Nu nuä jabu̱

Ya Testigo ä Jeoba

Huanhni ra ne ñuhü

¿Ha da za̱ di mʼbu̱i maho̱nʼä nuʼu̱ xa ndü?

¿Ha da za̱ di mʼbu̱i maho̱nʼä nuʼu̱ xa ndü?

¿Ha gi ʼyëna ge...

  • ... ähä?

  • ... hinna?

  • ... da za̱tho?

 NUÄ ʼBE̱ʼÄ MA RA BIBLIA

“Ga̱ʼtho xi ndü da nanʼtsi” (Hechos 24:15, Ra ʼDaʼyonhogui nangue ma Hmuu̱ ra Jesucristo, ko yu̱ letra ge nuä ñuhü ja ya).

YU̱ NHO GE GA PÄHMU̱ʼÄ

Da hyürkähu̱ ma mu̱ihu̱ nuʼbu̱ i tü nuʼä toʼo emme di huëkju̱ (2 Corintios 1:3, 4).

Hingä tsühu̱ ge ga tühu̱ (Hebreos 2:15).

Di njaju̱ ra thüʼtämu̱i ge majuäni ga nuhu̱ maho̱nʼä nuʼu̱ di huëkju̱ ge bi dü (Juan 5:28, 29).

 ¿HA DA ZA̱ GA ËʼKYËIHU̱ NUÄ ʼBE̱ʼÄ MA RA BIBLIA?

Ähä, ra Biblia ëna ge:

  • Ojä geʼä bi hyoki ra te. Ra Biblia ëna ge Jeoba “geʼä di üni ra te ʼne di ünni ra nzaki ga̱ʼtho toʼo i ʼbu̱i” (Hechos 17:24, 25). Nuʼä bi za̱ bi ünni ra te ga̱ʼtho ʼbe̱ʼä i ʼbu̱i, njabu̱ hindi hyonyathohu̱ ge ja ra ʼtse̱di pa di ünni ra te maho̱nʼä nuʼu̱ toʼo bi dü.

  • Mayaʼbu̱ nuʼä Ojä bi ünni ra te nuʼu̱ toʼo xi dü. Ra Biblia i ma ge Ojä bi ünni ra te hñato yu̱ jäʼi, ʼda yu̱ nʼyohu̱ ʼne ʼda yu̱ bo̱mbe ge ʼdahma ʼnanʼyo yu̱ je̱ya mi pe̱ʼtsi ʼne bi mʼbu̱kua Ha̱i. Nuʼu̱ ʼda hinna yaʼä xi dü; pe̱ ʼna nʼyohu̱ ya xi thogi goho pa ge xi dü (Juan 11:39-44).

  • Ojä emme i ne ge di ünni ra te maho̱nʼä nuʼu̱ bi dü. Jeoba di u̱kpi nuä ra dü geʼtho tengü ʼbu̱ ra ntsu̱iuiʼä (1 Corintios 15:26). Emme i ne ge di juadi nuna ra ntsu̱iui ʼne da ʼyo̱ʼte za̱ bi ünni ra te maho̱nʼä nuʼu̱ xa ndü. Ojä i nepe ge di mʼbu̱i maho̱nʼä nuua ra Ha̱i nuʼu̱ toʼo i obu̱ rá nʼyomfëniʼä (Job 14:14, 15).

 NʼYA̱NNIZE̱HE̱

¿Hanja ge di däʼkyëihu̱ ʼne di tühu̱?

Gi tini ra nthädiʼä ra Biblia nubu̱ GÉNESIS 3:17-19 ʼne ROMANOS 5:12.