Habu̱ ma gi tini te hutsʼi

Habu̱ ma dä xiʼi te hutsʼi

 YÄ TESORO DE RÄ NOYA ÄJUÄ | MARCOS 9, 10

Nˈa rä visión näˈä japi dä ze̱di mä jamfrihu̱

Nˈa rä visión näˈä japi dä ze̱di mä jamfrihu̱

9:1-7

Imäjinä hängu rä johya bi senti rä Hesu nuˈmu̱ durante nˈa rä visión bi yˈo̱de hanja rä Dada bi mää ge xa mi mädi ˈne ge mi rekonose ngu rä Tˈu̱. Zäi ge geˈä bi umbäbi rä tsˈe̱di pa bi ze̱ti gatˈho näˈä rä sufrimiento bi ˈñepäbi mˈe̱fa. Nunä visión ˈnehe bi japi bi ze̱di yä jamfri Pedro, Santiago ˈne Juan. Nuˈu̱ hinte mä duda bi me̱ˈtsi ge rä Hesu mi geˈä rä Mesia ˈne nuˈu̱ himi arrepenti de dä de̱ni rä Hesu. 32 yä je̱ya mˈe̱fa, rä apostol Pedro tobe mi beni hanja näˈä visión xki japi dä ze̱di yä komfiansa po nuˈu̱ yä profesia Äjuä (2Pe 1:16-19).

Mäske nuju̱ hindä handihu̱ näˈä rä visión, pe hää di handihu̱ hanja di kumpli. Mäpaya, rä Hesu ya rä Rey ˈne xä tˈumbi gatˈho rä autorida ˈne rä tsˈe̱di ˈne ya nguntˈä ma dä ntäte ˈne njabu̱ ma dä hä rä justisia po gatˈho rä Xiˈmhai (Rev 6:2).

¿Hanja xä japi dä ze̱di ri jamfri nuˈmu̱ gi handi hanja mäpaya di kumpli yä profesia de rä Mäkä Tˈofo?