Habu̱ ma gi tini te hutsʼi

Habu̱ ma dä xiʼi te hutsʼi

Yä testigo rä Jeoba

Huahni nʼa idioma Ñañu

¿Ma gi pe̱päbi rä bolunta Jeoba?

¿Ma gi pe̱päbi rä bolunta Jeoba?

Jamädi ndunthi ngeˈä gä ˈueke ri tiempo pa gä nxadi nunä foyeto, ˈne njabu̱ ya gä pädi xä ñho toˈo nuˈu̱ yä testigo rä Jeoba, ˈne gä pädi hanja di mpe̱fi mähye̱gi nuˈu̱ yä Testigo de gatˈho rä Xiˈmhai. Di to̱ˈmihe ge nunä foyeto bi maxˈäˈi pa gä da ngue̱nda ge yä Testigo, geˈu̱ pe̱päbi rä bolunta Jeoba mäpaya. Di mbitaˈihe gi sigi gi pädi de Äjuä. Xipäbi ri familia ˈne nuˈu̱ ri ntsitsˈi näˈä xkä pädi, ˈne ntini kongekhe ha nuˈu̱ mä mhuntsˈihe (Hebreos 10:23-25).

Mu̱ gi sigi gi pädi de rä Zi Dada Jeoba, ma gi da ngue̱nda hängu di mäˈäˈi. Geˈä ma dä jaˈi gi ˈñuti Jeoba hängu gi mädi ˈnehe (1 Juan 4:8-10, 19). Pe, ¿hanja dä za gi ˈñudi hyaxtho ha ri mˈu̱i ge gi mädi Äjuä? ¿Hanja ma dä maxˈäˈi mu̱ gi yˈo̱te nuˈu̱ yä mhända Äjuä? ¿Te ma dä maxˈäˈi pa gi ne gi pe̱päbi rä bolunta Äjuä ko nuje? Näˈä toˈo rˈaˈi ri estudio ma dä maxˈäˈi gi tini yä mpengi nuya yä ntˈani, pa njabu̱ nuˈi ˈne ri familia gi sigi “gi ˈmu̱hu̱ ha rä mhäte Äjuä [...] ˈne gi to̱ˈmhu̱ nuˈä rä te ma dä tˈaˈähu̱ pa nzäntho” (Judas 21).

Di mbitaˈihe ko ngatˈho mä korasohe pa gi sigi gi yˈo ha näˈä ˈñuu xa mäjuäni. Nunä mfistˈofo: “Manténganse en el amor de Dios” ma dä maxˈäˈi pa dä za gi yˈo ha näˈä ˈñuuˈä.