Habu̱ ma gi tini te hutsʼi

Habu̱ ma dä xiʼi te hutsʼi

 RÄ LECCIÓN 17

Esplika xä ñho

Esplika xä ñho

1 Corintios 14:9, TNM

NÄˈÄ MÄHYONI GI PE̱FI: Asegura ge näˈä ma gi mää di o rä ˈñuu pa njabu̱ nuˈu̱ toˈo o̱xˈäˈi dä ntiende xä ñho.

HANJA DÄ ZA GI PE̱FI

  • Nxadi xä ñho rä imformasion. Nxadi ˈne ntiende xä ñho rä tema. Mu̱ gi jabu̱, ma dä za gi esplika de nˈa rä forma hingi hei ˈne gatˈho ma dä ntiendeˈi.

  • Jamäsu hingi ñä ndunthi. Ogi mängä ndunthi yä noya pa gi esplika kada nˈa rä idea o nˈa rä punto.

  • Esplika nuˈu̱ yä noya xä ñhei. Por ejemplo, ora ma gi ñä de nuˈu̱ yä tˈe̱ni, de nuˈu̱ yä nzäi o de nuˈu̱ yä jäˈi pede rä Mäkä Tˈofo. Mu̱ di ja mˈe̱di gi usa nuya yä noya o märˈaa, dä hogi gi esplika te di signifika.