Habu̱ ma gi tini te hutsʼi

Habu̱ ma dä xiʼi te hutsʼi

 MÄ MˈU̱IHU̱ NGU YÄ KRISTIANU

Jamäsu ri medinthäti

Jamäsu ri medinthäti

Pa rä Zi Dada Jeoba, hingä nˈa rä ntˈeni näˈä promesa bi ja tanto nˈa rä däme ngu rä ˈme̱hñä ora bi nthäti. Jeoba di mändabi ge hindä ñhe̱gi (Mt 19:5, 6). Ha rä hnini rä Zi Dada Jeoba ˈmu̱i ndunthi yä medinthäti nuˈu̱ ˈmu̱i ko rä johya. Pe mäpaya, gatˈho yä medinthäti rˈabu̱ pe̱ˈtsi yä xuñha. Pe dä ñhe̱gi o dä diborsia yä medinthäti, hingä geˈä rä ˈñuu debe dä gu̱u̱ ora di ñhandui yä xuñha. ¿Hanja dä za tanto rä däme ngu rä ˈme̱hñä dä su rä medinthäti?

Ma gä handihu̱ 5 yä konseho.

  1. Jamäsu ri koraso ˈne ogi koketea ko märˈa yä jäˈi. Ogi handi yä programä o yä pelikula habu̱ ehe yä tsˈu̱di jäˈi. Ngeˈä nuya yä tsˈo tˈo̱tˈe di tsˈoni yä medinthäti (Mt 5:28; 2Pe 2:14).

  2. Japi dä ze̱di ri ntsitsˈi ko rä Zi Dada Jeoba ˈne yˈo̱tˈe ntsˈe̱di po gi pe̱fi ha ri medinthäti nuˈu̱ yä tsˈofo uni (Sl 97:10).

  3. Sigi gi ˈñudi näˈä rä mˈu̱i di ho Äjuä. Tanto ko näˈä gi mää ngu ko näˈä gi pe̱fi, ˈñudi ge gi mädi näˈä jäˈi xkä nthätui, pa njabu̱ hindä japi xä ñhei dä mˈu̱i kongeˈi (Col 3:8-10, 12-14).

  4. Nzäntho hyonihu̱ rä modo hanja dä za gi ñähu̱ de näˈä gi mbenihu̱ ˈne de näˈä gi sentihu̱, pe ñähu̱ ko rä tˈekˈei (Col 4:6).

  5. ˈÑudi rä mhäte ˈne rä tˈekˈei ora gi ˈme̱ngui ri ˈme̱hñä o ri däme (1Co 7:3, 4; 10:24).

Mu̱ nˈa rä däme ˈne nˈa rä ˈme̱hñä pe̱ˈspäbi rä tˈekˈei rä medinthäti, signifika ge pe̱ˈspäbi rä tˈekˈei rä Zi Dada Jeoba, ngeˈä go geˈä bi hyoki rä medinthäti.

HYANDIHU̱ RÄ BIDEO PE̱ˈTSI TE GÄ TSE̱TIHU̱ NUNÄ RÄ NHEXTˈI: MA GÄ JAMÄSUHU̱ NUˈU̱ YÄ REGLA XÄ THUTSˈI HA RÄ NHEXTˈI. MˈE̱FA THÄDIHU̱ NUYA YÄ NTˈANI:

  • Mäske nˈa rä medinthäti bi mu̱di xä ñho, ¿te mä xuñha dä za dä ˈñepäbi mˈe̱fa?

  • ¿Hanja dä za dä matsˈi nuˈu̱ yä konseho uni rä Zi Dada Jeoba nuˈu̱ senti ge otho rä mhäte ha yä medinthäti?

  • Pe̱fi nuˈu̱ yä konseho uni rä Biblia pa njabu̱ gi pe̱ˈtsi rä johya ha ri medinthäti.

    ¿Te di mändabi rä Zi Dada Jeoba nuˈu̱ yä medinthäti?

  • ¿Te debe dä me̱fi tanto rä däme ngu rä ˈme̱hñä pa njabu̱ dä nja rä johya ha rä medinthäti?