Nuu pa gi pädi te huxkua

Yä testigo rä Jehová

Huahni rä idioma ñätho

¿Pa nuke te benkʼä rä Biblia?

¿Pa nuke te benkʼä rä Biblia?

¿Dä zo gi mää ge...

  • ... nʼa he̱ʼmi bä ihi de rä mfeni yä kjäni?

  • ... nʼa rä he̱ʼmi mää yä mbe̱thri?

  • ... rä Hñä rä Tsi Dada?

 NUHMÄ TE ʼIMÄÄ RÄ HÑÄ RÄ TSI DADA

“Gotʼho te huxkua ha rä Hñä rä Tsi Dada gege bi uni rä mfeni pa bi thutsʼi.” (2 Timoteo 3:16, Traducción del Nuevo Mundo.)

HANKJA DÄ MOXKIHU̱ GO PÄDIHU̱

Go totʼihu̱ yä thädi yä dähta ntʼoni ʼikjagihu̱ go ñonfenihu̱ (Proverbios 2:1-5).

Go totʼihu̱ yä mfotsʼi pa mä nzahkihu̱ (Salmo 119:105).

Rʼahkihu̱ rä humu̱i pa ri mäni (Romanos 15:4).

 ¿DÄ ZO GO IHKJIHU̱ TE MÄÄ RÄ BIBLIA?

Hää, po nuya yä raso:

  • Rä Biblia ʼinthe̱e̱ gotʼho te hutsʼi. Pa bi thutsʼi rä Biblia bi zitsʼi 1.600 yä kje̱ya. Rä Tsi Dada bi huahni ngu 40 yä ñʼo̱ho̱ pa bi hñutsʼi. Ndunthi de nuyu̱ yä ñʼo̱ho̱ himi mpädihu̱ pe gotʼho rä Biblia bu̱ gä mu̱di bi thutsʼi ta bi uadi nʼatho rä ntʼudi pe̱ʼtsi.

  • Yä ñʼo̱ho̱ himbi hñutsʼi yä mbe̱thri. Rʼa yä ñʼo̱ho̱ hingi hutsʼi yä ntsʼo tʼo̱tʼe te thogi yä hnini. Pe nuyu̱ toʼo bi hñutsʼi rä Hñä rä Tsi Dada himbi ʼñägi yä tsʼohkise̱ ni de yä hnini (2 Crónicas 36:15, 16; Salmo 51:1-4).

  • Ka ʼimää rä Biblia zäi thogi. Rä Hñä rä Tsi Dada bi mää ko 200 yä kje̱ya ante ge nʼa rä hnini rä thuhu Babilonia bi di yo̱tʼe (Isaías 13:17-22). Hingä ho̱nse̱ bi mää hankja di thogi, ʼnihi bi mää rä thuhu toʼo di yo̱tʼe (Isaías 45:1-3).

Gotʼho ka ʼimää rä Biblia nkjanu̱ xi thogi. Kja ngu di handihu̱, ¿hingi gehnä di to̱ʼmihu̱ de rä Hñä rä Tsi Dada? (2 Pedro 1:21).

 ÑʼONISE

¿Hankja dä foxki rä Hñä rä Tsi Dada?

Dä zo gi nuu te ʼimää rä Hñä rä Tsi Dada ha ISAÍAS 48:17, 18 ʼne 2 TIMOTEO 3:16, 17.