Habu̱ ma gi tini te hutsʼi

Habu̱ ma dä xiʼi te hutsʼi

Yä testigo rä Jeoba

Huahni nʼa idioma Ñañu

 RÄ NTHEKE 15

¿Te mä mfatsˈi uni yä ansiano ha yä mhuntsˈi?

¿Te mä mfatsˈi uni yä ansiano ha yä mhuntsˈi?

Finlandia

Udi ha rä mhuntsˈi

Tso̱ni yä ku

Ungä ntˈo̱de rä Noya Äjuä

Nuˈu̱ toˈo gu̱tˈi rä ˈñuu ha yä mhuntsˈi, hingi häni nˈa njutˈi po nuˈu̱ yä ˈme̱fi di ja. Ja ngu nuˈu̱ yä mu̱di mhuntsˈi de rä siglo I, rˈa yä ku nuˈu̱ ˈmu̱i ja ngu di mända Äjuä, di thutsˈi pa dä zo̱ho̱ dä nja “ngu yä mayˈo nuˈu̱ supäbi yä zi de̱ti” Äjuä (Hechos 20:28, Ár ˈRaˈyo Nkohi Jö). Nuyu̱ yä ansiano pe̱ˈtsi nˈa rä hogä ntsitsˈi ko Äjuä, ˈne gehyu̱ di gu̱tˈi rä ˈñuu ˈne fadi rä mhuntsˈi ko rä johya, hingä de gä kue̱ ˈne “hingi to̱ˈmi dä dähä yä bojä” (1 Pedro 5:1-3). ¿Te pe̱fi yä ansiano po nuju̱?

Tuyämu̱i po nuju̱ ˈne di sugägihu̱. Yä ansiano di gu̱nkägihu̱ ˈne ko rä Mäkä Tˈofo faxkägihu̱ pa gä pe̱ˈtsihu̱ nˈa hogä ntsitsˈi ko Jeoba. Yä ansiano pädi ge Äjuä xä umbäbi nunä ˈme̱fi. Hänge yä ansiano hindi mända yä ku ˈñenä go yä hmuu, pe hää fatsˈi yä ku de rä mhuntsˈi pa dä mˈu̱i xä ñho ˈne ko rä johya (2 Corintios 1:24). Ja ngu nˈa mayˈo näˈä xa di jamäsu kada nˈa de nuˈu̱ yä zi de̱ti, nuˈu̱ yä ansiano o̱tˈe ntsˈe̱di po dä bädi kada nˈa de nuˈu̱ yä ku de rä mhuntsˈi (Proverbios 27:23).

Utkägihu̱ hanja gä pe̱fihu̱ rä bolunta Äjuä. Tatˈä semänä, yä ansiano tsitsˈi nuˈu̱ yä mhuntsˈi. Nuya yä mhuntsˈi faxkägihu̱ pa dä ze̱di mä jamfrihu̱ (Hechos 15:32). Yä ansiano di mpe̱fi ndunthi pa dä matsˈi yä ku. ˈNehe di gu̱tˈi rä ˈñuu pa ungä ntˈo̱de rä Noya Äjuä. Po̱ni ko nuju̱ ˈne utkägihu̱ hanja ri ˈñehe gä udihu̱ xä ñho rä Noya Äjuä.

Di nupkägihu̱ mä mfenihu̱ kada nˈa de nuju̱. Faxkägihu̱ kada nˈa de nuju̱ pa dä za gä pe̱ˈtsihu̱ nˈa hogä ntsitsˈi ko Jeoba. ˈNehe, ha rä Ngu de gä Mhuntsˈi o nuˈmu̱ tso̱ngägihu̱ ha mä nguhu̱, faxkägihu̱ ˈne di nupkä mä mfenihu̱ ko rä Mäkä Tˈofo (Santiago 5:14, 15).

Pe yä ansiano hingä se̱he̱ di su yä mhuntsˈi, nuyu̱ ˈnehe di ˈueke yä tiempo pa dä mpe̱fi ˈne pa dä su yä familia. ¿Hänge mähyoni gä umbäbihu̱ rä tˈekˈei nuyu̱ yä ku po gatˈho näˈä pe̱fi? (1 Tesalonicenses 5:12, 13.)

  • ¿Te mä ˈme̱fi di ja yä ansiano ha yä mhuntsˈi?

  • ¿Hanja udi yä ansiano ge tuyämu̱i po kada nˈa de nuju̱?