ਜ਼ਬੂਰ 106:1-48
106 ਯਾਹ ਦੀ ਮਹਿਮਾ ਕਰੋ!*
ਯਹੋਵਾਹ ਦਾ ਧੰਨਵਾਦ ਕਰੋ ਕਿਉਂਕਿ ਉਹ ਚੰਗਾ ਹੈ;+ਉਸ ਦਾ ਅਟੱਲ ਪਿਆਰ ਸਦਾ ਰਹਿੰਦਾ ਹੈ।+
2 ਕੌਣ ਯਹੋਵਾਹ ਦੇ ਸ਼ਕਤੀਸ਼ਾਲੀ ਕੰਮਾਂ ਨੂੰ ਪੂਰੀ ਤਰ੍ਹਾਂ ਬਿਆਨ ਕਰ ਸਕਦਾ ਹੈ?
ਜਾਂ ਕੌਣ ਉਸ ਦੇ ਸਾਰੇ ਬੇਮਿਸਾਲ ਕੰਮਾਂ ਦਾ ਐਲਾਨ ਕਰ ਸਕਦਾ ਹੈ?+
3 ਖ਼ੁਸ਼ ਹਨ ਉਹ ਜਿਹੜੇ ਬਿਨਾਂ ਪੱਖਪਾਤ ਦੇ ਨਿਆਂ ਕਰਦੇ ਹਨ,ਹਾਂ, ਜਿਹੜੇ ਹਮੇਸ਼ਾ ਸਹੀ ਕੰਮ ਕਰਦੇ ਹਨ।+
4 ਹੇ ਯਹੋਵਾਹ, ਆਪਣੀ ਪਰਜਾ ’ਤੇ ਮਿਹਰ* ਕਰਦੇ ਵੇਲੇ ਮੈਨੂੰ ਯਾਦ ਰੱਖੀਂ।+
ਮੇਰਾ ਖ਼ਿਆਲ ਰੱਖੀਂ ਅਤੇ ਮੇਰੀ ਹਿਫਾਜ਼ਤ ਕਰੀਂ
5 ਤਾਂਕਿ ਮੈਂ ਵੀ ਉਸ ਭਲਾਈ ਦਾ ਆਨੰਦ ਮਾਣਾਂ ਜੋ ਤੂੰ ਆਪਣੇ ਚੁਣੇ ਹੋਇਆਂ ਨਾਲ ਕਰਦਾ ਹੈਂ,+ਮੈਂ ਤੇਰੀ ਕੌਮ ਨਾਲ ਮਿਲ ਕੇ ਖ਼ੁਸ਼ੀਆਂ ਮਨਾਵਾਂ,ਤੇਰੀ ਵਿਰਾਸਤ ਨਾਲ ਮਿਲ ਕੇ ਮਾਣ ਨਾਲ ਤੇਰੀ ਮਹਿਮਾ ਕਰ ਸਕਾਂ।
6 ਅਸੀਂ ਆਪਣੇ ਪਿਉ-ਦਾਦਿਆਂ ਵਾਂਗ ਪਾਪ ਕੀਤੇ ਹਨ;+ਅਸੀਂ ਗ਼ਲਤੀਆਂ ਕੀਤੀਆਂ ਹਨ; ਅਸੀਂ ਦੁਸ਼ਟ ਕੰਮ ਕੀਤੇ ਹਨ।+
7 ਮਿਸਰ ਵਿਚ ਸਾਡੇ ਪਿਉ-ਦਾਦਿਆਂ ਨੇ ਤੇਰੇ ਹੈਰਾਨੀਜਨਕ ਕੰਮਾਂ* ਦੀ ਕਦਰ ਨਹੀਂ ਕੀਤੀ।
ਉਹ ਤੇਰੇ ਬੇਹੱਦ ਅਟੱਲ ਪਿਆਰ ਨੂੰ ਭੁੱਲ ਗਏ,ਇੰਨਾ ਹੀ ਨਹੀਂ, ਉਨ੍ਹਾਂ ਨੇ ਸਮੁੰਦਰ, ਹਾਂ, ਲਾਲ ਸਮੁੰਦਰ ਕੋਲ ਤੇਰੇ ਖ਼ਿਲਾਫ਼ ਬਗਾਵਤ ਕੀਤੀ।+
8 ਫਿਰ ਵੀ ਉਸ ਨੇ ਆਪਣੇ ਨਾਂ ਦੀ ਖ਼ਾਤਰ ਉਨ੍ਹਾਂ ਨੂੰ ਬਚਾਇਆ+ਤਾਂਕਿ ਉਹ ਆਪਣੀ ਤਾਕਤ ਦਿਖਾ ਸਕੇ।+
9 ਉਸ ਨੇ ਲਾਲ ਸਮੁੰਦਰ ਨੂੰ ਝਿੜਕਿਆ ਅਤੇ ਉਹ ਸੁੱਕ ਗਿਆ;ਉਸ ਨੇ ਉਨ੍ਹਾਂ ਨੂੰ ਡੂੰਘਾਈਆਂ ਵਿੱਚੋਂ ਦੀ ਲੰਘਾਇਆਜਿਵੇਂ ਕਿ ਉਹ ਰੇਗਿਸਤਾਨ* ਵਿੱਚੋਂ ਦੀ ਲੰਘ ਰਹੇ ਹੋਣ;+
10 ਉਸ ਨੇ ਉਨ੍ਹਾਂ ਨੂੰ ਦੁਸ਼ਮਣਾਂ ਦੇ ਹੱਥੋਂ ਬਚਾਇਆ+ਅਤੇ ਉਨ੍ਹਾਂ ਨੂੰ ਵੈਰੀਆਂ ਦੇ ਹੱਥੋਂ ਛੁਡਾਇਆ।+
11 ਪਾਣੀਆਂ ਨੇ ਉਨ੍ਹਾਂ ਦੇ ਵਿਰੋਧੀਆਂ ਨੂੰ ਢਕ ਲਿਆਅਤੇ ਉਨ੍ਹਾਂ ਵਿੱਚੋਂ ਇਕ ਵੀ ਨਾ ਬਚਿਆ।+
12 ਫਿਰ ਉਨ੍ਹਾਂ ਨੇ ਉਸ ਦੇ ਵਾਅਦੇ ’ਤੇ ਨਿਹਚਾ ਕੀਤੀ+ਅਤੇ ਉਹ ਉਸ ਦਾ ਗੁਣਗਾਨ ਕਰਨ ਲੱਗੇ।+
13 ਪਰ ਉਹ ਛੇਤੀ ਹੀ ਉਸ ਦੇ ਕੰਮਾਂ ਨੂੰ ਭੁੱਲ ਗਏ;+ਉਨ੍ਹਾਂ ਨੇ ਉਸ ਦੀ ਸੇਧ ਦੀ ਉਡੀਕ ਨਹੀਂ ਕੀਤੀ।
14 ਉਜਾੜ ਵਿਚ ਉਹ ਆਪਣੀਆਂ ਸੁਆਰਥੀ ਇੱਛਾਵਾਂ ਮੁਤਾਬਕ ਚੱਲਣ ਲੱਗੇ;+ਉਨ੍ਹਾਂ ਨੇ ਉਜਾੜ ਵਿਚ ਪਰਮੇਸ਼ੁਰ ਨੂੰ ਪਰਖਿਆ।+
15 ਉਨ੍ਹਾਂ ਨੇ ਜੋ ਕੁਝ ਮੰਗਿਆ, ਉਸ ਨੇ ਦਿੱਤਾ,ਪਰ ਫਿਰ ਉਨ੍ਹਾਂ ਨੂੰ ਜਾਨਲੇਵਾ ਬੀਮਾਰੀ ਲਾ ਦਿੱਤੀ।+
16 ਡੇਰੇ ਵਿਚ ਉਨ੍ਹਾਂ ਨੇ ਮੂਸਾ ਨਾਲ ਈਰਖਾ ਕੀਤੀ,ਨਾਲੇ ਯਹੋਵਾਹ ਦੇ ਪਵਿੱਤਰ ਸੇਵਕ+ ਹਾਰੂਨ+ ਨਾਲ ਵੀ।
17 ਧਰਤੀ ਨੇ ਆਪਣਾ ਮੂੰਹ ਖੋਲ੍ਹ ਕੇ ਦਾਥਾਨ ਨੂੰ ਨਿਗਲ਼ ਲਿਆਅਤੇ ਅਬੀਰਾਮ ਤੇ ਉਸ ਦੀ ਟੋਲੀ ਨੂੰ ਆਪਣੇ ਅੰਦਰ ਦਫ਼ਨ ਕਰ ਲਿਆ।+
18 ਉਨ੍ਹਾਂ ਦੇ ਸਾਥੀਆਂ ’ਤੇ ਅੱਗ ਵਰ੍ਹੀਅਤੇ ਉਨ੍ਹਾਂ ਦੁਸ਼ਟਾਂ ਨੂੰ ਅੱਗ ਦੀਆਂ ਲਪਟਾਂ ਨੇ ਭਸਮ ਕਰ ਦਿੱਤਾ।+
19 ਉਨ੍ਹਾਂ ਨੇ ਹੋਰੇਬ ਵਿਚ ਵੱਛਾ ਬਣਾਇਆਅਤੇ ਧਾਤ ਦੇ ਬੁੱਤ* ਅੱਗੇ ਮੱਥਾ ਟੇਕਿਆ।+
20 ਜੋ ਮਹਿਮਾ ਮੈਨੂੰ ਮਿਲਣੀ ਚਾਹੀਦੀ ਸੀ,ਉਹ ਉਨ੍ਹਾਂ ਨੇ ਘਾਹ ਖਾਣ ਵਾਲੇ ਬਲਦ ਦੀ ਮੂਰਤ ਨੂੰ ਦਿੱਤੀ।+
21 ਉਹ ਆਪਣੇ ਮੁਕਤੀਦਾਤੇ ਪਰਮੇਸ਼ੁਰ ਨੂੰ ਭੁੱਲ ਗਏ+ਜਿਸ ਨੇ ਮਿਸਰ ਵਿਚ ਵੱਡੇ-ਵੱਡੇ ਕੰਮ ਕੀਤੇ ਸਨ,+
22 ਹਾਮ ਦੇ ਦੇਸ਼+ ਵਿਚ ਸ਼ਾਨਦਾਰ ਕੰਮ ਕੀਤੇ ਸਨ,ਲਾਲ ਸਮੁੰਦਰ ਕੋਲ ਹੈਰਾਨੀਜਨਕ ਕੰਮ ਕੀਤੇ ਸਨ।+
23 ਉਹ ਉਨ੍ਹਾਂ ਨੂੰ ਨਾਸ਼ ਕਰਨ ਦਾ ਹੁਕਮ ਦੇਣ ਹੀ ਵਾਲਾ ਸੀ,ਪਰ ਉਸ ਦੇ ਚੁਣੇ ਹੋਏ ਸੇਵਕ ਮੂਸਾ ਨੇ ਉਸ ਨੂੰ ਫ਼ਰਿਆਦ ਕੀਤੀ*ਕਿ ਉਹ ਗੁੱਸੇ ਵਿਚ ਆ ਕੇ ਕਹਿਰ ਨਾ ਢਾਹੇ।+
24 ਫਿਰ ਉਨ੍ਹਾਂ ਨੇ ਸੋਹਣੇ ਦੇਸ਼ ਨੂੰ ਤੁੱਛ ਜਾਣਿਆ;+ਉਨ੍ਹਾਂ ਨੇ ਉਸ ਦੇ ਵਾਅਦੇ ’ਤੇ ਨਿਹਚਾ ਨਹੀਂ ਕੀਤੀ।+
25 ਉਹ ਆਪਣੇ ਤੰਬੂਆਂ ਵਿਚ ਬੁੜ-ਬੁੜ ਕਰਦੇ ਰਹੇ;+ਉਨ੍ਹਾਂ ਨੇ ਯਹੋਵਾਹ ਦੀ ਗੱਲ ਅਣਸੁਣੀ ਕੀਤੀ।+
26 ਇਸ ਲਈ ਉਸ ਨੇ ਹੱਥ ਚੁੱਕ ਕੇ ਉਨ੍ਹਾਂ ਬਾਰੇ ਸਹੁੰ ਖਾਧੀਕਿ ਉਹ ਉਨ੍ਹਾਂ ਨੂੰ ਉਜਾੜ ਵਿਚ ਮਾਰ ਮੁਕਾਏਗਾ;+
27 ਉਹ ਉਨ੍ਹਾਂ ਦੀ ਔਲਾਦ ਨੂੰ ਕੌਮਾਂ ਦੇ ਹੱਥੋਂ ਨਾਸ਼ ਹੋਣ ਦੇਵੇਗਾਅਤੇ ਉਨ੍ਹਾਂ ਨੂੰ ਵੱਖ-ਵੱਖ ਦੇਸ਼ਾਂ ਵਿਚ ਖਿੰਡਾ ਦੇਵੇਗਾ।+
28 ਫਿਰ ਉਨ੍ਹਾਂ ਨੇ ਪਿਓਰ ਦੇ ਬਆਲ ਦੀ ਭਗਤੀ ਕੀਤੀ*+ਅਤੇ ਉਨ੍ਹਾਂ ਨੇ ਮੁਰਦਿਆਂ ਨੂੰ ਚੜ੍ਹਾਈਆਂ ਬਲ਼ੀਆਂ ਖਾਧੀਆਂ।*
29 ਉਨ੍ਹਾਂ ਨੇ ਆਪਣੇ ਕੰਮਾਂ ਨਾਲ ਉਸ ਦਾ ਗੁੱਸਾ ਭੜਕਾਇਆ+ਜਿਸ ਕਰਕੇ ਉਨ੍ਹਾਂ ’ਤੇ ਕਹਿਰ ਵਰ੍ਹਿਆ।+
30 ਪਰ ਜਦ ਫ਼ੀਨਹਾਸ ਨੇ ਅੱਗੇ ਵਧ ਕੇ ਕਦਮ ਚੁੱਕਿਆ,ਤਾਂ ਕਹਿਰ ਰੁਕ ਗਿਆ।+
31 ਇਸ ਲਈ ਪਰਮੇਸ਼ੁਰ ਨੇ ਉਸ ਨੂੰ ਪੀੜ੍ਹੀਓ-ਪੀੜ੍ਹੀ, ਹਾਂ, ਹਮੇਸ਼ਾ ਲਈ ਧਰਮੀ ਗਿਣਿਆ।+
32 ਉਨ੍ਹਾਂ ਨੇ ਮਰੀਬਾਹ* ਦੇ ਪਾਣੀਆਂ ਕੋਲ ਉਸ ਦਾ ਗੁੱਸਾ ਭੜਕਾਇਆ,ਉਨ੍ਹਾਂ ਕਰਕੇ ਮੂਸਾ ਨਾਲ ਬੁਰਾ ਹੋਇਆ।+
33 ਉਨ੍ਹਾਂ ਨੇ ਉਸ ਨੂੰ ਖਿਝਾਇਆਅਤੇ ਉਹ ਬਿਨਾਂ ਸੋਚੇ-ਸਮਝੇ ਬੋਲਿਆ।+
34 ਯਹੋਵਾਹ ਨੇ ਉਨ੍ਹਾਂ ਨੂੰ ਹੋਰ ਕੌਮਾਂ ਦਾ ਨਾਸ਼ ਕਰਨ ਲਈ ਕਿਹਾ,+ਪਰ ਉਨ੍ਹਾਂ ਨੇ ਉਸ ਦੇ ਹੁਕਮ ਦੀ ਉਲੰਘਣਾ ਕੀਤੀ।+
35 ਉਹ ਦੂਜੀਆਂ ਕੌਮਾਂ ਦੇ ਲੋਕਾਂ ਨਾਲ ਰਲ਼-ਮਿਲ ਗਏ+ਅਤੇ ਉਨ੍ਹਾਂ ਦੇ ਤੌਰ-ਤਰੀਕੇ ਅਪਣਾ* ਲਏ।+
36 ਉਹ ਉਨ੍ਹਾਂ ਦੇ ਬੁੱਤਾਂ ਦੀ ਪੂਜਾ ਕਰਦੇ ਰਹੇ+ਜੋ ਉਨ੍ਹਾਂ ਲਈ ਫੰਦਾ ਬਣ ਗਏ।+
37 ਉਨ੍ਹਾਂ ਨੇ ਦੁਸ਼ਟ ਦੂਤਾਂ ਅੱਗੇ ਆਪਣੇ ਧੀਆਂ-ਪੁੱਤਾਂ ਦੀ ਬਲ਼ੀ ਚੜ੍ਹਾਈ।+
38 ਉਹ ਨਿਰਦੋਸ਼ਾਂ ਦਾ, ਹਾਂ, ਆਪਣੇ ਹੀ ਧੀਆਂ-ਪੁੱਤਰਾਂ ਦਾ ਲਹੂ ਵਹਾਉਂਦੇ ਰਹੇ+ਜਿਨ੍ਹਾਂ ਦੀ ਉਨ੍ਹਾਂ ਨੇ ਕਨਾਨ ਦੇ ਬੁੱਤਾਂ ਅੱਗੇ ਬਲ਼ੀ ਚੜ੍ਹਾਈ;+ਸਾਰਾ ਦੇਸ਼ ਖ਼ੂਨ-ਖ਼ਰਾਬੇ ਨਾਲ ਭ੍ਰਿਸ਼ਟ ਹੋ ਗਿਆ।
39 ਉਹ ਆਪਣੇ ਹੀ ਕੰਮਾਂ ਨਾਲ ਅਸ਼ੁੱਧ ਹੋ ਗਏ;ਉਨ੍ਹਾਂ ਨੇ ਅਜਿਹੇ ਕੰਮ ਕਰ ਕੇ ਪਰਾਏ ਦੇਵੀ-ਦੇਵਤਿਆਂ ਨਾਲ ਹਰਾਮਕਾਰੀ* ਕੀਤੀ।+
40 ਇਸ ਲਈ ਆਪਣੀ ਪਰਜਾ ’ਤੇ ਯਹੋਵਾਹ ਦਾ ਗੁੱਸਾ ਭੜਕ ਉੱਠਿਆਅਤੇ ਉਹ ਆਪਣੀ ਵਿਰਾਸਤ ਨਾਲ ਘਿਣ ਕਰਨ ਲੱਗ ਪਿਆ।
41 ਉਸ ਨੇ ਵਾਰ-ਵਾਰ ਉਨ੍ਹਾਂ ਨੂੰ ਦੂਜੀਆਂ ਕੌਮਾਂ ਦੇ ਹਵਾਲੇ ਕੀਤਾ+ਤਾਂਕਿ ਉਨ੍ਹਾਂ ਨੂੰ ਨਫ਼ਰਤ ਕਰਨ ਵਾਲੇ ਉਨ੍ਹਾਂ ’ਤੇ ਰਾਜ ਕਰਨ।+
42 ਦੁਸ਼ਮਣਾਂ ਨੇ ਉਨ੍ਹਾਂ ’ਤੇ ਜ਼ੁਲਮ ਢਾਹੇਅਤੇ ਉਨ੍ਹਾਂ ਨੂੰ ਆਪਣੀ ਤਾਕਤ* ਨਾਲ ਆਪਣੇ ਅਧੀਨ ਕੀਤਾ।
43 ਉਸ ਨੇ ਬਹੁਤ ਵਾਰ ਉਨ੍ਹਾਂ ਨੂੰ ਛੁਡਾਇਆ,+ਪਰ ਉਹ ਬਗਾਵਤ ਕਰਦੇ ਰਹੇ ਅਤੇ ਉਸ ਦਾ ਕਹਿਣਾ ਨਹੀਂ ਮੰਨਿਆ+ਅਤੇ ਉਹ ਆਪਣੀਆਂ ਗ਼ਲਤੀਆਂ ਕਰਕੇ ਬੇਇੱਜ਼ਤ ਹੁੰਦੇ ਰਹੇ।+
44 ਪਰ ਉਹ ਉਨ੍ਹਾਂ ਦਾ ਕਸ਼ਟ ਦੇਖਦਾ ਸੀ+ਅਤੇ ਮਦਦ ਲਈ ਉਨ੍ਹਾਂ ਦੀ ਪੁਕਾਰ ਸੁਣਦਾ ਸੀ।+
45 ਉਨ੍ਹਾਂ ਦੀ ਖ਼ਾਤਰ ਉਹ ਆਪਣਾ ਇਕਰਾਰ ਯਾਦ ਕਰਦਾ ਸੀ,ਆਪਣੇ ਬੇਹੱਦ ਅਟੱਲ ਪਿਆਰ ਕਰਕੇ ਉਨ੍ਹਾਂ ’ਤੇ ਤਰਸ ਖਾਂਦਾ ਸੀ।*+
46 ਜਿਹੜੇ ਉਨ੍ਹਾਂ ਨੂੰ ਗ਼ੁਲਾਮ ਬਣਾਉਂਦੇ ਸਨਉਹ ਉਨ੍ਹਾਂ ਦੇ ਦਿਲਾਂ ਵਿਚ ਉਨ੍ਹਾਂ ਲਈ ਰਹਿਮ ਪੈਦਾ ਕਰਦਾ ਸੀ।+
47 ਹੇ ਸਾਡੇ ਪਰਮੇਸ਼ੁਰ ਯਹੋਵਾਹ, ਸਾਨੂੰ ਬਚਾ+ਅਤੇ ਸਾਨੂੰ ਕੌਮਾਂ ਵਿੱਚੋਂ ਇਕੱਠਾ ਕਰ+ਤਾਂਕਿ ਅਸੀਂ ਤੇਰੇ ਪਵਿੱਤਰ ਨਾਂ ਦਾ ਧੰਨਵਾਦ ਕਰੀਏਅਤੇ ਤੇਰੀ ਮਹਿਮਾ ਕਰ ਕੇ ਖ਼ੁਸ਼ੀ ਪਾਈਏ।+
48 ਇਜ਼ਰਾਈਲ ਦੇ ਪਰਮੇਸ਼ੁਰ ਯਹੋਵਾਹ ਦੀ ਮਹਿਮਾ ਯੁਗਾਂ-ਯੁਗਾਂ ਤਕ* ਹੋਵੇ।+
ਸਾਰੇ ਲੋਕ ਕਹਿਣ, “ਆਮੀਨ।”*
ਯਾਹ ਦੀ ਮਹਿਮਾ ਕਰੋ।*
ਫੁਟਨੋਟ
^ ਜਾਂ, “ਹਲਲੂਯਾਹ।” “ਯਾਹ” ਯਹੋਵਾਹ ਨਾਂ ਦਾ ਛੋਟਾ ਰੂਪ ਹੈ।
^ ਜਾਂ, “ਕਿਰਪਾ।”
^ ਜਾਂ, “ਕੰਮਾਂ ਦਾ ਮਤਲਬ ਨਹੀਂ ਸਮਝਿਆ।”
^ ਜਾਂ, “ਉਜਾੜ।”
^ ਜਾਂ, “ਢਾਲ਼ੇ ਹੋਏ ਬੁੱਤ।”
^ ਇਬ, “ਉਸ ਦੇ ਸਾਮ੍ਹਣੇ ਪਾੜ ਵਿਚ ਖੜ੍ਹਾ ਹੋਇਆ।”
^ ਜਾਂ, “ਨਾਲ ਜੁੜ ਗਏ।”
^ ਇੱਥੇ ਮੁਰਦਿਆਂ ਨੂੰ ਜਾਂ ਫਿਰ ਬੇਜਾਨ ਦੇਵੀ-ਦੇਵਤਿਆਂ ਨੂੰ ਚੜ੍ਹਾਈਆਂ ਬਲ਼ੀਆਂ ਦੀ ਗੱਲ ਕੀਤੀ ਗਈ ਹੈ।
^ ਮਤਲਬ “ਝਗੜਾ।”
^ ਜਾਂ, “ਸਿੱਖ।”
^ ਯਾਨੀ, ਹੋਰ ਦੇਵੀ-ਦੇਵਤਿਆਂ ਦੀ ਭਗਤੀ।
^ ਇਬ, “ਹੱਥ।”
^ ਜਾਂ, “ਉਸ ਨੂੰ ਅਫ਼ਸੋਸ ਹੁੰਦਾ ਸੀ।”
^ ਜਾਂ, “ਅਨੰਤ ਕਾਲ ਤੋਂ ਅਨੰਤ ਕਾਲ ਤਕ।”
^ ਜਾਂ, “ਇਸੇ ਤਰ੍ਹਾਂ ਹੋਵੇ!”
^ ਜਾਂ, “ਹਲਲੂਯਾਹ।” “ਯਾਹ” ਯਹੋਵਾਹ ਨਾਂ ਦਾ ਛੋਟਾ ਰੂਪ ਹੈ।
