Habu̱ ma gi tini te hutsʼi

Política de privacidad

Política de privacidad

Nuˈu̱ ri dato

Gatˈho nuˈu̱ yä dato di ˈme̱hni ha nunä luga, tso̱ni ha rä Watchtower Bible and Tract Society of New York, Inc. o ha nuˈu̱ yä organisasion fatsˈi, pe ho̱nse̱ di uni nuˈu̱ yä dato mähyoni. Rä Watchtower Bible and Tract Society of New York, Inc. hinto umbäbi nuˈu̱ yä dato gi pe̱hni, ho̱nse̱ nuˈmu̱ nˈa rä usuario di japäbi mˈe̱di, pe änte dä uni nˈa rä dato mˈe̱tˈo ma dä yˈañˈäˈi. ˈNehe dä za dä uni nuya yä dato pe ho̱nse̱ nuˈmu̱ handi ge xa mähyoni pa dä kumpli rˈa yä ley, pa dä dini o pa dä nsu de nuˈu̱ yä hyate o yä be, o nuˈmu̱ di tsˈoki nuyu̱ yä programä habu̱ ˈme̱ˈtsi nuyu̱ yä dato. Nuyu̱ yä dato häni rä Watchtower Bible and Tract Society of New York, Inc. hingi pa, hingi paati, ˈne nixi di hmii.

Dirección de correo electrónico

Näˈä e-mail o correo electrónico ma gi uni xki ju̱ki nˈa ri kuenta ha nunä luga de Internet, ja gepu̱ ma gä opˈäˈihe nuˈmu̱ jabu̱ te mähyoni gä xiˈäˈihe de geˈä. Ja ngu nuˈmu̱ gi pumfri ri kontraseñä o näˈä thuhu gä ofo ha näˈä kuenta, ˈne nuˈmu̱ gi honi rä mfatsˈi pa gi fu̱di gi ku̱tˈi ha ri kuenta, geˈmu̱ ma gä pe̱hnäˈihe nˈa mensaje ha näˈä ri correo electrónico ja ha ri perfil de gä usuario.

Cookies

Yä cookies, pe̱ˈtsi näˈä huahni yä usuario nuˈmu̱ ku̱tˈi ha jw.org. Ja ngu nuˈmu̱ yä usuario di huahni te mä idioma ne dä hyandi jw.org, näˈä idioma bi huahni geˈä ma dä mˈe̱ˈtsi ha nˈa de nuˈu̱ tˈembi cookies. Njabu̱, näˈä usuario, kada dä ma ha jw.org, nguntˈä ma dä bo̱nise̱ näˈä idioma gä huahni ri mu̱di. Nuˈu̱ tˈembi yä cookies, hinte mä dato pe̱ˈtsi de nuˈu̱ yä usuario.

Active Scripting o JavaScript

Rä jw.org ˈnehe pe̱ˈtsi nuˈu̱ tˈembi scripts (secuencias de comandos) pa njabu̱ dä mpe̱fi xä ñho nunä página, ˈne pa njabu̱ nguntˈä dä umbäbi näˈä honi yä usuario. Pe jw.org nunka di usa yä scripts pa dä umbäbi yä programä ha yä computadora yä usuario nixi pa dä hñäni yä dato mu̱ yä usuario hinxä uni nse̱ki.

Rä programä Active scripting o JavaScript mähyoni di ja ha ri computadora pa njabu̱ rˈa yä luga de jw.org dä za dä mpe̱fi xä ñho. Kasi gatˈho yä navegador hopi dä activa o dä desactiva näˈä programä Active scripting o JavaScript pa rˈa yä luga de ha rä Red. Mu̱ gi ne gi pädi hanja gi activa näˈä programä Active scripting o JavaScript pa rˈa yä luga ha Internet, hyoni ha ri navegador habu̱ enä Ayuda.

Mu̱ nˈa pa di handihe ge mähyoni gä paatihe näˈä política de privacidad di pe̱ˈtsihe, nuˈmu̱ gä hutsˈihe ha nunä página te ma gä paatihe pa njabu̱ gi pädi te mä dato di hänihe, hanja di usahe ˈne pa te mähyoni.