ਜ਼ਬੂਰ 24:1-10
-
ਮਹਿਮਾਵਾਨ ਰਾਜਾ ਦਰਵਾਜ਼ਿਆਂ ਰਾਹੀਂ ਅੰਦਰ ਆਉਂਦਾ ਹੈ
-
‘ਧਰਤੀ ਯਹੋਵਾਹ ਦੀ ਹੈ’ (1)
-
ਦਾਊਦ ਦਾ ਜ਼ਬੂਰ।
24 ਧਰਤੀ ਅਤੇ ਇਸ ਦੀ ਹਰ ਚੀਜ਼ ਯਹੋਵਾਹ ਦੀ ਹੈ,+ਹਾਂ, ਉਪਜਾਊ ਜ਼ਮੀਨ ਅਤੇ ਇਸ ਦੇ ਵਾਸੀ ਉਸ ਦੇ ਹਨ
2 ਕਿਉਂਕਿ ਉਸ ਨੇ ਸਮੁੰਦਰਾਂ ਉੱਤੇ ਧਰਤੀ ਦੀ ਪੱਕੀ ਨੀਂਹ ਧਰੀ+ਅਤੇ ਨਦੀਆਂ ਉੱਤੇ ਇਸ ਨੂੰ ਮਜ਼ਬੂਤੀ ਨਾਲ ਕਾਇਮ ਕੀਤਾ।
3 ਕੌਣ ਯਹੋਵਾਹ ਦੇ ਪਹਾੜ ʼਤੇ ਚੜ੍ਹ ਸਕਦਾ ਹੈ?+
ਅਤੇ ਕੌਣ ਉਸ ਦੇ ਪਵਿੱਤਰ ਸਥਾਨ ਵਿਚ ਖੜ੍ਹ ਸਕਦਾ ਹੈ?
4 ਉਹੀ ਜੋ ਨਿਰਦੋਸ਼ ਹੈ ਅਤੇ ਜਿਸ ਦਾ ਦਿਲ ਸਾਫ਼ ਹੈ,+ਜਿਸ ਨੇ ਮੇਰੇ ਜੀਵਨ ਦੀ* ਝੂਠੀ ਸਹੁੰ ਨਹੀਂ ਖਾਧੀਅਤੇ ਨਾ ਹੀ ਧੋਖਾ ਦੇਣ ਲਈ ਸਹੁੰ ਖਾਧੀ।+
5 ਉਸ ਨੂੰ ਯਹੋਵਾਹ ਕੋਲੋਂ ਬਰਕਤਾਂ ਮਿਲਣਗੀਆਂ+ਅਤੇ ਮੁਕਤੀ ਦਾ ਪਰਮੇਸ਼ੁਰ ਉਸ ਨੂੰ ਧਰਮੀ ਠਹਿਰਾਏਗਾ।*+
6 ਇਹ ਉਹ ਪੀੜ੍ਹੀ ਹੈ ਜੋ ਪਰਮੇਸ਼ੁਰ ਦੀ ਭਾਲ ਕਰਦੀ ਹੈ,ਹੇ ਯਾਕੂਬ ਦੇ ਪਰਮੇਸ਼ੁਰ, ਇਹ ਤੇਰੀ ਮਿਹਰ ਪਾਉਣ ਦਾ ਜਤਨ ਕਰਦੀ ਹੈ। (ਸਲਹ)
7 ਹੇ ਦਰਵਾਜ਼ਿਓ, ਆਪਣੇ ਸਿਰ ਉਤਾਹਾਂ ਚੁੱਕੋ;+ਹੇ ਪ੍ਰਾਚੀਨ ਫਾਟਕੋ, ਖੁੱਲ੍ਹ ਜਾਓ*ਤਾਂਕਿ ਮਹਿਮਾਵਾਨ ਰਾਜਾ ਅੰਦਰ ਆ ਸਕੇ!+
8 ਇਹ ਮਹਿਮਾਵਾਨ ਰਾਜਾ ਕੌਣ ਹੈ?
ਇਹ ਰਾਜਾ ਯਹੋਵਾਹ ਹੈ ਜੋ ਤਾਕਤਵਰ ਅਤੇ ਬਲਵਾਨ ਹੈ,+ਇਹ ਰਾਜਾ ਯਹੋਵਾਹ ਹੈ ਜੋ ਯੁੱਧ ਵਿਚ ਸੂਰਬੀਰ ਹੈ।+
9 ਹੇ ਦਰਵਾਜ਼ਿਓ, ਆਪਣੇ ਸਿਰ ਉਤਾਹਾਂ ਚੁੱਕੋ;+ਹੇ ਪ੍ਰਾਚੀਨ ਫਾਟਕੋ, ਖੁੱਲ੍ਹ ਜਾਓਤਾਂਕਿ ਮਹਿਮਾਵਾਨ ਰਾਜਾ ਅੰਦਰ ਆ ਸਕੇ!
10 ਇਹ ਮਹਿਮਾਵਾਨ ਰਾਜਾ ਕੌਣ ਹੈ?
ਸੈਨਾਵਾਂ ਦਾ ਪਰਮੇਸ਼ੁਰ ਯਹੋਵਾਹ ਹੀ ਮਹਿਮਾਵਾਨ ਰਾਜਾ ਹੈ।+ (ਸਲਹ)
