Habu̱ ma gi tini te hutsʼi

Habu̱ ma dä xiʼi te hutsʼi

 MÄ MˈU̱IHU̱ NGU YÄ KRISTIANU

Po ränge rä Zi Dada Jeoba ˈne rä Hesu ma gä ˈmu̱ihu̱ libre

Po ränge rä Zi Dada Jeoba ˈne rä Hesu ma gä ˈmu̱ihu̱ libre

¿Te mä xuñha gi ñhandui hyaxtho? ¿Go grä ñäxu de ri familia ˈne gi o̱tˈe ntsˈe̱di po gi kumpli ko nuˈu̱ ri obligasio gi pe̱ˈtsi? ¿Grä dada o grä nänä ˈne gi mäntenese̱ ri familia? ¿Grä yˈoskuela ˈne gi thogi yä burla? ¿Gi ñhandui yä ñheni o ya grä zi däta jäˈi? Gatˈho di ñhanduihu̱ yä xuñha. Ndunthi yä zi ku hingä ho̱nse̱ di ñhandui nˈaa, sino ndunthi yä xuñha. Pe mänˈitˈho ma gä ˈmu̱ihu̱ libre de gatˈho nuya yä dumu̱i ˈne yä xuñha (2Co 4:16-18).

Mientra di to̱ˈmihu̱ näˈä rä pa, di pädihu̱ ge rä Zi Dada Jeoba di ntiende xä ñho näˈä di thogihu̱. ˈNehe di numäñhogihu̱ ora handi ge di sigi di ze̱tihu̱, ˈne promete dä jäpigihu̱ (Jer 29:11, 12). Rä Hesu ˈnehe turämu̱i po gekhu̱. Näˈä bi ˈñenä: «Di ˈmu̱i kongeˈähu̱ gatˈho yä pa» (Mt 28:20). Hää, rä Hesu di prometegihu̱ dä mˈu̱i kongekhu̱ hyaxtho mientra di kumplihu̱ rä bolunta rä Zi Dada Jeoba. Mähyoni gä ˈuekehu̱ rä tiempo pa gä hudi gä ntso̱ˈmihu̱ ˈne gä e̱ntˈä ha mä mfenihu̱ ge rä Tsˈu̱tˈhui Äjuä, ma dä hñäki gatˈho nuˈu̱ yä xuñha ˈne yä dumu̱i di thogihu̱. Mu̱ gä jahu̱bu̱ ma dä te mä komfiansahu̱ po rä Zi Dada Jeoba ˈne geˈä ma dä rˈakägihu̱ rä tsˈe̱di pa gä ze̱tihu̱ yä xuñha (Ro 8:19-21).

HYANDIHU̱ RÄ BIDEO XTI ˈÑEPU̱ RÄ DÄTA TRIBULACIÓN, ¡MA GÄ HU̱XÄ MÄ DAHU̱ HA RÄ HESU!—NUˈU̱ YÄ JÄPI MA DÄ HÄ RÄ TSˈU̱TˈHUI ÄJUÄ. MˈE̱FA THÄDIHU̱ NUYA YÄ NTˈANI:

  • ¿Por hanja yä jäˈi xä ˈuege de rä Zi Dada Jeoba ˈne hängu yä xuñha xpä hä?

  • ¿Te to̱ˈmpäbi gatˈho nuˈu̱ yˈo ha rä ˈñuu rä Zi Dada Jeoba?

  • ¿Por hanja ma dä za gä pe̱ˈtsihu̱ nˈa rä mˈu̱i temäˈentho?

  • ¿Te mä jäpi ya gi ne gi hyandi ha rä rˈayˈo xiˈmhai?

Imäjinä ge ya gi ˈmu̱i ha rä Paraiso.