Habu̱ ma gi tini te hutsʼi

Habu̱ ma dä xiʼi te hutsʼi

Yä testigo rä Jeoba

Huahni nʼa idioma Ñañu

 RÄ NTHEKE 26

¿Hanja dä za gä mfaxtehu̱ pa njabu̱ nzäntho dä nheki xä ñho rä Ngu de gä Mhuntsˈi?

¿Hanja dä za gä mfaxtehu̱ pa njabu̱ nzäntho dä nheki xä ñho rä Ngu de gä Mhuntsˈi?

Estonia

Zimbabue

Mongolia

Puerto Rico

Gatˈho yä Ngu de gä Mhuntsˈi ñä de näˈä rä mäkä thuhu Jeoba. Hänge di handihu̱ ngu nˈa rä däta nsu gä mfaxte gä xu̱kihu̱ rä Ngu de gä Mhuntsˈi pa nzäntho dä nheki xä ntˈaxi ˈne hinte dä japäbi mˈe̱di, ˈne njabu̱ di xo̱kämbenihu̱ rä Zi Dada Jeoba. Gatˈho dä za gä mfaxtehu̱.

Xti uadi yä mhuntsˈi, yˈadi gi mfaxte. Mˈe̱fa de kada nˈa mhuntsˈi, nuˈu̱ yä ku xä ntini, paxtˈi näˈä rä Ngu de gä Mhuntsˈi. Nˈa mˈiki tatˈä semänä di xu̱ki xä ñho näˈä Ngu de gä Mhuntsˈi. Nˈa ansiano o sierbo ministerial pe̱ˈtsi nˈa lista näˈä hutsˈi habu̱ di ja mˈe̱di nuya yä ˈme̱fi: dä su̱ki xä ñho yä bañu, dä thuki ˈne dä tˈegi yä thuhni, dä thuki yä bentanä ˈne yä ñhee, dä tˈe̱i yä paxi, dä maxtˈi ˈne dä su̱ki mboo ˈne thi. Pe nˈa mˈiki tatˈä je̱ya di nsu̱ki xa xä ñho gatˈho rä Ngu de gä mhuntsˈi. Mu̱ gä apäbihu̱ mä zi bätsihu̱ dä mfaxte ha nuya yä ˈme̱fi, ma gä utihu̱ dä me̱ˈtsi rä tˈekˈei po näˈä luga habu̱ di xo̱kämbenihu̱ rä Zi Dada Jeoba (Eclesiastés 5:1).

Ma gä mfaxtehu̱ dä thoki habu̱ xä tsˈoki. Tatˈä je̱ya di thandi xä ñho de mboo ˈne de thi ha rä Ngu de gä Mhuntsˈi, ˈne mu̱ dä thini habu̱ xä tsˈoki, nguntˈä di thandi te mä ˈme̱fi dä thoki pa njabu̱ hingä mänˈa dä tsˈoki ˈne dä bo̱ni xä mädi mˈe̱fa (2 Crónicas 24:13; 34:10). Nˈa rä Ngu de gä Mhuntsˈi näˈä xä ntˈaxi ˈne hinte di japä mˈe̱di, geˈä luga habu̱ ri ˈñehe gä xo̱kämbenihu̱ Äjuä. Nuˈmu̱ di faxte pa di suhu̱ rä Ngu de gä Mhuntsˈi, di udihu̱ hängu di mädihu̱ rä Zi Dada Jeoba ˈne näˈä luga habu̱ di xo̱kämbenihu̱ˈä (Salmo 122:1). ˈNe njabu̱ nuˈu̱ yä jäˈi de ha näˈä luga di ˈmu̱ihu̱, ma dä hyandi xä ñho näˈä ˈme̱fi di jahu̱ (2 Corintios 6:3).

  • ¿Por hanja hinxä ñho gä hopihu̱ dä tsˈoki näˈä luga habu̱ di xo̱kämbenihu̱ Jeoba?

  • ¿Te pe̱fi yä testigo rä Jeoba pa njabu̱ nzäntho dä neki xä ntˈaxi näˈä Ngu de gä Mhuntsˈi habu̱ di ntini?