Malaui

Ha nˈa mhuntsˈi pa dä bo̱ni dä ungä ntˈo̱de

Ungä ntˈo̱de rä Noya Äjuä

Rä mhuntsˈi ko yä ansiano

Nuˈu̱ yä Tˈofo gä Griego de rä Mäkä Tˈofo mää ndunthi yä mˈiki de Bernäbe ˈne de rä apostol Pablo. Nuyu̱ yä ñˈo̱ho̱ bi mpe̱fi ngu yä superintendente biajante ˈne mi tso̱ni nuˈu̱ yä mu̱di mhuntsˈi mi ja ha nuˈu̱ yä paˈu̱. ¿Por hanja mi tso̱ni nuˈu̱ yä mhuntsˈi? Ngeˈä xa mi tuyämu̱i po nuˈu̱ yä ku. Rä apostol Pablo bi mää ge mi ne dä mengi “mänˈaki pa dä kˈäˈtsi yä ku” ˈne xä hyandi te mi thogi. Hinte bi mportabi ˈne bi ñˈo ndunthi yä kilometro pa bi nupäbi yä mfeni yä ku (Hechos 15:36). Mäpaya, njabu̱ di mbeni ˈnehe nuˈu̱ yä biajante.

Tso̱ngägihu̱ pa di nupkä mä mfenihu̱. Kada nˈa superintendente de gä circuito tso̱ni ngu 20 yä mhuntsˈi. Po yo mˈiki tatˈä je̱ya, thogi nˈa semänä ko kada nˈa de nuya yä mhuntsˈi. Näˈä rä mfädi pe̱ˈtsi nuyu̱ yä ku ˈne nuˈu̱ yä ˈme̱hñä mu̱ xä nthäti, dä za dä maxkägihu̱ ndunthi. Nuyu̱ yä ku o̱tˈe ntsˈe̱di po dä bädi gatˈho yä ku nuˈu̱ yä bäsjäˈi ˈne nuˈu̱ yä zi däta jäˈi, ˈne di ho dä bo̱ni ko nuju̱ pa gä uñhu̱ ntˈo̱de ˈne pa gä tso̱nihu̱ nuˈu̱ yä jäˈi di utihu̱ de rä Mäkä Tˈofo. Nuyu̱ yä biajante ˈne yä ansiano, tso̱ni yä ku pa di nupäbi yä mfeni; ˈnehe nuˈu̱ yä thoˈtsi uni ha yä mhuntsˈi ˈne ha yä däta mhuntsˈi di nupkä mä mfenihu̱ (Hechos 15:35).

Udi ge tuyämu̱i po gatˈho. Yä superintendente de gä circuito xa tuyämu̱i po näˈä hogä ntsitsˈi pe̱ˈtsi ko Äjuä nuˈu̱ yä ku de gatˈho yä mhuntsˈi. Yä biajante di muntsˈi ko yä ansiano ˈne yä sierbo ministerial pa handi te mä ˈme̱fi xä nja ha rä mhuntsˈi ˈne pa umbäbi yä tsˈofo pa dä ja yä ˈme̱fi mänˈa xä ñho. Yä biajante fatsˈi yä prekursor pa dä bädi dä ungä ntˈo̱de xä ñho rä Noya Äjuä pa njabu̱ yä jäˈi dä yˈo̱de. ˈNehe di johya dä ze̱njua ˈne dä bädi nuˈu̱ yä jäˈi fu̱di di ntini ko nuju̱ ha yä mhuntsˈi. Di johya nuˈmu̱ o̱de ge nuyu̱ yˈo ri te yä mhäte po Äjuä. Gatˈho yä biajante di mpe̱fi ndunthi “pa dä maxkägihu̱” (2 Corintios 8:23). Ma gä de̱mbäbihu̱ yä kˈoi ˈne näˈä yä mhäte po Äjuä (Hebreos 13:7).

  • ¿Por hanja yä superintendente biajante tso̱ni yä mhuntsˈi?

  • ¿Hanja dä za dä maxkägihu̱ nuˈmu̱ tso̱ngägihu̱ yä biajante?