ਜ਼ਬੂਰ 29:1-11
ਦਾਊਦ ਦਾ ਜ਼ਬੂਰ।
29 ਹੇ ਸੂਰਬੀਰੋ, ਯਹੋਵਾਹ ਦੀ ਵਡਿਆਈ ਕਰੋ,*ਯਹੋਵਾਹ ਦੀ ਵਡਿਆਈ ਕਰੋ* ਕਿਉਂਕਿ ਉਹ ਮਹਿਮਾਵਾਨ ਅਤੇ ਤਾਕਤਵਰ ਹੈ।+
2 ਯਹੋਵਾਹ ਦੇ ਨਾਂ ਦੀ ਮਹਿਮਾ ਕਰੋ ਜਿਸ ਦਾ ਉਹ ਹੱਕਦਾਰ ਹੈ।
ਪਵਿੱਤਰ ਪਹਿਰਾਵਾ ਪਾ ਕੇ* ਯਹੋਵਾਹ ਦੇ ਅੱਗੇ ਸਿਰ ਨਿਵਾਓ।*
3 ਯਹੋਵਾਹ ਦੀ ਆਵਾਜ਼ ਬੱਦਲਾਂ* ਉੱਪਰ ਸੁਣਾਈ ਦਿੰਦੀ ਹੈ;ਮਹਿਮਾਵਾਨ ਪਰਮੇਸ਼ੁਰ ਗਰਜਦਾ ਹੈ।+
ਯਹੋਵਾਹ ਸੰਘਣੇ ਬੱਦਲਾਂ* ʼਤੇ ਖੜ੍ਹਾ ਹੈ।+
4 ਯਹੋਵਾਹ ਦੀ ਆਵਾਜ਼ ਦਮਦਾਰ ਹੈ;+ਯਹੋਵਾਹ ਦੀ ਆਵਾਜ਼ ਸ਼ਾਨਦਾਰ ਹੈ।
5 ਯਹੋਵਾਹ ਦੀ ਆਵਾਜ਼ ਦਿਆਰਾਂ ਨੂੰ ਤੋੜ ਸੁੱਟਦੀ ਹੈ;ਹਾਂ, ਯਹੋਵਾਹ ਲਬਾਨੋਨ ਦੇ ਦਿਆਰਾਂ ਦੇ ਟੋਟੇ-ਟੋਟੇ ਕਰ ਦਿੰਦਾ ਹੈ।+
6 ਉਸ ਕਰਕੇ ਲਬਾਨੋਨ* ਅਤੇ ਸਿਰਯੋਨ+ ਇਵੇਂ ਉੱਛਲ਼ਦੇ ਹਨ,ਜਿਵੇਂ ਇਕ ਵੱਛਾ ਜਾਂ ਜਵਾਨ ਜੰਗਲੀ ਸਾਨ੍ਹ ਉੱਛਲ਼ਦਾ ਹੈ।
7 ਯਹੋਵਾਹ ਦੀ ਆਵਾਜ਼ ਅੱਗ ਦੀਆਂ ਲਪਟਾਂ ਨਾਲ ਭਸਮ ਕਰਦੀ ਹੈ;+
8 ਯਹੋਵਾਹ ਦੀ ਆਵਾਜ਼ ਨਾਲ ਉਜਾੜ ਥਰਥਰਾਉਂਦੀ ਹੈ;+ਯਹੋਵਾਹ ਕਰਕੇ ਕਾਦੇਸ਼ ਦੀ ਉਜਾੜ+ ਕੰਬ ਜਾਂਦੀ ਹੈ।
9 ਯਹੋਵਾਹ ਦੀ ਆਵਾਜ਼ ਨਾਲ ਹਿਰਨੀਆਂ ਕੰਬ ਉੱਠਦੀਆਂ ਹਨ ਅਤੇ ਬੱਚਿਆਂ ਨੂੰ ਜਨਮ ਦਿੰਦੀਆਂ ਹਨਅਤੇ ਉਸ ਦੀ ਆਵਾਜ਼ ਜੰਗਲਾਂ ਨੂੰ ਤਬਾਹ ਕਰ ਦਿੰਦੀ ਹੈ।+
ਉਸ ਦੇ ਮੰਦਰ ਵਿਚ ਸਾਰੇ ਕਹਿੰਦੇ ਹਨ: “ਪਰਮੇਸ਼ੁਰ ਦੀ ਮਹਿਮਾ ਹੋਵੇ!”
10 ਯਹੋਵਾਹ ਹੜ੍ਹ ਦੇ ਪਾਣੀਆਂ* ਉੱਪਰ ਆਪਣੇ ਸਿੰਘਾਸਣ ʼਤੇ ਬਿਰਾਜਮਾਨ ਹੈ;+ਯਹੋਵਾਹ ਰਾਜੇ ਵਜੋਂ ਆਪਣੀ ਰਾਜ-ਗੱਦੀ ʼਤੇ ਹਮੇਸ਼ਾ-ਹਮੇਸ਼ਾ ਲਈ ਬੈਠਾ ਹੈ।+
11 ਯਹੋਵਾਹ ਆਪਣੀ ਪਰਜਾ ਨੂੰ ਤਾਕਤ ਬਖ਼ਸ਼ੇਗਾ।+
ਯਹੋਵਾਹ ਆਪਣੇ ਲੋਕਾਂ ਨੂੰ ਸ਼ਾਂਤੀ ਬਖ਼ਸ਼ੇਗਾ।+
