¡Äjuä ne ge nuju̱ gä pe̱ˈtsihu̱ nˈa rä hogä mˈu̱i ko rä johya ha nˈa rä uädri nuua ha rä Xiˈmhai pa nzäntho!

Pe nuˈi zäi ge gi ñˈani: “¿Hanja ma dä za gä ˈmu̱ihu̱ njabu̱?”. Rä Mäkä Tˈofo mää ge rä Tsˈu̱tˈhui Äjuä go geˈä ma dä me̱päbi rä bolunta Äjuä. Hänge Äjuä ne ge gatˈho yä jäˈi dä bädi de nunä Tsˈu̱tˈhui ˈne näˈä di mbeni dä me̱fi pa gatˈho yä jäˈi (Salmo 37:11, 29; Isaías 9:7).

Äjuä honi mä ñhohu̱.

Ja ngu nˈa rä hogä dada näˈä di mädi yä bätsi, Äjuä ne ge nuju̱ gä ˈmu̱hu̱ ko rä johya pa nzäntho (Isaías 48:17, 18). Näˈä xä mää ge “toˈo pe̱päbi rä bolunta Äjuä geˈä ma dä mˈu̱i pa nzäntho” (1 Juan 2:17).

Äjuä ne ge nuju̱ gä yˈohu̱ ha yä ˈñuu.

Rä Mäkä Tˈofo mää ge Äjuä ne dä «ˈñutkägihu̱ yä ˈñuu pa dä za gä yˈohu̱ ha nuˈu̱ yä ˈñuu» (Isaías 2:2, 3). Äjuä xä huahni «nˈa hnini pa rä thuhu» pa njabu̱ dä fädi ha gatˈho rä Xiˈmhai ndañˈä rä bolunta Äjuä (Hechos 15:14, Traducción del Nuevo Mundo [NM]).

Äjuä ne ge gatˈho nuˈu̱ toˈo di xo̱kämbeni dä ntsitsˈi nˈa ngu mänˈaa.

Näˈä relijion xa mäjuäni, hindi ˈueke yä jäˈi, pe di japi dä ntsitsˈi ˈne dä mädi nˈa ngu mänˈaa (Juan 13:35). ¿Toˈo uti mäpaya yä ñˈo̱ho̱ ˈne yä ˈme̱hñä de gatˈho yä hnini pa dä ntsitsˈi ˈne dä me̱päbi Äjuä? Di mbitaˈihe gi hyoni rä mpengi nunä ntˈani ha nunä he̱ˈmi.