ਜ਼ਬੂਰ 116:1-19
116 ਮੈਂ ਯਹੋਵਾਹ ਨੂੰ ਪਿਆਰ ਕਰਦਾ ਹਾਂਕਿਉਂਕਿ ਉਹ ਮੇਰੀ ਆਵਾਜ਼ ਸੁਣਦਾ ਹੈ,*ਹਾਂ, ਉਹ ਮਦਦ ਲਈ ਮੇਰੀਆਂ ਫ਼ਰਿਆਦਾਂ ਸੁਣਦਾ ਹੈ।+
2 ਉਹ ਆਪਣਾ ਕੰਨ ਮੇਰੇ ਵੱਲ ਲਾਉਂਦਾ ਹੈ,*+ਮੈਂ ਸਾਰੀ ਜ਼ਿੰਦਗੀ ਉਸ ਨੂੰ ਪੁਕਾਰਾਂਗਾ।
3 ਮੌਤ ਦੀਆਂ ਰੱਸੀਆਂ ਨੇ ਮੈਨੂੰ ਜਕੜਿਆ ਹੋਇਆ ਸੀ;ਮੈਂ ਕਬਰ ਦੇ ਸ਼ਿਕੰਜੇ ਵਿਚ ਸੀ।+
ਮੈਂ ਬਿਪਤਾ ਅਤੇ ਕਸ਼ਟ ਨਾਲ ਘਿਰਿਆ ਹੋਇਆ ਸੀ।+
4 ਪਰ ਮੈਂ ਯਹੋਵਾਹ ਨੂੰ ਨਾਂ ਲੈ ਕੇ ਪੁਕਾਰਿਆ:+
“ਹੇ ਯਹੋਵਾਹ, ਮੈਨੂੰ ਬਚਾ!”
5 ਯਹੋਵਾਹ ਰਹਿਮਦਿਲ* ਹੈ ਤੇ ਜੋ ਕਰਦਾ ਸਹੀ ਕਰਦਾ ਹੈ;+ਸਾਡਾ ਪਰਮੇਸ਼ੁਰ ਦਇਆਵਾਨ ਹੈ।+
6 ਯਹੋਵਾਹ ਨਾਤਜਰਬੇਕਾਰ ਦੀ ਹਿਫਾਜ਼ਤ ਕਰਦਾ ਹੈ।+
ਮੈਂ ਦੁੱਖ ਵਿਚ ਡੁੱਬਿਆ ਹੋਇਆ ਸੀ, ਪਰ ਉਸ ਨੇ ਮੈਨੂੰ ਬਚਾਇਆ।
7 ਮੇਰਾ ਮਨ ਫਿਰ ਤੋਂ ਸ਼ਾਂਤ ਹੋ ਜਾਵੇਕਿਉਂਕਿ ਯਹੋਵਾਹ ਨੇ ਮੇਰੇ ’ਤੇ ਮਿਹਰ ਕੀਤੀ ਹੈ।
8 ਤੂੰ ਮੈਨੂੰ ਮੌਤ ਦੇ ਚੁੰਗਲ ਵਿੱਚੋਂ ਕੱਢਿਆ,ਤੂੰ ਮੇਰੀਆਂ ਅੱਖਾਂ ਵਿਚ ਹੰਝੂ ਨਹੀਂ ਆਉਣ ਦਿੱਤੇਅਤੇ ਮੇਰੇ ਪੈਰ ਨੂੰ ਠੇਡਾ ਖਾਣ ਤੋਂ ਬਚਾਇਆ।+
9 ਮੈਂ ਜੀਉਂਦਿਆਂ ਦੇ ਦੇਸ਼ ਵਿਚ ਯਹੋਵਾਹ ਦੇ ਅੱਗੇ-ਅੱਗੇ ਚੱਲਾਂਗਾ।
10 ਮੈਨੂੰ ਪਰਮੇਸ਼ੁਰ ’ਤੇ ਨਿਹਚਾ ਸੀ, ਇਸ ਲਈ ਮੈ ਕਿਹਾ;+ਭਾਵੇਂ ਮੈਂ ਬੇਹੱਦ ਦੁਖੀ ਸੀ।
11 ਮੈਂ ਘਬਰਾ ਕੇ ਕਿਹਾ:
“ਹਰ ਇਨਸਾਨ ਝੂਠਾ ਹੈ।”+
12 ਯਹੋਵਾਹ ਨੇ ਮੇਰੇ ’ਤੇ ਜੋ ਉਪਕਾਰ ਕੀਤੇ ਹਨ,ਉਨ੍ਹਾਂ ਦੇ ਬਦਲੇ ਮੈਂ ਉਸ ਨੂੰ ਕੀ ਦਿਆਂ?
13 ਮੈਂ ਮੁਕਤੀ* ਦਾ ਪਿਆਲਾ ਪੀਵਾਂਗਾਅਤੇ ਯਹੋਵਾਹ ਦਾ ਨਾਂ ਪੁਕਾਰਾਂਗਾ।
14 ਮੈਂ ਯਹੋਵਾਹ ਅੱਗੇ ਜੋ ਸੁੱਖਣਾਂ ਸੁੱਖੀਆਂ ਹਨ,ਮੈਂ ਉਸ ਦੇ ਲੋਕਾਂ ਦੀ ਹਾਜ਼ਰੀ ਵਿਚ ਉਹ ਪੂਰੀਆਂ ਕਰਾਂਗਾ।+
15 ਯਹੋਵਾਹ ਦੀਆਂ ਨਜ਼ਰਾਂ ਵਿਚਆਪਣੇ ਵਫ਼ਾਦਾਰ ਸੇਵਕਾਂ ਦੀ ਮੌਤ ਇਕ ਗੰਭੀਰ ਗੱਲ* ਹੈ।+
16 ਹੇ ਯਹੋਵਾਹ, ਮੈਂ ਤੈਨੂੰ ਮਿੰਨਤ ਕਰਦਾ ਹਾਂ,ਮੈਂ ਤੇਰਾ ਸੇਵਕ ਹਾਂ।
ਹਾਂ, ਮੈਂ ਤੇਰਾ ਸੇਵਕ ਅਤੇ ਤੇਰੀ ਦਾਸੀ ਦਾ ਪੁੱਤਰ ਹਾਂ।
ਤੂੰ ਮੈਨੂੰ ਬੇੜੀਆਂ ਤੋਂ ਆਜ਼ਾਦ ਕੀਤਾ ਹੈ।+
17 ਮੈਂ ਤੈਨੂੰ ਧੰਨਵਾਦ ਦੀਆਂ ਬਲ਼ੀਆਂ ਚੜ੍ਹਾਵਾਂਗਾ;+ਮੈਂ ਯਹੋਵਾਹ ਦਾ ਨਾਂ ਪੁਕਾਰਾਂਗਾ।
18 ਮੈਂ ਯਹੋਵਾਹ ਅੱਗੇ ਜੋ ਸੁੱਖਣਾਂ ਸੁੱਖੀਆਂ ਹਨ,+ਮੈਂ ਉਸ ਦੇ ਲੋਕਾਂ ਦੀ ਹਾਜ਼ਰੀ ਵਿਚ ਉਹ ਪੂਰੀਆਂ ਕਰਾਂਗਾ।+
19 ਮੈਂ ਯਹੋਵਾਹ ਦੇ ਘਰ ਦੇ ਵਿਹੜਿਆਂ ਵਿਚ,+ਹੇ ਯਰੂਸ਼ਲਮ, ਤੇਰੇ ਵਿਚਕਾਰ ਇਹ ਪੂਰੀਆਂ ਕਰਾਂਗਾ।
ਯਾਹ ਦੀ ਮਹਿਮਾ ਕਰੋ!*
ਫੁਟਨੋਟ
^ ਜਾਂ ਸੰਭਵ ਹੈ, “ਮੈਂ ਪਿਆਰ ਕਰਦਾ ਹਾਂ ਕਿਉਂਕਿ ਯਹੋਵਾਹ ਸੁਣਦਾ ਹੈ।”
^ ਜਾਂ, “ਝੁਕ ਕੇ ਮੇਰੀ ਸੁਣਦਾ ਹੈ।”
^ ਜਾਂ, “ਹਮਦਰਦ।”
^ ਜਾਂ, “ਸ਼ਾਨਦਾਰ ਮੁਕਤੀ।”
^ ਇਬ, “ਬੇਸ਼ਕੀਮਤੀ।”
^ ਜਾਂ, “ਹਲਲੂਯਾਹ।” “ਯਾਹ” ਯਹੋਵਾਹ ਨਾਂ ਦਾ ਛੋਟਾ ਰੂਪ ਹੈ।
