Myanmar

Ha plataforma

Ha nˈa mhuntsˈi pa dä bo̱ni dä ungä ntˈo̱de

Su ˈne xu̱ki rä Ngu de gä Muntsˈi

Rä Mäkä Tˈofo mää de nuˈu̱ yä ñˈo̱ho̱ xä thutsˈi pa dä ja nuˈu̱ yä ˈme̱fi ha rä mhuntsˈi, nuyu̱ tˈembi yä ansiano ˈne yä sierbo ministerial (Filipenses 1:1NM). Kasi ha gatˈho yä mhuntsˈi ja rˈa yä ku nuˈu̱ pe̱päbi Äjuä ngu yä ansiano ˈne yä sierbo ministerial. ¿Te pe̱fi yä sierbo ministerial ha yä mhuntsˈi pa mä ñhohu̱?

Nuˈu̱ fatsˈi yä ansiano. Yä sierbo ministerial pe̱ˈtsi nˈa rä hogä ntsitsˈi ko Äjuä, ˈmu̱i ja ngu di mända rä Mäkä Tˈofo, ˈne nzäntho pe̱fi näˈä sipäbi. Rˈa de geˈu̱ yä bäsjäˈi, ha märˈaa ya yä däta jäˈi. Yä sierbo ministerial faxte ko nuˈu̱ yä ˈme̱fi ja ha rä mhuntsˈi. Njabu̱ yä ansiano pe̱ˈtsi yä tiempo pa dä me̱fi näˈä ri ˈñepi: dä ˈñudi ha yä mhuntsˈi, dä matsˈi ˈne dä nupäbi yä mfeni yä ku ko rä Mäkä Tˈofo.

Di ja märˈa yä ˈme̱fi. Rˈa yä sierbo ministerial di thutsˈi pa dä umbi tsaya toˈo di ntini ha yä mhuntsˈi. Rˈaa thutsˈi ha rä sonido, uni yä mfistˈofo, hoki yä ue̱nda de näˈä bojä uni yä ku ha rä mhuntsˈi, ˈne xipäbi nuˈu̱ yä ku de rä mhuntsˈi te mä luga dä ungä ntˈo̱de de rä Noya Äjuä. Yä sierbo ministerial ˈnehe faxte pa di su ˈne xu̱ki rä Ngu de gä Mhuntsˈi. ˈNehe yä ansiano rˈabu̱ apäbi yä sierbo ministerial ge dä matsˈi nuˈu̱ yä ku ya yä zi däta jäˈi. Gatˈho yä ku umbäbi rä tˈekˈei yä sierbo ministerial ngeˈä nuyu̱ xa di ho dä matsˈi yä ansiano ha rä mhuntsˈi (1 Timoteo 3:13).

Nuyu̱ pe̱ˈtsi nˈa rä hogä ntsitsˈi ko Äjuä ˈne udi nˈa rä hogä kˈoi. Nuyu̱ yä ku di thutsˈi de gä sierbo ministerial ngeˈä udi yä hogä mˈu̱i ngu yä kristianu. Nuˈu̱ yä thoˈtsi uni dende rä plataforma, japi dä te mä jamfrihu̱. ˈNehe näˈä kˈoi udi nuˈmu̱ di ungä ntˈo̱de rä Noya Äjuä faxkägihu̱ pa gä uñhu̱ ntˈo̱de rä Noya Äjuä ko ndunthi rä johya. Nuˈmu̱ yä sierbo ministerial fatsˈi ko rä johya yä ansiano, japi dä nja rä johya ˈne rä mhäte ha rä mhuntsˈi (Efesios 4:16). Mˈe̱fa, nuyu̱ ˈnehe dä za dä zo̱ho̱ dä me̱päbi Äjuä ngu yä ansiano.

  • ¿Toˈo nuˈu̱ tˈembi yä sierbo ministerial?

  • ¿Hanja faxte yä sierbo ministerial pa dä nja rä mhäte ˈne rä johya ha rä mhuntsˈi?