ਜ਼ਬੂਰ 23:1-6
ਦਾਊਦ ਦਾ ਜ਼ਬੂਰ।
23 ਯਹੋਵਾਹ ਮੇਰਾ ਚਰਵਾਹਾ ਹੈ।+
ਮੈਨੂੰ ਕਿਸੇ ਚੀਜ਼ ਦੀ ਕਮੀ ਨਹੀਂ ਹੋਵੇਗੀ।+
2 ਉਹ ਮੈਨੂੰ ਹਰੀਆਂ-ਹਰੀਆਂ ਚਰਾਂਦਾਂ ਵਿਚ ਬਿਠਾਉਂਦਾ ਹੈ;ਉਹ ਮੈਨੂੰ ਪਾਣੀਆਂ ਦੇ ਕੰਢੇ ਆਰਾਮ ਕਰਨ ਲਈ* ਲੈ ਜਾਂਦਾ ਹੈ।+
3 ਉਹ ਮੈਨੂੰ ਤਾਜ਼ਗੀ ਦਿੰਦਾ ਹੈ।+
ਉਹ ਆਪਣੇ ਨਾਂ ਦੀ ਖ਼ਾਤਰ ਸਹੀ ਰਾਹਾਂ* ʼਤੇ ਮੇਰੀ ਅਗਵਾਈ ਕਰਦਾ ਹੈ।+
4 ਭਾਵੇਂ ਮੈਂ ਹਨੇਰੀ ਵਾਦੀ ਵਿਚ ਤੁਰਦਾ ਹਾਂ,+ਪਰ ਮੈਨੂੰ ਕੋਈ ਡਰ ਨਹੀਂ+ਕਿਉਂਕਿ ਤੂੰ ਮੇਰੇ ਨਾਲ ਹੈਂ;+ਤੇਰੀ ਲਾਠੀ ਅਤੇ ਤੇਰੇ ਡੰਡੇ ਕਰਕੇ ਮੈਂ ਸੁਰੱਖਿਅਤ ਮਹਿਸੂਸ ਕਰਦਾ ਹਾਂ।*
5 ਤੂੰ ਮੇਰੇ ਦੁਸ਼ਮਣਾਂ ਸਾਮ੍ਹਣੇ ਮੇਰੇ ਲਈ ਮੇਜ਼ ʼਤੇ ਖਾਣਾ ਲਗਾਉਂਦਾ ਹੈਂ।+
ਤੂੰ ਮੇਰੇ ਸਿਰ ʼਤੇ ਤੇਲ ਮਲ਼ ਕੇ ਮੈਨੂੰ ਤਰੋ-ਤਾਜ਼ਾ* ਕਰਦਾ ਹੈਂ;+ਮੇਰਾ ਪਿਆਲਾ ਨੱਕੋ-ਨੱਕ ਭਰਿਆ ਹੋਇਆ ਹੈ।+
6 ਸੱਚ-ਮੁੱਚ, ਤੇਰੀ ਭਲਾਈ ਅਤੇ ਤੇਰਾ ਅਟੱਲ ਪਿਆਰ ਸਾਰੀ ਜ਼ਿੰਦਗੀ ਮੇਰੇ ਨਾਲ ਰਹੇਗਾ+ਅਤੇ ਮੈਂ ਸਾਰੀ ਉਮਰ ਯਹੋਵਾਹ ਦੇ ਘਰ ਵੱਸਾਂਗਾ।+
