ਜ਼ਬੂਰ 126:1-6
ਚੜ੍ਹਾਈ ਚੜ੍ਹਨ ਵੇਲੇ ਦਾ ਗੀਤ।
126 ਜਦੋਂ ਯਹੋਵਾਹ ਸੀਓਨ ਦੇ ਗ਼ੁਲਾਮ ਲੋਕਾਂ ਨੂੰ ਵਾਪਸ ਲਿਆਇਆ,+ਤਾਂ ਸਾਨੂੰ ਇਵੇਂ ਲੱਗਾ ਜਿਵੇਂ ਅਸੀਂ ਕੋਈ ਸੁਪਨਾ ਦੇਖ ਰਹੇ ਹੋਈਏ।
2 ਉਸ ਸਮੇਂ ਅਸੀਂ ਖਿੜਖਿੜਾ ਕੇ ਹੱਸਣ ਲੱਗੇਅਤੇ ਖ਼ੁਸ਼ੀ ਨਾਲ ਜੈ-ਜੈ ਕਾਰ ਕਰਨ ਲੱਗੇ।+
ਉਸ ਵੇਲੇ ਕੌਮਾਂ ਦੇ ਲੋਕ ਇਕ-ਦੂਜੇ ਨੂੰ ਕਹਿਣ ਲੱਗੇ:
“ਯਹੋਵਾਹ ਨੇ ਉਨ੍ਹਾਂ ਲਈ ਵੱਡੇ-ਵੱਡੇ ਕੰਮ ਕੀਤੇ ਹਨ।”+
3 ਹਾਂ, ਯਹੋਵਾਹ ਨੇ ਸਾਡੇ ਲਈ ਵੱਡੇ-ਵੱਡੇ ਕੰਮ ਕੀਤੇ ਹਨ+ਜਿਸ ਕਰਕੇ ਅਸੀਂ ਖ਼ੁਸ਼ੀ ਨਾਲ ਫੁੱਲੇ ਨਹੀਂ ਸਮਾਉਂਦੇ।
4 ਹੇ ਯਹੋਵਾਹ, ਸਾਡੇ ਗ਼ੁਲਾਮ ਲੋਕਾਂ ਨੂੰ ਦੁਬਾਰਾ ਇਕੱਠਾ ਕਰ,*ਜਿਵੇਂ ਨੇਗੇਬ* ਦੀਆਂ ਨਦੀਆਂ ਮੀਂਹ ਨਾਲ ਦੁਬਾਰਾ ਭਰ ਜਾਂਦੀਆਂ ਹਨ।
5 ਜਿਹੜੇ ਹੰਝੂ ਵਹਾ-ਵਹਾ ਕੇ ਬੀਜਦੇ ਹਨਉਹ ਖ਼ੁਸ਼ੀ-ਖ਼ੁਸ਼ੀ ਵੱਢਣਗੇ।
6 ਜਿਹੜਾ ਬੋਰੀ ਵਿਚ ਬੀ ਲੈ ਕੇ ਰੋਂਦਾ ਹੋਇਆ ਖੇਤ ਵਿਚ ਜਾਂਦਾ ਹੈ,ਉਹ ਭਰੀਆਂ ਚੁੱਕ ਕੇ ਜ਼ਰੂਰ ਖ਼ੁਸ਼ੀ-ਖ਼ੁਸ਼ੀ ਵਾਪਸ ਆਵੇਗਾ।+
