Habu̱ ma gi tini te hutsʼi

Habu̱ ma dä xiʼi te hutsʼi

 MÄ MˈU̱IHU̱ NGU YÄ KRISTIANU

¿Hanja gä pädi gä nxadi xä ñho rä Noya Äjuä?

¿Hanja gä pädi gä nxadi xä ñho rä Noya Äjuä?

¿Gi hohmä xa di tse̱di ri jamfri ngu Daniel ora gi thogi yä prueba? Daniel näˈä xa mi nxadi rä Noya Äjuä ˈne xa mi imbestiga xä ñho nuˈu̱ yä profesia (Da 9:2). Mu̱ gi nxadi xä ñho rä Mäkä Tˈofo ma dä maxˈäˈi pa hingi hye̱gi Jeoba, ¿pe hanja? Ngeˈä ora gi nxadi rä Mäkä Tˈofo, mänˈa ma dä te ri komfiansa ha nuˈu̱ yä promesa Jeoba (Jos 23:14). Geˈä ma dä maxˈäˈi pa mänˈa gi mädi Äjuä ˈne gi pe̱fi näˈä xä ñho (Sl 97:10). ¿Pe hanja dä za gi ja? Ma gä handihu̱.

  • ¿Te debe gi nxadi? Mähyoni gi ñhoki xä ñho ko näˈä imformasion di nxadihu̱ ha yä mhuntsˈi. Mu̱ gi imbestiga näˈä hingi ntiende ora gi heti rä Mäkä Tˈofo, mänˈa ma gi tini yä hogä ntˈudi. ˈNehe, mˈu̱i rˈa yä ku nuˈu̱ xä desidi dä imbestiga nuˈu̱ yä profesia hutsˈi ha rä Mäkä Tˈofo, nuˈu̱ yä hogä mˈu̱i uni rä espiritu santo, nuˈu̱ yä biahe bi yˈo̱tˈe rä apostol Pablo o nuˈu̱ yä tˈo̱tˈe xä hyoki Jeoba. Mu̱ durante rä pa dä ehe ha ri mfeni nˈa rä ntˈani de rä Mäkä Tˈofo, dä hogi gi yˈofo pa gi imbestiga mˈe̱fa.

  • ¿Habu̱ dä za gi tini rä imformasion? Rä bideo Yä erramienta pa gi hyoni yä tesoro de rä Noya Äjuä uni rˈa yä opción. Dä za gi fu̱di gi imbestiga te di representa nuˈu̱ yä zuˈue no̱ni ha rä mˈede 7 de rä mfistˈofo Daniel.

  • ¿Hängu tiempo debe gi nxadi? Pa dä ze̱di ri ntsitsˈi ko Äjuä mähyoni gi nxadi hyaxtho rä Mäkä Tˈofo. Dä za gi fu̱di gi nxadi nˈa hängu minuto ˈne mˈe̱fa dä za gi huˈtsuäbi mä nˈa tu̱i rä tiempo. Gi nxadi rä Noya Äjuä yˈo̱tˈe ngue̱nda ge gi xei rä hai pa gi honi yä tesoro; ora gi tini nˈa rä tesoro, zäi ge mänˈa ma gi ne gi sigi gi xei (Pr 2:3-6). Mu̱ gi jabu̱, mänˈa ma gi numäñho rä Mäkä Tˈofo ˈne ma gi nzäi gi nxadi hyaxtho (1Pe 2:2).

¿TE DI REPRESENTA NUˈU̱ YÄ ZUˈUE NO̱NI HA DANIEL RÄ MˈEDE 7?

MÄ NˈA RÄ NTˈANI:

¿Hanja bi kumpli Daniel 7:8, 24?

PA GI IMBESTIGA MˈE̱FA:

¿Te di representa näˈä zuˈue no̱ni ha Revelación rä mˈede 13?