Habu̱ ma gi tini te hutsʼi

Habu̱ ma dä xiʼi te hutsʼi

Yä testigo rä Jeoba

Huahni nʼa idioma Ñañu

 RÄ NTHEKE 3

¿Xa mäjuäni bi ehe de Äjuä nuˈu̱ yä hogä noya hutsˈi ha rä Mäkä Tˈofo?

¿Xa mäjuäni bi ehe de Äjuä nuˈu̱ yä hogä noya hutsˈi ha rä Mäkä Tˈofo?

1. ¿Habu̱ xpi ˈñehe nuˈu̱ yä mfeni hutsˈi ha rä Mäkä Tˈofo?

Ha rä Mäkä Tˈofo hutsˈi nunä hogä noya: ¡ge yä jäˈi ma dä mˈu̱i pa nzäntho ha rä Xiˈmhai! (Salmo 37:29.) Rä Mäkä Tˈofo pe̱ˈtsi 66 yä mfistˈofo. Äjuä bi huahni ngu 40 yä ñˈo̱ho̱ nuˈu̱ xa mi pe̱päbi Äjuä pa bi yˈofo rä Mäkä Tˈofo. Nuˈu̱ ku̱tˈa yä mu̱di mfistˈofo go bi yˈofo Moises o̱tˈe ngu 3,500 yä je̱ya. ˈNe ya thogi 1,900 yä je̱ya, rä apostol Juan bi uadi bi yˈofo näˈä rä gäxä mfistˈofo de rä Mäkä Tˈofo. ¿Toˈo bi umbi rä mfeni nuˈu̱ 40 yä ñˈo̱ho̱ pa bi yˈofo rä Mäkä Tˈofo? Äjuä po mäde de näˈä rä mäkä tsˈe̱di, bi xipäbi nuˈu̱ yä ñˈo̱ho̱ te mi ne xä tˈofo ha rä Mäkä Tˈofo (2 Samuel 23:2). Nuˈu̱ yä ñˈo̱ho̱ himbi yˈofo nuˈu̱ yä mfenise̱, bi yˈofo ho̱nse̱ näˈä bi xipäbi Jeoba. Hänge gatˈho nuˈu̱ yä mfeni hutsˈi ha rä Mäkä Tˈofo, bi ehe de Jeoba. Hñeti 2 Timoteo 3:16 ˈne 2 Pedro 1:20, 21.

2. ¿Hanja dä za gä pädihu̱ ge xa mäjuäni näˈä xikägihu̱ rä Mäkä Tˈofo?

Nuju̱ di pädihu̱ ge nuˈu̱ yä mfeni hutsˈi ha rä Mäkä Tˈofo bä ˈñehe de Äjuä, ngeˈä dende mäyaˈmu̱ bi mää gatˈho nuˈu̱ yä thogi di nheki mäpaya, ˈne xikägihu̱ gatˈho näˈä ma dä nheki mˈe̱fa. Hinxä mˈu̱i nˈa jäˈi näˈä xä za xä bädi gatˈho näˈä ma dä thogi mˈe̱fa (Josué 23:14). Ho̱nse̱ Äjuä pe̱ˈtsi gatˈho rä tsˈe̱di ˈne ho̱nse̱ˈä pädi gatˈho näˈä ma dä thogi mˈe̱fa. Hñeti Isaías 42:9 ˈne 46:10.

Nˈa rä mfistˈofo näˈä xpi ˈñehe de Äjuä, pe̱ˈtsi te di nˈañˈo de gatˈho nuˈu̱ märˈa yä mfistˈofo xä thoki. ˈNe njabu̱ xä nheki, ngeˈä thogi 2 yä biyon nuˈu̱ yä kˈoi xä thoki de rä Mäkä Tˈofo ha thogi 450 yä idioma. Mäske rä Mäkä Tˈofo bi uadi bi tˈofo dende mäyaˈmu̱ ˈne hindi tˈudi ha yä skuela, mää näˈä mäjuäni nuˈmu̱ udi hanja bi zo̱ho̱ bi nja rä Xiˈmhai ˈne märˈa yä tˈo̱tˈe. ˈNehe, o rä ˈñuu näˈä bi yˈofo nuˈu̱ 40 yä ñˈo̱ho̱ ˈne hingä rˈa nˈañˈo bi yˈofo. * Ha rä Mäkä Tˈofo di nheki ˈnehe näˈä mhäte pe̱ˈtsi  Äjuä po yä jäˈi. Nuˈu̱ yä tsˈofo hutsˈi ha rä Mäkä Tˈofo ja rä tsˈe̱di pa dä japi dä paati yä mˈu̱i yä jäˈi ˈne pa dä matsˈi dä me̱ˈtsi nˈa rä hogä mˈu̱i. Nuya yä tˈo̱tˈe xä matsˈi xa ndunthi yä mˈo yä jäˈi pa xa hyandi ge rä Mäkä Tˈofo xa mäjuäni geˈä rä Noya Äjuä. Hñeti 1 Tesalonicenses 2:13.

3. ¿Te udi rä Mäkä Tˈofo?

Ha gatˈho rä Mäkä Tˈofo mää ge po näˈä mhäte pe̱ˈtsi Äjuä pa ko yä mexiˈmhai, ma dä hä nˈa hogä mˈu̱i temäˈentho pa yä jäˈi. Rä Mäkä Tˈofo mää hanja nuˈu̱ yä mu̱di jäˈi bi ˈme̱di näˈä hogä mˈu̱i mi pe̱ˈtsi ha näˈä uädri mi ja nuua ha rä Xiˈmhai. Pe rä Mäkä Tˈofo ˈnehe mää hanja Äjuä ma dä hyoki mänˈaki rä Xiˈmhai pa dä zo̱ho̱ dä uädri ja ngu mi ne dende ri mu̱di. Hñeti Apocalipsis (Revelación) 21:4, 5.

ˈNehe, ha rä Noya Äjuä hutsˈi yä mhända, yä mhända hindi mpaati ˈne yä tsˈofo. Rä Mäkä Tˈofo ˈnehe xikägihu̱ hanja Äjuä xä trata yä jäˈi dende mäyaˈmu̱, ˈne njabu̱ utkägihu̱ te nguˈä rä mˈu̱i Äjuä. Hänge rä Mäkä Tˈofo dä za dä maxˈäˈi gi pädi Äjuä ˈne ma dä xiˈi hanja dä za gi pe̱ˈtsi nˈa rä hogä ntsitsˈi Kongeˈä. Hñeti Salmo 19:7, 11; Santiago 2:23, ˈne 4:8.

4. ¿Hanja dä za gi ntiende näˈä hutsˈi ha rä Mäkä Tˈofo?

Nuˈmu̱ rä Hesu mi fatsˈi yä jäˈi dä bädi de rä Noya Äjuä, mˈe̱tˈo mi fu̱di mi mää rˈa yä mfeni de rä Mäkä Tˈofo. ˈNepu̱, pa nuˈu̱ yä jäˈi bi za bi ntiende näˈä mi o̱de, rä Hesu mi xipäbi te mi udi nuˈu̱ yä mfeni de rä Mäkä Tˈofo. Nunä he̱ˈmi gi hñä, njabu̱ ˈnehe ma dä maxˈäˈi gi ntiende näˈä hutsˈi ha rä Mäkä Tˈofo. Hñeti Lucas 24:27, 45.

Mäpaya hindi o̱dehu̱ ndunthi yä hogä noya nuˈu̱ rˈakägihu̱ ndunthi rä johya ja ngu nuˈu̱ yä hogä noya bi ehe de Äjuä. Pe mäske njabu̱, ndunthi yä jäˈi hingi ne dä japämäsu nuya yä hogä noya, ˈne märˈaa asta di nkue̱tho. Pe nuˈi ogi turimu̱i ˈne sigi gi pädi de Äjuä. Mu̱ gi pe̱fi njabu̱, ¡Äjuä ma dä rˈaˈi nˈa rä te pa nzäntho habu̱ ma gi ˈmu̱i ko ndunthi rä johya! Hñeti Juan 17:3.

 

^ xe̱ni 3 Hyandi näˈä mfistˈofo La Biblia... ¿la Palabra de Dios, o palabra del hombre?