Nu nuä jabu̱

Ya Testigo ä Jeoba

Huanhni ra ne ñuhü

¿Ha da zo̱ho̱ ʼna ra pa ge ya hingä nʼu̱mbähu̱?

¿Ha da zo̱ho̱ ʼna ra pa ge ya hingä nʼu̱mbähu̱?

¿Ha gi ʼyëna ge...

  • ... ähä?

  • ... hinna?

  • ... da za̱tho?

 NUÄ ʼBE̱ʼÄ MA RA BIBLIA

“ʼNe gese̱ Ojä di üni ra njohya, ʼne hinma nja yu̱ gida̱ yu̱ jäʼi, ʼne hindi nja ra ndäte maho̱nʼä bu̱, ʼne hindi nja yu̱ dünmu̱i bu̱. Geʼtho ga̱ʼtho ʼbe̱ʼä ma nʼu̱mbi mi ja, ya bi thogi” (Apocalipsis [Revelación] 21:4, Ra ʼDaʼyonhogui nangue ma Hmuu̱ ra Jesucristo, ko yu̱ letra ge nuä ñuhü ja ya).

YU̱ NHO GE GA PÄHMU̱ʼÄ

Ga pähmu̱ nuä majuäni, ge Ojä hingä geʼä di jakju̱ ga thohmu̱ yu̱ hëi (Santiago 1:13).

Da hyürkähu̱ ma mu̱ihu̱ ga pähmu̱ ge Ojä pädi yu̱ nʼu̱ di thohmu̱ (Zacarías 2:8).

Di njaju̱ ʼna thüʼtämu̱i ge yu̱ pa ba ëpu̱ ya hinte di nja ʼbe̱ʼä di u̱ngähu̱ (Salmo 37:9-11).

 ¿HA DA ZA̱ GA ËʼKYËIHU̱ NUÄ ʼBE̱ʼÄ MA RA BIBLIA?

Ähä, ra Biblia ëna ge:

  • Ojä di u̱kpi ra nʼu̱mbi ʼne ra nʼto̱tmanʼtso. Da mi bëni, ¿ʼbe̱ʼä bi za̱ Jeoba nuʼbu̱ mi nu na hnini ge mi pa ma u̱mbi? Ra Biblia ma ge Ojä bi ʼyëna “da nu ma ʼtu̱hni [...] ge i pa ma u̱mbi. ʼNe da o̱ka̱ yu̱ hmbafiʼu̱” (Hechos 7:34).

    Ojä hingi numanho nuʼu̱ yu̱ jäʼi ge di u̱mbäʼu̱ miʼda. Ra Biblia ma ge di u̱kpi toʼo i ho nuʼu̱ hinte ndüpäte (Proverbios 6:16, 17).

  • Ojä i u̱rpä gue̱nda ʼdangünʼda yu̱ jäʼi. Nuʼbu̱ gi mbëni ge njoʼo i pädi “ni nʼu̱mbi ʼne ni dünmu̱i”, hingi njabu̱, geʼtho kexʼtä Jeoba pädi ʼbe̱ʼä gi thogi (2 Crónicas 6:29, 30, Traducción del Nuevo Mundo).

    Ko nangeʼä rá Nʼtsu̱ʼtäbi, nuʼä Ojä ya mi ʼtsu̱tho da juadi yu̱ nʼu̱mbi ge ja ʼdangünʼda yu̱ jäʼi (Mateo 6:9, 10). Pe̱ nuya ko ra nhuëkäte i hürpä ra mu̱i toʼo ge majuäni i honi (Hechos 17:27; 2 Corintios 1:3, 4).

 NʼYA̱NNIZE̱HE̱

¿Hanja nuʼä Ojä i he̱gi ge ga nʼu̱mbähu̱?

Gi tini ra nthädiʼä ra Biblia nubu̱ ROMANOS 5:12 ʼne 2 PEDRO 3:9.