Habu̱ ma gi tini te hutsʼi

Gi ma ha rä menú secundario

Yä testigo rä Jeoba

Ñañu

¿Kamfri rä Hesu yä testigo rä Jeoba?

Hää. Rä Hesu bi ˈñense̱: “Nuga go gekägi drä ˈñuu, ˈne drä mäjuäni ˈne drä te. Hindä za toˈo dä zo̱ni ko mä Dada mu̱ hingä po mäde de geki” (Juan 14:6). Di pädihe xä ñho ge rä Hesu bä ehe de ha mähetsˈi pa nuua ha rä Xiˈmhai pa bi uni rä te po gekhu̱ (Mateo 20:28). Rä Hesu bi du ˈnepu̱ bi nangi de rä du pa njabu̱ toˈo dä gamfribi dä za dä me̱ˈtsi rä te pa nzäntho (Juan 3:16). ˈNehe, di kamfrihe ge nubye̱ rä Hesu di mända ngu nˈa rä Ndä ha näˈä rä Tsˈu̱tˈhui Äjuä bi ja ha mähetsˈi ˈne mänˈitˈho ma dä hä nˈa rä mˈu̱i temäˈentho ha rä Xiˈmhai (Apocalipsis [Revelación] 11:15). Rä Hesu ˈnehe bi mää ge rä Dada “mänˈa hä rä tsˈe̱di” o mädä ke geˈä (Juan 14:28). Hänge nuje hindi xo̱kämbenihe rä Hesu ˈne nixi hindi kamfrihe ge go geˈä rä Zi Dada pe̱ˈtsi gatˈho rä tsˈe̱di.