Habu̱ ma gi tini te hutsʼi

¿Hängu yä testigo rä Jeoba ꞌmu̱i ha rä Xiꞌmhai?

¿Hängu yä testigo rä Jeoba ꞌmu̱i ha rä Xiꞌmhai?

2021 Rä imforme de rä je̱ya de gä servicio

Hängu yä testigo rä Jeoba ꞌmu̱i ha gatꞌho rä Xiꞌmhai

8.686.980

Yä mhuntsꞌi

119.297

Yä dähni ꞌne yä territorio habu̱ dri predika

239

2021 Yä dato de rä je̱ya

2021 Yä dähni ꞌne yä territorio habu̱ dri predika

¿Toꞌo dri mꞌede ngu yä testigo rä Jeoba?

 Dri mꞌede ngu yä testigo rä Jeoba ho̱nse̱ nuꞌu̱ di predika rä Noya Äjuä gatꞌho yä zänä (Mateo 24:14). Di mꞌede tanto nuꞌu̱ ya xä nxixtehe ngu nuꞌu̱ ya di predika mäske tobe hinxä nxixtehe.

Pa dä ꞌmede nꞌa rä jäꞌi ngu rä testigo rä Jeoba, ¿pe̱ꞌtsi te dä gutꞌi nꞌa rä bojä o dä uni nꞌa rä donäsio?

 Hinä. Yä jäꞌi hingi jutꞌi nixi uni nꞌa rä donäsio pa drä mꞌede ngu yä testigo rä Jeoba, nixi pa dä tꞌumbäbi nꞌa rä responsabilida ha rä organización (Hechos 8:18-20). Ora yä testigo rä Jeoba uni nꞌa rä donäsio, uni näꞌä go dä nja rä bolunta ꞌne nsinke toꞌo dä yꞌo̱tpäbi ngue̱nda hängu uni. Gatꞌho yä testigo rä Jeoba di mfatsꞌi ꞌne uni de yä tiempo, yä tsꞌe̱di, ꞌne näꞌä pe̱ꞌtsi pa dä ungä ntꞌo̱de rä Noya Äjuä asta habu̱ tsu̱päbi yä tsꞌe̱di (2 Corintios 9:7).

¿Hanja di fädi hängu yä testigo rä Jeoba ungä ntꞌo̱de rä Noya Äjuä tatꞌä zänä?

 Tatꞌä zänä, kada nꞌa rä testigo rä Jeoba po rä boluntase̱ ofo nꞌa rä imforme de hängu xä predika durante rä zänä.

 Gatꞌho nuꞌu̱ yä imforme tꞌuni ha kada nꞌa rä mhuntsꞌi dri suma ꞌne di ꞌme̱hni ha nuꞌu̱ yä ngu de gä ꞌme̱fi fädi ngu yä ngu Betel. ꞌNepu̱ nuyu̱ yä ngu Betel, suma gatꞌho nuꞌu̱ yä imforme xä hñäni de kada nꞌa rä dähni o territorio, pa ꞌnepu̱ pe̱hni ha näꞌä rä ngu de gä ꞌme̱fi mänꞌa rä däta de gatꞌho fädi ngu rä sede mundial.

 Xti uadi rä je̱ya de gä servicio, * di thäi rä ue̱nda hängu yä testigo rä Jeoba ꞌmu̱i ha kada nꞌa rä dähni. ꞌNepu̱ di thäi nꞌa rä suma de gatꞌho pa dä fädi hängu yä testigo rä Jeoba ꞌmu̱i ha gatꞌho rä Xiꞌmhai. Ha rä sección «Por todo el mundo» de näꞌä rä página di pe̱ꞌtsihe, di tꞌuni nꞌa rä imforme de kada nꞌa rä dähni. Di johyahe ora di hetihe nuya yä imforme, ja ngu nuꞌu̱ yä mu̱di kristianu xa mi johya ora mi o̱de yä imforme nguya (Hechos 2:41; 4:4; 15:3).

¿Di mꞌede ꞌnehe ngu yä testigo rä Jeoba nuꞌu̱ yä jäꞌi hindi predika pe di ntini ha yä mhuntsꞌi o häni nꞌa rä curso de rä Mäkä Tꞌofo?

 Hinä. Nuꞌu̱ yä jäꞌiꞌu̱ hindi mꞌede ngu yä testigo rä Jeoba, pe di rꞌakägihe ndunthi rä johya ngeꞌä di ntini kongekhe. Kasi gatꞌho nuyu̱ di ntini tatꞌä je̱ya ha rä Fenäte de rä du rä Hesu. Tatꞌä je̱ya di mꞌede hängu yä jäꞌi bi ntini ha nunä Fenäte, ꞌnepu̱ di restahe ko näꞌä rä ndunthi nuꞌu̱ hää yä Testigo rä Jeoba, pa njabu̱ gä handihe hängu rä ndunthi nuꞌu̱ yä jäꞌi hingä yä Testigo. Ha rä je̱ya 2021, po gatꞌho bi ntini 21.367.603 yä jäꞌi ha rä Fenäte de rä du rä Hesu; tanto nuꞌu̱ yä Testigo rä Jeoba ngu nuꞌu̱ hinä.

 ꞌNehe, ndunthi yä jäꞌi häni nꞌa rä curso de rä Mäkä Tꞌofo pe hingi ntini ha mä mhuntsꞌihe. Durante rä je̱ya 2021, bi hñäni nꞌa rä curso de rä Mäkä Tꞌofo 5.908.167 yä jäꞌi.

¿Por hanja ha näꞌä rä censo di mända rä gobiernu drä ju̱tsꞌi, hutsꞌi ge ndunthi nuꞌu̱ yä jäꞌi yä testigo rä Jeoba, pe ha näꞌä rä imforme unise̱ yä testigo rä Jeoba enä ge tsꞌu̱tho?

 Ngeꞌä ora di tꞌo̱tꞌe yä censo, di tꞌambäbi yä jäꞌi te mä relijion di pertenese. Por ejemplo, rä Oficina de gä Censo de Estados Unidos enä ge ju̱tsꞌi yä censo «pa dä hyandi mu̱ yä jäꞌi tobe mää ge di pertenese ha nꞌa rä relijion». ꞌNehe, näꞌä Oficina de gä Censo, mää ge mu̱ yä jäꞌi enä ge di pertenese ha nꞌa rä relijion geꞌä hutsꞌi ha yä censo, mäske nuꞌu̱ yä jäꞌiꞌu̱ hingä xa mäjuäni ꞌmu̱i ja ngu adi yä relijion. Pe yä testigo rä Jeoba hingi njabu̱. Nuyu̱ pede ngu yä testigo rä Jeoba nuꞌu̱ xa mäjuäni di predika, uti märꞌa de rä Biblia ꞌne tatꞌä zänä po rä boluntase̱ uni nꞌa rä imforme de hängu xä predika ꞌne xä matsꞌi yä jäꞌi dä bädi de Äjuä.

^ parr. 5 Nꞌa rä je̱ya de gä servicio fu̱di dende rä 1 de septiembre ꞌne huadi asta rä 31 de agosto. Por ejemplo, rä je̱ya de gä servicio 2015, fu̱di rä 1 de septiembre de rä 2014 ꞌne huadi asta rä 31 de agosto de rä 2015.