Nu nuä jabu̱

Ya Testigo ä Jeoba

Huanhni ra ne ñuhü

¿ʼBe̱ʼä ra nʼtsu̱ʼtabi Ojä?

¿ʼBe̱ʼä ra nʼtsu̱ʼtabi Ojä?

¿Ha gi ʼyëna ge...

  • ... jaʼä ge obu̱ ma mu̱ihu̱?

  • ... ra njohya ge bi jabu̱ mahëʼtsi?

  • ... ʼna nʼtsu̱ʼtabi ge bi jabu̱ mahëʼtsi?

 NUÄ ʼBE̱ʼÄ MA RA BIBLIA

“Di nja ra ʼtse̱di ʼne da fädi ge na ʼtsu̱nʼtu̱ Ojä ge tätethoho ra ʼtse̱di. ʼNe nuʼä Ojä di japi di nʼtsu̱ʼtabi [...] ga̱ʼtho yu̱ pa ʼne hin njämʼbu̱ da guadi” (Lucas 1:32, 33, Ra ʼDaʼyonhogui nangue ma Hmuu̱ ra Jesucristo, ko yu̱ letra ge nuä ñuhü ja ya).

YU̱ NHO GE GA PÄHMU̱ʼÄ

  • ʼNa hogä nʼtsu̱ʼtabi geʼtho i tsa̱ da ze̱kju̱ ʼdangünʼdaju̱ (Isaías 48:17, 18).

  • Mi ʼtsu̱tho da ʼyo̱ʼte ge ga mʼbu̱hmu̱ ko ra njohya nubu̱ ra ʼdayo Ha̱i, nubu̱ ya hindi nja yu̱ nza̱manʼu̱ (Revelación [Apocalipsis] 21:3, 4).

 ¿HA DA ZA̱ GA ËʼKYËIHU̱ NUÄ ʼBE̱ʼÄ MA RA BIBLIA?

Ähä, ra Biblia ëna ge:

  • Jesús bi ʼyüdi ʼbe̱ʼä da ʼyo̱ʼte ra Nʼtsu̱ʼtabi Ojä. Nuʼä bi xa̱mbi nuʼu̱ toʼo mi te̱nni ge da ʼya̱pä Ojä ge da ëhë ra nʼtsu̱ʼtabi ʼne da ʼyo̱ʼte ra pa̱ha̱ nuua ra Ha̱i (Mateo 6:9, 10). Kexʼtä bi ʼyüdi ge ʼbe̱pu̱ di nja nuä bi ma.

    Nuʼbu̱ mi nʼyoua ra Ha̱i, Jesús bi ʼuini nuʼu̱ mi tumanthühü, bi ʼyo̱the yu̱ nza̱manʼu̱ ʼne bi ünni maho̱nʼä ra te nuʼu̱ xi dü (Mateo 15:29-38; Juan 11:38-44). Geʼtho geʼä da manda nubu̱ ra Nʼtsu̱ʼtabi Ojä, njabu̱ bi za̱ bi ʼyüdi ʼda yu̱ hogä nʼto̱ʼte ge da ʼyo̱ʼte na Nʼtsu̱ʼtabi Ojä pa yu̱ jäʼi (Revelación 11:15).

  • Nuä ʼbe̱ʼä i njaua ra ximha̱i di jakju̱ ga pähmu̱ ge ya mi ʼtsu̱tho da ëhë ra Nʼtsu̱ʼtabi Ojä. Jesús bi ma ge ante ge nuä ra Nʼtsu̱ʼtabi Ojä da hä ra mʼbu̱manho nuua ra Ha̱i, mʼbe̱ʼto di nja yu̱ tsu̱i, ra thühü ʼne yu̱ nhuänha̱i (Mateo 24:3, 7).

    Geʼu̱ yu̱ hëi di hanthu̱ yu̱ pa di ʼbu̱hmu̱, njabu̱ di ka̱mfënihu̱ ge nuä ra Nʼtsu̱ʼtabi Ojä mi ʼtsu̱tho di hoki ga̱ʼtho.

 NʼYA̱NNIZE̱HE̱

¿Hage di ngu ra mʼbu̱i za̱ bi manda ra Nʼtsu̱ʼtabi Ojä?

Gi tini ra nthädiʼä ra Biblia nubu̱ SALMO 37:29 ʼne ISAÍAS 65:21-23.