Habu̱ ma gi tini te hutsʼi

Habu̱ ma dä xiʼi te hutsʼi

 YÄ TESORO DE RÄ NOYA ÄJUÄ | JOB 21-27

Job xa bi ze̱ti pa himbi gamfri nuˈu̱ yä nhemhñä ˈne yä tsˈo mfeni bi sipäbi Job

Job xa bi ze̱ti pa himbi gamfri nuˈu̱ yä nhemhñä ˈne yä tsˈo mfeni bi sipäbi Job

Rä Zithu mää yä nhemhñä pa dä japi xi dä duyämu̱i yä ˈme̱go Jeoba ˈne pa dä senti ge hinte yä muui. Pe rä mfistˈofo Job mää ge nuˈu̱ yä nkˈuamba xä gu̱tsˈi rä Zithu hingä mäjuäni, ˈne udi näˈä xa mäjuäni di senti Jeoba po nuju̱. Ha nunä sección yˈofo märˈa yä testo de rä Mäkä Tˈofo nuˈu̱ udi ge rä Zi Dada Jeoba hää di mäˈi ˈne turämu̱i po geˈi.

RÄ ZITHU XÄ MÄÄ:

PE GEHNÄ MÄNGÄ JEOBA:

Ge Äjuä xa adi ndunthi ˈne ge hingi handi ko rä muui näˈä pe̱fi yä ˈme̱go, mäske nuyu̱ xa o̱tˈe ntsˈe̱di po dä me̱päbi rä bolunta (Job 4:18; 25:5).

Jeoba handi ko ndunthi rä muui gatˈho näˈä di o̱tˈehu̱ po gä pe̱päbihu̱ rä bolunta (Job 36:5).

Ge pa Äjuä hinte di muui yä jäˈi (Job 22:2).

Jeoba numäñho ˈne jäpigihu̱ nuˈmu̱ di yˈohu̱ mänjuäntho ha rä ˈñuu (Job 33:26; 36:11).

Ge mu̱ dyä hojäˈihu̱ o hinä, Äjuä hindi mportabi (Job 22:3).

Jeoba nzäntho di su nuˈu̱ yä hojäˈi (Job 36:7).