¿Dä za gi ˈñenä ge...

  • ... hää?

  • ... hinä?

  • ... o zäi?

 RÄ MÄKÄ TˈOFO MÄÄ

“Ma dä yopä te nuˈu̱ xä du.” (Hechos 24:15, Ra ˈRaˈyo Testamento.)

TE MA GI TÄHÄ GI PÄDI NJABU̱

Hupˈä ri mu̱i nuˈmu̱ tu nˈa ri jäˈi näˈä gi mädi (2 Corintios 1:3, 4).

Ya hingä ma gi ˈmu̱i nzäntho ko rä ntsu de gi tu (Hebreos 2:15).

Ma gi pe̱ˈtsi nˈa rä humu̱i de gi hyandi mänˈaki nuˈu̱ ri jäˈi xä du (Juan 5:28, 29).

 ¿DÄ ZA GÄ KAMFRIHU̱ NÄˈÄ MÄÄ RÄ MÄKÄ TˈOFO?

Hää, po nuya yä raso:

  • Äjuä go geˈä rä Hyokäte de rä te. Rä Mäkä Tˈofo enä ge rä Zi Dada Jeoba go geˈä di «rˈakhu̱ rä te ˈne rä ndähi» (Hechos 17:24, 25; Salmo 36:9). Näˈä toˈo bi umbi yä te gatˈho nuˈu̱ toˈo di joxä yä hñä, pe̱ˈtsi rä tsˈe̱di pa dä umbäbi yä te nuˈu̱ toˈo xä du.

  • Mäyaˈmu̱ Äjuä bi gu̱tsˈi rˈa yä jäˈi ya xki du. Rä Mäkä Tˈofo mää de hñäto yä jäˈi nuˈu̱ bi nuhu de rä du. Rˈa de geˈu̱ mi yä bäsjäˈi, yä däta jäˈi, yä ñˈo̱ho̱ ˈne yä ˈme̱hñä. Rˈaa ja huadi xki du, ¡pe nˈa de geˈu̱ ya mi o̱tˈe goho mä pa de xki du! (Juan 11:39-44.)

  • Äjuä xa ne dä gu̱tsˈi nuˈu̱ xä du. Jeoba xa di u̱tsa rä du ˈne handi ngu nˈa rä nkontra (1 Corintios 15:26). Jeoba xa ne dä huati nunä rä nkontra, ma dä hñäki nuˈmu̱ xti gu̱tsˈi nuˈu̱ yä jäˈi xä du. Hängu ne dä gu̱tsˈi de rä du gatˈho nuˈu̱ yä jäˈi ˈmu̱i ha rä mfeni ˈne dä hyandi dä mˈu̱i mänˈaki ha rä Xiˈmhai (Job 14:14, 15, Traducción del Nuevo Mundo).

 PA GI NTSO̱ˈMI

¿Por hanja di nxitahu̱ ˈne di tuhu̱?

Rä Mäkä Tˈofo thädi nunä ntˈani ha GÉNESIS 3:17-19 ˈne ROMANOS 5:12.