Habu̱ ma gi tini te hutsʼi

Habu̱ ma dä xiʼi te hutsʼi

 RÄ NTHEKE 13

¿Te pe̱fi nˈa prekursor?

¿Te pe̱fi nˈa prekursor?

Canadá

Di tˈungä ntˈo̱de rä Noya Äjuä nguu po nguu

Nˈa ntˈudi de rä Mäkä Tˈofo

Nxadise̱ rä Mäkä Tˈofo

Tˈembi prekursor nˈa jäˈi näˈä di ˈme̱tˈo ˈne xoki yä ˈñuu pa njabu̱ dä za dä thogi nuˈu̱ di ˈme̱fa. Rä Hesu bi ñˈo ngu de gä prekursor, ngeˈä bä ˈme̱hni ha rä Xiˈmhai pa bi ungä ntˈo̱de rä Noya Äjuä, ˈne njabu̱ bi xoki nˈa ˈñuu näˈä tsitsˈi ha rä te (Mateo 20:28). Mäpaya, nuˈu̱ yä de̱ni rä Hesu ˈnehe di ˈueke yä tiempo pa uti yä jäˈi ˈne njabu̱ dä zo̱ho̱ dä de̱ni rä Hesu (Mateo 28:19, 20). Rˈaa xä ˈueke ndunthi de yä tiempo pa pe̱päbi Äjuä de gä prekursor.

Nˈa prekursor geˈä di ungä ntˈo̱de rä Noya Äjuä ndunthi yä ora. Gatˈho yä testigo rä Jeoba di ungä ntˈo̱de nuˈu̱ yä rˈayˈo hogä noya. Pe rˈaa pe̱päbi Äjuä ngu yä prekursor regular. Nuyu̱ di mpe̱fi nˈa hängutho yä pa, pa njabu̱ ˈueke yä tiempo pa dä za dä ungä ntˈo̱de rä Noya Äjuä 70 yä ora tatˈä zänä. Märˈaa xä thutsˈi ngu yä prekursor espesial, ˈne di ˈme̱hni ha nuˈu̱ yä luga di ja mˈe̱di dä tˈungä ntˈo̱de rä Noya Äjuä. Nuyu̱ tatˈä zänä di ungä ntˈo̱de rä Noya Äjuä 130 yä ora o thogi de 130. Yä prekursor hingi honi dä me̱ˈtsi ndunthi yä tˈo̱tˈe. Nuyu̱ di johya ko näˈä pe̱ˈtsi pa dä zi ˈne pa dä hyee ngeˈä kamfri ge rä Zi Dada Jeoba ma dä umbäbi näˈä di japäbi mˈe̱di (Mateo 6:31-33; 1 Timoteo 6:6-8). Toˈo hingi pe̱päbi Äjuä de gä prekursor regular o espesial, dä za dä me̱päbi Äjuä de gä prekursor ausiliar. Yä prekursor ausiliar di ungä ntˈo̱de rä Noya Äjuä 30 o 50 ora rä zänä.

Toˈo di mpe̱fi de gä prekursor di ja njabu̱ ngeˈä xa di mädi Äjuä ˈne rä mikˈei. Ja ngu rä Hesu, nuje di dahe ngue̱nda ge ndunthi yä jäˈi xa di japäbi mˈe̱di dä bädi Äjuä ˈne de näˈä ma dä me̱fi mˈe̱fa (Marcos 6:34). Näˈä mfädi di pe̱ˈtsihe, dä za dä matsˈi yä jäˈi dende nubye̱ ngeˈä umbi nˈa humu̱i temäˈentho pa xudi ndämäni. ¡Nunä humu̱i xa mäjuäni ma dä kumpli! Yä prekursor xa di mädi yä jäˈi hänge ˈueke de yä tiempo ˈne yä tsˈe̱di pa uti yä jäˈi nuˈu̱ yä rˈayˈo hogä noya (Mateo 22:39; 1 Tesalonicenses 2:8). Njabu̱, yä prekursor mänˈa di ntsitsˈi ko Äjuä, di te yä jamfri ˈne ˈmu̱i ko ndunthi rä johya (Hechos 20:35).

  • ¿Te pe̱fi nˈa prekursor?

  • ¿Por hanja rˈa yä testigo rä Jeoba di huahni dä me̱päbi Äjuä de gä prekursor?