Habu̱ ma gi tini te hutsʼi

Habu̱ ma dä xiʼi te hutsʼi

 MÄ MꞌU̱IHU̱ NGU YÄ KRISTIANU

Hanja dä za gä uñhu̱ ntꞌo̱de mänꞌa xä ñho: Ñhoki pa gi predikabi rꞌa nꞌañꞌo yä jäꞌi

Hanja dä za gä uñhu̱ ntꞌo̱de mänꞌa xä ñho: Ñhoki pa gi predikabi rꞌa nꞌañꞌo yä jäꞌi

POR HANJA XA MÄHYONI. Gatꞌho yä ꞌme̱go Äjuä di mbitabi märꞌa yä jäꞌi dä ꞌñehe pa «dä zi rä dehe de gä te nuꞌä tꞌuntho» (Ap 22:17). Nunä rä dehe signifika gatꞌho näꞌä xä me̱fi ꞌne xä uni rä Zi Dada Jeoba pa dä ñäni de rä pekado ꞌne de rä du nuꞌu̱ yä jäꞌi ne dä yꞌo̱te yä mhända. Pa dä za gä fatsꞌihu̱ nuꞌu̱ yä jäꞌi ya pe̱ꞌtsi yä nzäi ꞌne yä relijion, mähyoni gä udihu̱ nuꞌu̱ yä hogä notisia xtä pädihu̱ ha rä Noya Äjuä, pe de nꞌa rä forma näꞌä dä tso̱mbäbi ha yä koraso (Ap 14:6).

TE DÄ ZA GÄ PE̱FIHU̱

  • Huahni nꞌa rä tema ꞌne nꞌa rä testo näꞌä gi handi ge ma dä ho yä jäꞌi de ri territorio. Dä za gi huahni nꞌa de nuꞌu̱ yä idea ehe habu̱ enä «Njaua dä za gi predika» o dä za gi usa mä nꞌa rä presentasion näꞌä xkä handi ge di ho yä jäꞌi. ¿De te di ho dä ñä yä jäꞌi ꞌne te mä testo xkä handi ge di ho dä yꞌo̱de? ¿Te mä thogi xä nja ꞌne tupäbi yä mu̱i yä jäꞌi? ¿Te tupäbi yä mu̱i yä ꞌme̱hñä ꞌne yä ñꞌo̱ho̱?

  • Yꞌo̱tꞌe ngue̱nda hanja ñä ꞌne ze̱njuate yä jäꞌi de näꞌä rä luga habu̱ gi predika (2Co 6:3, 4).

  • Pädi mꞌe̱tꞌo te mää nuꞌu̱ yä he̱ꞌmi ꞌne nuꞌu̱ yä bideo ehe ha «Yä erramienta pa gä udihu̱», pa njabu̱ dä za gä usahu̱ ora dä ja mꞌe̱di.

  • Descarga yä he̱ꞌmi ꞌne yä bideo ha nuꞌu̱ yä idioma gi pädi ge ñä yä jäꞌi de ri territorio.

  • Ñäui yä jäꞌi de nuꞌu̱ yä tꞌo̱tꞌe tupäbi yä mu̱i (1Co 9:19-23). Por ejemplo, mu̱ ya xki ñhoki ko nꞌa ri presentasion, pe gä da ngue̱nda ge näꞌä jäꞌi gi ñäui xä ꞌme̱di nꞌa rä familia ha rä du, ¿te dä za gi xipäbi pa gi nupäbi rä mfeni?

HYANDIHU̱ RÄ BIDEO, ꞌNE MꞌE̱FA THÄDIHU̱ NUYA YÄ NTꞌANI:

  • ¿Te bi mu̱di bi xipäbi rä publikador näꞌä jäꞌi?

  • ¿Te mi tupäbi rä mu̱i näꞌä jäꞌi?

  • ¿Te mä testo de rä Biblia bi ꞌñuti, ꞌne por hanja?

  • ¿Hanja gi ja pa nguntꞌä gi paati ri presentasion ora gi handi ge nꞌa rä jäꞌi tupäbi rä mu̱i mä nꞌa rä tꞌo̱tꞌe?