ਜ਼ਬੂਰ 28:1-9
-
ਇਸ ਜ਼ਬੂਰ ਦੇ ਲਿਖਾਰੀ ਦੀ ਪ੍ਰਾਰਥਨਾ ਸੁਣੀ ਗਈ
-
“ਯਹੋਵਾਹ ਮੇਰੀ ਤਾਕਤ ਅਤੇ ਮੇਰੀ ਢਾਲ ਹੈ” (7)
-
ਦਾਊਦ ਦਾ ਜ਼ਬੂਰ।
28 ਹੇ ਯਹੋਵਾਹ ਮੇਰੀ ਚਟਾਨ,+ ਮੈਂ ਤੈਨੂੰ ਪੁਕਾਰਦਾ ਰਹਿੰਦਾ ਹਾਂ;ਮੇਰੀ ਆਵਾਜ਼ ਅਣਸੁਣੀ ਨਾ ਕਰ।
ਜੇ ਤੂੰ ਮੈਨੂੰ ਜਵਾਬ ਨਾ ਦਿੱਤਾ,ਤਾਂ ਮੈਂ ਉਨ੍ਹਾਂ ਵਰਗਾ ਹੋ ਜਾਵਾਂਗਾ ਜਿਹੜੇ ਟੋਏ* ਵਿਚ ਚਲੇ ਜਾਂਦੇ ਹਨ।+
2 ਜਦ ਮੈਂ ਤੈਨੂੰ ਮਦਦ ਲਈ ਦੁਹਾਈ ਦੇਵਾਂ, ਤਾਂ ਮੇਰੀ ਅਰਜ਼ੋਈ ਸੁਣੀਂਮੈਂ ਤੇਰੇ ਮੰਦਰ* ਦੇ ਅੱਤ ਪਵਿੱਤਰ ਕਮਰੇ ਵੱਲ ਆਪਣੇ ਹੱਥ ਅੱਡਾਂਗਾ।+
3 ਮੈਨੂੰ ਦੁਸ਼ਟਾਂ ਨਾਲ ਨਾ ਘਸੀਟ ਜੋ ਨੁਕਸਾਨ ਪਹੁੰਚਾਉਣ ਵਾਲੇ ਕੰਮਾਂ ਵਿਚ ਲੱਗੇ ਰਹਿੰਦੇ ਹਨ,+ਉਹ ਆਪਣੇ ਸਾਥੀ ਨਾਲ ਸ਼ਾਂਤੀ ਭਰੀਆਂ ਗੱਲਾਂ ਕਰਦੇ ਹਨ, ਪਰ ਉਨ੍ਹਾਂ ਦੇ ਦਿਲ ਖੋਟੇ ਹਨ।+
4 ਉਨ੍ਹਾਂ ਨੂੰ ਉਨ੍ਹਾਂ ਦੇ ਬੁਰੇ ਕੰਮਾਂ ਅਨੁਸਾਰ,ਹਾਂ, ਉਨ੍ਹਾਂ ਦੀ ਕੀਤੀ ਦਾ ਫਲ ਦੇ।+
ਉਨ੍ਹਾਂ ਦੀਆਂ ਕਰਨੀਆਂ ਦੇ ਅਨੁਸਾਰ ਹੀ,ਉਨ੍ਹਾਂ ਦੇ ਹੱਥਾਂ ਦੇ ਕੰਮਾਂ ਦੀ ਸਜ਼ਾ ਦੇ+
5 ਕਿਉਂਕਿ ਉਹ ਯਹੋਵਾਹ ਦੇ ਕੰਮਾਂ ਵੱਲ ਧਿਆਨ ਨਹੀਂ ਦਿੰਦੇ+ਅਤੇ ਨਾ ਹੀ ਉਸ ਦੇ ਹੱਥਾਂ ਦੇ ਕੰਮਾਂ ਵੱਲ।+
ਉਹ ਉਨ੍ਹਾਂ ਨੂੰ ਡੇਗ ਦੇਵੇਗਾ ਅਤੇ ਉਨ੍ਹਾਂ ਨੂੰ ਚੁੱਕੇਗਾ ਨਹੀਂ।
6 ਯਹੋਵਾਹ ਦੀ ਮਹਿਮਾ ਹੋਵੇਕਿਉਂਕਿ ਉਸ ਨੇ ਮਦਦ ਲਈ ਮੇਰੀ ਅਰਜ਼ੋਈ ਸੁਣ ਲਈ ਹੈ।
7 ਯਹੋਵਾਹ ਮੇਰੀ ਤਾਕਤ+ ਅਤੇ ਮੇਰੀ ਢਾਲ ਹੈ;+ਮੇਰਾ ਦਿਲ ਉਸ ’ਤੇ ਭਰੋਸਾ ਰੱਖਦਾ ਹੈ।+
ਮੈਨੂੰ ਉਸ ਤੋਂ ਮਦਦ ਮਿਲੀ ਹੈ ਅਤੇ ਮੇਰਾ ਦਿਲ ਖ਼ੁਸ਼ ਹੈ,ਇਸ ਲਈ ਮੈਂ ਗੀਤ ਗਾ ਕੇ ਉਸ ਦੀ ਤਾਰੀਫ਼ ਕਰਾਂਗਾ।
8 ਯਹੋਵਾਹ ਆਪਣੇ ਲੋਕਾਂ ਦੀ ਤਾਕਤ ਹੈ;ਉਹ ਮਜ਼ਬੂਤ ਕਿਲਾ ਹੈ ਅਤੇ ਉਹ ਆਪਣੇ ਚੁਣੇ ਹੋਏ ਨੂੰ ਸ਼ਾਨਦਾਰ ਤਰੀਕੇ ਨਾਲ ਬਚਾਉਂਦਾ ਹੈ।+
9 ਆਪਣੇ ਲੋਕਾਂ ਨੂੰ ਬਚਾ ਅਤੇ ਆਪਣੀ ਵਿਰਾਸਤ ਨੂੰ ਅਸੀਸ ਦੇ।+
ਉਨ੍ਹਾਂ ਦੀ ਚਰਵਾਹੀ ਕਰ ਅਤੇ ਉਨ੍ਹਾਂ ਨੂੰ ਹਮੇਸ਼ਾ ਆਪਣੀਆਂ ਬਾਹਾਂ ਵਿਚ ਚੁੱਕੀ ਰੱਖ।+
