੰ ਮੇਰੀ ਸੁਣ ਲਈ।+
23 ਹੇ ਯਹੋਵਾਹ ਦੇ ਵਫ਼ਾਦਾਰ ਲੋਕੋ, ਉਸ ਨੂੰ ਪਿਆਰ ਕਰੋ!+
ਯਹੋਵਾਹ ਆਪਣੇ ਵਫ਼ਾਦਾਰ ਸੇਵਕਾਂ ਦੀ ਹਿਫਾਜ਼ਤ ਕਰਦਾ ਹੈ,+ਪਰ ਉਹ ਘਮੰਡੀਆਂ ਨੂੰ ਸਖ਼ਤ ਤੋਂ ਸਖ਼ਤ ਸਜ਼ਾ ਦਿੰਦਾ ਹੈ।+
24 ਯਹੋਵਾਹ ਦੀ ਉਡੀਕ ਕਰਨ ਵਾਲਿਓ,+ਦਲੇਰ ਬਣੋ ਅਤੇ ਆਪਣੇ ਦਿਲ ਤਕੜੇ ਕਰੋ।+
ਫੁਟਨੋਟ
^ ਜਾਂ, “ਝੁਕ ਕੇ ਮੇਰੀ ਸੁਣ।”
^ ਜਾਂ, “ਵਫ਼ਾਦਾਰ ਪਰਮੇਸ਼ੁਰ।”
^ ਜਾਂ, “ਖੁੱਲ੍ਹੀ।”
^ ਜਾਂ, “ਮਨੋਂ।”
^ ਇਬ, “ਮੇਰਾ ਸਮਾਂ।”
^ ਇਬ, “ਜੀਭਾਂ ਦੀ ਲੜਾਈ।”
