ਜ਼ਬੂਰ 122:1-9
ਚੜ੍ਹਾਈ ਚੜ੍ਹਨ ਵੇਲੇ ਦਾ ਗੀਤ। ਦਾਊਦ ਦਾ ਜ਼ਬੂਰ।
122 ਮੈਂ ਬਹੁਤ ਖ਼ੁਸ਼ ਹੋਇਆ ਜਦੋਂ ਉਨ੍ਹਾਂ ਨੇ ਮੈਨੂੰ ਕਿਹਾ:
“ਆਓ ਆਪਾਂ ਯਹੋਵਾਹ ਦੇ ਘਰ ਚਲੀਏ।”+
2 ਹੇ ਯਰੂਸ਼ਲਮ, ਅਸੀਂ ਹੁਣ ਤੇਰੇ ਦਰਵਾਜ਼ਿਆਂ ਰਾਹੀਂ ਅੰਦਰ ਕਦਮ ਰੱਖਿਆ ਹੈ।+
3 ਯਰੂਸ਼ਲਮ ਨੂੰ ਸ਼ਹਿਰ ਵਜੋਂ ਉਸਾਰਿਆ ਗਿਆ ਹੈਜਿਸ ਵਿਚ ਘਰ ਇਕ-ਦੂਜੇ ਨਾਲ ਜੁੜੇ ਹੋਏ ਹਨ।+
4 ਇਜ਼ਰਾਈਲ ਨੂੰ ਦਿੱਤਾ ਨਿਯਮ ਮੰਨਦੇ ਹੋਏਯਾਹ* ਦੇ ਗੋਤ ਸ਼ਹਿਰ ਵਿਚ ਗਏ ਹਨਤਾਂਕਿ ਉਹ ਯਹੋਵਾਹ ਦੇ ਨਾਂ ਦਾ ਧੰਨਵਾਦ ਕਰਨ+
5 ਕਿਉਂਕਿ ਉੱਥੇ ਨਿਆਂ ਦੇ ਲਈ ਸਿੰਘਾਸਣ,+ਹਾਂ, ਦਾਊਦ ਦੇ ਘਰਾਣੇ ਦੇ ਸਿੰਘਾਸਣ ਕਾਇਮ ਕੀਤੇ ਗਏ ਸਨ।+
6 ਯਰੂਸ਼ਲਮ ਦੀ ਸ਼ਾਂਤੀ ਲਈ ਪ੍ਰਾਰਥਨਾ ਕਰੋ।+
ਤੈਨੂੰ* ਪਿਆਰ ਕਰਨ ਵਾਲੇ ਸੁਰੱਖਿਅਤ ਰਹਿਣਗੇ।
7 ਤੇਰੀਆਂ ਮਜ਼ਬੂਤ ਕੰਧਾਂ ਅੰਦਰ ਸ਼ਾਂਤੀ ਬਣੀ ਰਹੇ,ਤੇਰੇ ਪੱਕੇ ਬੁਰਜਾਂ ਵਿਚ ਸੁਰੱਖਿਆ ਰਹੇ।
8 ਮੈਂ ਆਪਣੇ ਭਰਾਵਾਂ ਅਤੇ ਸਾਥੀਆਂ ਦੀ ਖ਼ਾਤਰ ਕਹਾਂਗਾ:
“ਤੇਰੇ ਵਿਚ ਸ਼ਾਂਤੀ ਹੋਵੇ।”
9 ਸਾਡੇ ਪਰਮੇਸ਼ੁਰ ਯਹੋਵਾਹ ਦੇ ਘਰ ਦੀ ਖ਼ਾਤਰ,+ਮੈਂ ਤੇਰੀ ਖ਼ੁਸ਼ਹਾਲੀ ਲਈ ਦੁਆ ਕਰਾਂਗਾ।
