ਜ਼ਬੂਰ 13:1-6
ਨਿਰਦੇਸ਼ਕ ਲਈ ਹਿਦਾਇਤ। ਦਾਊਦ ਦਾ ਜ਼ਬੂਰ।
13 ਹੇ ਯਹੋਵਾਹ, ਤੂੰ ਕਦ ਤਕ ਮੈਨੂੰ ਭੁਲਾ ਛੱਡੇਂਗਾ? ਕੀ ਹਮੇਸ਼ਾ ਲਈ?
ਤੂੰ ਕਦ ਤਕ ਆਪਣਾ ਮੂੰਹ ਮੇਰੇ ਤੋਂ ਲੁਕਾਈ ਰੱਖੇਂਗਾ?+
2 ਮੈਂ ਕਦ ਤਕ ਚਿੰਤਾ ਵਿਚ ਡੁੱਬਿਆ ਰਹਾਂਗਾ?
ਮੇਰਾ ਦਿਲ ਹਰ ਦਿਨ ਕਦ ਤਕ ਸੋਗ ਮਨਾਉਂਦਾ ਰਹੇਗਾ?
ਮੇਰਾ ਦੁਸ਼ਮਣ ਮੇਰੇ ʼਤੇ ਕਦ ਤਕ ਹਾਵੀ ਹੁੰਦਾ ਰਹੇਗਾ?+
3 ਹੇ ਮੇਰੇ ਪਰਮੇਸ਼ੁਰ ਯਹੋਵਾਹ, ਮੇਰੇ ਵੱਲ ਦੇਖ ਅਤੇ ਮੈਨੂੰ ਜਵਾਬ ਦੇ।
ਮੇਰੀਆਂ ਅੱਖਾਂ ਨੂੰ ਰੌਸ਼ਨੀ ਦੇ ਤਾਂਕਿ ਮੈਂ ਕਿਤੇ ਮੌਤ ਦੀ ਨੀਂਦ ਨਾ ਸੌਂ ਜਾਵਾਂ
4 ਤਾਂਕਿ ਮੇਰਾ ਦੁਸ਼ਮਣ ਇਹ ਨਾ ਕਹੇ: “ਮੈਂ ਉਸ ਨੂੰ ਹਰਾ ਦਿੱਤਾ!”
ਅਤੇ ਮੇਰੇ ਵਿਰੋਧੀ ਮੇਰੀ ਬਰਬਾਦੀ ʼਤੇ ਖ਼ੁਸ਼ ਨਾ ਹੋਣ।+
5 ਪਰ ਮੈਨੂੰ ਤੇਰੇ ਅਟੱਲ ਪਿਆਰ ʼਤੇ ਭਰੋਸਾ ਹੈ;+ਮੇਰਾ ਦਿਲ ਤੇਰੇ ਮੁਕਤੀ ਦੇ ਕੰਮਾਂ ਕਰਕੇ ਖ਼ੁਸ਼ੀ ਮਨਾਵੇਗਾ।+
6 ਮੈਂ ਯਹੋਵਾਹ ਲਈ ਗੀਤ ਗਾਵਾਂਗਾ ਕਿਉਂਕਿ ਉਸ ਨੇ ਮੈਨੂੰ ਬੇਸ਼ੁਮਾਰ ਬਰਕਤਾਂ ਦਿੱਤੀਆਂ ਹਨ।+
