Nuu pa gi pädi te huxkua

Yä testigo rä Jehová

Huahni rä idioma ñätho

¿Hankja gi to̱ʼmi yä pa pä ri mäni?

¿Hankja gi to̱ʼmi yä pa pä ri mäni?

¿Gi mbeni ge rä Ximojoi...

  • ... dä nkjathonu̱?

  • ... más dä ntsʼoni?

  • ... dä mbodi pa go ʼmu̱fu̱ rä zo?

 NUHMÄ TE ʼIMÄÄ RÄ HÑÄ RÄ TSI DADA

“Rä Tsi Dada [...] dä duhki gotʼho yä gido, nindi nʼa dä du, nisto ma dä nzoni, hindä nkja yä dumu̱i nisto dä tso rä ʼu̱. Yä tʼo̱tʼe mi kja mä mʼe̱tʼo bi thogi.” (Revelación [Apocalipsis] 21:3, 4, Traducción del Nuevo Mundo.)

HANKJA DÄ MOXKIHU̱ GO PÄDIHU̱

Kä rä mbe̱fi go pe̱ʼtsihu̱ dä rʼahkihu̱ ka di nehu̱ ʼne go mpohohu̱ (Isaías 65:21-23).

Ya hingo pe̱ʼtsihu̱ yä dumu̱i nindi yä gihi (Isaías 25:8; 33:24).

Zäi go ʼmu̱fu̱ rä zo ko mä minihu̱ ʼne mä ntsitsʼihu̱ (Salmo 37:11, 29).

 ¿DÄ ZO GO IHKJIHU̱ TE MÄÄ RÄ BIBLIA?

Hää, po nuya yä raso:

  • Rä Tsi Dada pe̱ʼtsi rä tsʼe̱di pa dä yʼo̱tʼe nu xi mää. Rä Hñä rä Tsi Dada mää ge ho̱nse̱ Jehová pe̱ʼtsi “gotʼho rä tsʼe̱di” (Revelación 15:3). Ho̱nse̱ Jehová pe̱ʼtsi gotʼho rä tsʼe̱di pa dä kja ka xi ñähtigihu̱, ntsohtho ma dä o̱tʼe rä zo gotʼho rä Ximojoi. Kja ngu mää rä Biblia “rä Tsi Dada dä zo dä yʼo̱tʼe gotʼho kä ʼine” (Mateo 19:26).

  • Rä Tsi Dada ʼine dä kja nunä xi ñähtigihu̱. Jehová ʼine dä uni yä nzahki nuʼu̱ yä kjäni xi du (Job 14:14, 15).

ʼNihi rä Biblia mää ge rä Hesu, rä Tʼu̱ rä Tsi Dada, bi yʼo̱the yä doʼthi. ¿O bi nkjapʼu̱? Gege mi huihki yä kjäni (Marcos 1:40, 41). Ko nu bi kja rä Hesu bi uhti rä zo hankja rä Dada ʼne tengu ʼine dä motsʼi nuʼu̱ yä kjäni honi rä mfotsʼi (Juan 5:19).

Ko nunä di handihu̱ di pädihu̱ rä zo ge Jehová ʼne rä Hesu ʼnihi ne dä moxkihu̱ pa go pe̱ʼtsihu̱ nʼa rä mʼu̱i ko rä mpoho pa ri mäni (Salmo 72:12-14; 145:16; 2 Pedro 3:9).

 ÑʼONISE

¿Hankja ma dä kja rä Tsi Dada rä Ximojoi nʼa rä luga rä nchala?

Dä zo gi nuu te ʼimää rä Hñä rä Tsi Dada ha MATEO 6:9, 10 ʼne DANIEL 2:44.