Skip to content

Jehovah’s Witnesses

Select language Nishnaabemwin

Wegnesh E-ndawendaagok Gchinendmowin Wii-tek Ngodwewaanʼgizwining?

Wegnesh E-ndawendaagok Gchinendmowin Wii-tek Ngodwewaanʼgizwining?

Gdoo-nendam na aawang . . .

  • zaagʼidwin?

  • zhoonyaa?

  • maage bkaan gegoo?

 GCHITWAA-MZINʼIGAN KIDOOMGAT

“Gchinendmook e-noondgik Gzhemnidoo dakidwin miinwaa e-mnjimendgik!”​—Luke 11:​28, New World Translation.

MAANDA DAA-KIDOOMGAT GIIN NJI

Gdaa-mkaan gegeti zaagʼidwin.​—Ephesians 5:​28, 29.

Gdaa-yaan gegeti mnaadendmowin.​—Ephesians 5:⁠33.

Gdaa-yaan gegeti waanʼkiiyendmowin.​—Mark 10:​6-9.

 GEGETI NA GDAA-DEBWEWENDAANAA GCHITWAA-MZINʼIGAN E-KIDOOMGAK?

Enh, maanda nji:

  • Gzhemnidoo gii-zhisdoon ngodwewaanʼgizwin bmaadziwin. Gchitwaa-Mzinʼigan kidoomgat Gzhemnidoo Jehovah gii-niibwiʼaan wa ntam nini miinwaa kwe. (Genesis 2:​18-24) Ngodwewaanʼgizwin zhisdoowin dash e-nji-tek Jehovah gii-zhitoon. Aaniish e-nji-gchi-piitendaagok?

    Naanaagdawendan: Giishpin mnopdaman wiisniwin miinwaa ndawendman wii-gkendman dgonʼgewnan, wenesh ge-kwejmaadba? Wa gaa-jiibaakwet.

    Mii go dbishkoo, wii-mkamang dgonʼgewnan gchinendmowin wii-tek ngodwewaanʼgizwining, gdaa-bzindwaanaa Jehovah, wa gaa-zhisdoot ngodwewaanʼgizwin bmaadziwin.

  • Gzhemnidoo gdoo-dbaadenmik. Nishin ngodwewaanʼgizwin ndaneʼmawaat Jehovah damkowaataagziwin, dakidwining e-miigwet. Aanii dash? “Wnji gdoo-dbaadenmik.” (1 Peter 5:​6, 7) Jehovah gegeti doo-ndawendaan wii-naadmaak​—miinwaa damkowaataagziwin pane nakiimgat!​—Proverbs 3:​5, 6; Isaiah 48:​17, 18.

 NAANAAGDAWENDAN

Aaniish ge-zhichgemba wii-aawyin mno-nini e-wiidgemaagnit, mno-kwe e-wiidgemaagnit, maage e-mno-gitziimit?

Gchitwaa-Mzinʼigning nʼkwetmowin zhibiiʼgaade maanpii EPHESIANS 5:​1, 2 miinwaa COLOSSIANS 3:​18-21.