Habu̱ ma gi tini te hutsʼi

Habu̱ ma dä xiʼi te hutsʼi

Yä testigo rä Jeoba

Huahni nʼa idioma Ñañu

 RÄ NTHEKE 27

¿Te mä mfatsˈi dä za gä tinihu̱ ha näˈä biblioteka ja ha rä Ngu de gä Mhuntsˈi?

¿Te mä mfatsˈi dä za gä tinihu̱ ha näˈä biblioteka ja ha rä Ngu de gä Mhuntsˈi?

Israel

República Checa

Benín

Islas Caimán

Mu̱ gi pe̱ˈtsi nˈa rä xuñha, ¿gi kamfri ge rä Mäkä Tˈofo dä za dä maxˈäˈi? ¿Gi hohmä gi pädi mä nˈa tu̱i de rä Noya Äjuä? ¿Gi hohmä gi pädi de nuˈu̱ yä jäˈi, yä luga, yä noya o de märˈa yä tˈo̱tˈe nuˈu̱ ehe ha rä Mäkä Tˈofo? Pa geˈä, mähyoni gi ma ha näˈä biblioteka ja ha rä Ngu de gä Mhuntsˈi.

Ha biblioteka ma gi tini ndunthi yä mfistˈofo pa gi nxadi. Zäi ge hingi pe̱ˈtsi gatˈho nuˈu̱ yä mfistˈofo pe̱ˈtsi yä testigo rä Jeoba pa udi de rä Mäkä Tˈofo. Pe ha näˈä biblioteka ja ha rä Ngu de gä Mhuntsˈi, ma dä za gi tini nuˈu̱ yä he̱ˈmi ja xä thoki. ˈNehe ma gi tini märˈa yä Mäkä Tˈofo, nˈa hogä diccionario, ˈne märˈa yä mfistˈofo nuˈu̱ dä za dä maxˈäˈi. Nuˈi dä za gi ma ha biblioteka änte o de xti uadi rä mhuntsˈi. Mu̱ ja nˈa computadora, zäi ge pe̱ˈtsi näˈä programä tˈembi Watchtower Library. Nunä programä pe̱ˈtsi kasi gatˈho yä he̱ˈmi ˈne yä mfistˈofo nuˈu̱ xä bo̱ni. ˈNehe ko nunä programä, dä za gi tini nguntˈä gatˈho näˈä gi honi; nˈa tema, rˈa yä noya o rˈa yä xe̱ni de rä Mäkä Tˈofo.

Näˈä biblioteka fatsˈi nuˈu̱ thogi ha rä mhuntsˈi Rä Mˈu̱i ˈne yä ˈMe̱fi yä Kristianu. Nuˈi dä za gi usa näˈä rä biblioteka ja ha rä Ngu de gä Mhuntsˈi pa gi hyoki xä ñho nuˈu̱ ri asignación gi pe̱ˈtsi. Rä superintendente de rä mhuntsˈi Rä Mˈu̱i ˈne yä ˈMe̱fi yä Kristianu, geˈä xä thutsˈi ˈnehe pa dä yˈu̱i yä mfistˈofo ˈne pa dä hyandi te di ja mˈe̱di ha nunä biblioteka. Nunä ku o toˈo rˈaˈi ri estudio, dä za dä ˈñutäˈi hanja gi tini näˈä gi honi. Pe nuˈu̱ yä mfistˈofo hindä za gi ju̱ki de ha rä biblioteka, nixi ma gi raya o te gi yˈofo ha nuˈu̱ yä he̱ˈmi.

Rä Mäkä Tˈofo mää ge pa gä tinihu̱ näˈä mfädi ehe de Äjuä, mähyoni gä o̱tˈehu̱ ntsˈe̱di pa gä honihu̱ näˈä mfädi ngu nuˈmu̱ di honihu̱ nˈa tesoro (Proverbios 2:1-5). Näˈä biblioteka ja ha rä Ngu de gä Mhuntsˈi, dä za dä maxˈäˈi pa gi fu̱di gi hyoni näˈä tesoro ehe de Äjuä.

  • ¿Te mä mfatsˈi ma gi tini ha näˈä biblioteka ja ha rä Ngu de gä Mhuntsˈi?

  • ¿Toˈo dä za dä maxˈäˈi pa dä za gi tini näˈä gi honi ha rä biblioteka?