ਜ਼ਬੂਰ 121:1-8
ਚੜ੍ਹਾਈ ਚੜ੍ਹਨ ਵੇਲੇ ਦਾ ਗੀਤ।
121 ਮੈਂ ਪਹਾੜਾਂ ਵੱਲ ਆਪਣੀਆਂ ਅੱਖਾਂ ਚੁੱਕਦਾ ਹਾਂ।+
ਮੈਨੂੰ ਕਿੱਥੋਂ ਮਦਦ ਮਿਲੇਗੀ?
2 ਮੈਨੂੰ ਯਹੋਵਾਹ ਤੋਂ ਮਦਦ ਮਿਲਦੀ ਹੈ,+ਜੋ ਆਕਾਸ਼ ਅਤੇ ਧਰਤੀ ਦਾ ਸਿਰਜਣਹਾਰ ਹੈ।
3 ਉਹ ਤੇਰਾ ਪੈਰ ਕਦੀ ਤਿਲਕਣ* ਨਹੀਂ ਦੇਵੇਗਾ।+
ਤੇਰਾ ਰਖਵਾਲਾ ਕਦੀ ਨਹੀਂ ਉਂਘਲਾਏਗਾ।
4 ਦੇਖ! ਇਜ਼ਰਾਈਲ ਦਾ ਰਖਵਾਲਾਨਾ ਤਾਂ ਉਂਘਲਾਏਗਾ ਤੇ ਨਾ ਹੀ ਸੌਂਵੇਗਾ।+
5 ਯਹੋਵਾਹ ਤੇਰੀ ਰਖਵਾਲੀ ਕਰ ਰਿਹਾ ਹੈ।
ਯਹੋਵਾਹ ਸਾਏ ਵਾਂਗ ਤੇਰੇ ਸੱਜੇ ਹੱਥ ਹੈ।+
6 ਦਿਨ ਵੇਲੇ ਸੂਰਜ ਤੇਰਾ ਕੁਝ ਨਹੀਂ ਵਿਗਾੜ ਸਕੇਗਾ+ਅਤੇ ਨਾ ਹੀ ਰਾਤ ਵੇਲੇ ਚੰਦ।+
7 ਯਹੋਵਾਹ ਤੈਨੂੰ ਹਰ ਖ਼ਤਰੇ ਤੋਂ ਬਚਾਵੇਗਾ।+
ਉਹ ਤੇਰੀ ਜਾਨ ਦੀ ਰਾਖੀ ਕਰੇਗਾ।+
8 ਯਹੋਵਾਹ ਹੁਣ ਅਤੇ ਸਦਾ ਲਈਹਰ ਕੰਮ ਵਿਚ* ਤੇਰੀ ਰਖਵਾਲੀ ਕਰੇਗਾ।
