Camboya

Ucrania

Mu̱ nuˈi gi nxadi ko nˈa testigo rä Jeoba, zäi ge gi o̱tˈe ntsˈe̱di po gi hñeti ri mfistˈofo änte de gi nxadihu̱. ˈNehe geˈä dä za gi pe̱fi änte de gi ntini ha yä mhuntsˈi pa mänˈa gi hñäni yä ñho de nuˈu̱ yä ntˈudi. Pa geˈä mähyoni gi huahni te mä pa ˈne te mä ora ma gi nxadi.

Huahni hämˈu̱ ˈne habu̱ ma gi nxadi. ¿Hämˈu̱ ˈne te mä ora dä za gi nxadi mänˈa xä ñho? ¿De gä xudi änte de gi fu̱di gi mpe̱fi? ¿De gä xui nuˈmu̱ ya bi ñˈähä ri bätsi? Mäske hindä za gi ˈueke ndunthi ri tiempo, yˈo̱tˈe ntsˈe̱di po gi ˈueke ri tiempo pa gi nxadi ˈne ogi hopi ge märˈa yä tˈo̱tˈe dä hñäkˈäˈi gi pe̱fi njabu̱. Hyoni nˈa luga habu̱ hindi ja yä njohni, hueˈti rä radio, rä telebision, ˈne ri telefono. ˈNehe pa gi nxadi mänˈa xä ñho rä Mäkä Tˈofo, xatuäbi Äjuä änte de gi fu̱di pa njabu̱ dä maxˈäˈi gi pumfri nuˈu̱ yä dumu̱i o yä xuñha gi thogi näˈä paˈä (Filipenses 4:6, 7).

Nxadi ˈne ñhoki pa gi uni nˈa rä noya. Mˈe̱tˈo hyandi te ne dä mää näˈä tema. ˈNepu̱ hyandi te rä thuhu näˈä artikulo o kapitulo. Ma gi da ngue̱nda ge nuˈu̱ yä subtitulo di nˈatˈäui näˈä tema. Nubye̱, hyandi nuˈu̱ yä kˈoi ˈne hñeti nuˈu̱ yä ntˈani ma dä tˈo̱tˈe ha rä ngätsˈi de näˈä artikulo. Nuˈu̱ yä ntˈani geˈu̱ faxkägihu̱ gä benihu̱ nuˈu̱ yä noya mänˈa xa mähyoni. Nubye̱ hñeti kada nˈa de nuˈu̱ yä xe̱ni ˈne hyombäbi rä mpengi nuˈu̱ yä ntˈani pa kada nˈa de nuˈu̱ yä xe̱ni. Hyoni nuˈu̱ yä xe̱ni de rä Mäkä Tˈofo ˈne mbeni hanja fatsˈi näˈä hutsˈi ha näˈä he̱ˈmi (Hechos 17:11). Nuˈmu̱ xki tini rä mpengi näˈä ntˈani, japi nˈa señä pa dä maxˈäˈi gi beni näˈä mpengiˈä. Njabu̱ ha rä mhuntsˈi, mu̱ gi ne, dä za gi ju̱tsˈi ri yˈe̱ pa gi mää nˈa rä noya.

Mu̱ gi nxadi nuˈu̱ yä tema di thandi ha yä mhuntsˈi tatˈä semänä, näˈä ri mfädi gi pe̱ˈtsi de rä Mäkä Tˈofo mänˈa ma dä te (Mateo 13:51, 52).

  • ¿Te dä za gi pe̱fi pa gi ˈueke ri tiempo ˈne gi nxadi änte de gi ma ha yä mhuntsˈi?

  • ¿Hanja dä za gi ñhoki pa gi uni nˈa rä noya ha yä mhuntsˈi?