Сӕйраг ӕрмӕгмӕ рахиз

Сӕргӕндтӕм рахиз

Йегъовӕйы Ӕвдисӕнтӕ

Ӕвзаг равзар ирон

3 Иоанны 1:1—14

 Хистӕр нӕлгоймаг+ фыссы Гаймӕ, зынаргъ ын чи у ӕмӕ зӕрдиагӕй кӕй уарзы+, уымӕ.  Мӕ уарзон+ ӕфсымӕр, ӕз кувын, цӕмӕй дын нырмӕ куыд ӕнтыст алцыдӕр+, афтӕ дын дарддӕр дӕр алцы ӕнтыса+ ӕмӕ ӕнӕниз уай+.  Ӕфсымӕртӕ куы ӕрцыдысты ӕмӕ мын, рӕстдзинадыл фидар кӕй хӕцыс, уый тыххӕй куы радзырдтой, уӕд тынг бацин кодтон. Ӕхсызгон мын у, дарддӕр дӕр рӕстдзинадмӕ гӕсгӕ кӕй цӕрыс, уый+.  Мӕ хъӕбултӕ рӕстдзинадмӕ гӕсгӕ кӕй цӕрынц, уымӕй ӕхсызгондӕр та мын цы хъуамӕ уа*!+  Мӕ уарзон ӕфсымӕр, куыд иузӕрдион дӕ, уый ӕвдисыс, ӕфсымӕртӕн+ кӕй лӕггад кӕныс, уымӕй, кӕд сӕ нӕ фӕзоныс+, уӕддӕр.  Уыцы ӕфсымӕртӕ ӕмбырды радзырдтой дӕ уарзондзинады тыххӕй. Курын дӕ, афӕндараст сӕ кӕн, Хуыцауы зӕрдӕмӕ куыд цӕуы, афтӕ+,  уымӕн ӕмӕ уыдон йӕ номы тыххӕй ацыдысты ӕмӕ иннӕ адӕмтӕй* ницы райстой+.  Гъемӕ мах хӕсджын стӕм, цӕмӕй-иу ахӕм адӕмы суазӕг кӕнӕм+, цӕмӕй рӕстдзинады суӕм ӕмкусджытӕ+.  Ӕмбырдмӕ фыстӕг ныффыстон, фӕлӕ нын Диотреф нӕ ныхӕстӕ ӕппындӕр+ ницӕмӕ дары+. Уый уарзы, цӕмӕй се ’хсӕн алы хъуыддаджы дӕр фыццаг уа+. 10  Гъемӕ уӕм куы ’рцӕуон, уӕд раргом кӕндзынӕн, нӕ фыдкой кӕнгӕйӕ+ цы хъуыддӕгтӕ аразы, уыдон+. Ӕмӕ йын уыдӕттӕ фаг не сты, фӕлӕ ма ӕфсымӕрты+ дӕр не суазӕг кӕны, стӕй, се суазӕг кӕнын кӕй фӕнды+, уыдоны дӕр нӕ уадзы+ ӕмӕ архайы, цӕмӕй сӕ ӕмбырдӕй ратӕра+. 11  Мӕ уарзон ӕфсымӕр, ӕвзӕр адӕмы нӕ, фӕлӕ хорз адӕмы фӕзм+. Хорз хъуыддӕгтӕ чи аразы, уый у Хуыцауӕй+. Ӕвзӕр хъуыддӕгтӕ чи аразы, уый Хуыцауы нӕ федта*+. 12  Ӕфсымӕртӕ се ’ппӕт дӕр Дмитрийы хорзы кой кӕнынц+, ӕмӕ афтӕ кӕй у, уый бӕрӕг у, рӕстдзинадмӕ гӕсгӕ кӕй цӕры, уымӕй дӕр. Уӕвгӕ, мах дӕр дзы уый зӕгъӕм+, ӕмӕ нӕ ныхас раст кӕй у, уый ды хорз зоныс+. 13  Дӕуӕн мӕм бирӕ зӕгъинӕгтӕ уыди, фӕлӕ мӕ нӕ фӕнды, гӕххӕттыл дӕм сӕ фыссон, уый+. 14  Ныфс мӕ ис, дӕхи дын кӕй фендзынӕн ӕмӕ кӕй фӕныхас кӕндзыстӕм+. Хуыцауы фарнӕй хайджын у!+ Не ’мбӕлттӕ* дын салӕмттӕ ӕрвитынц+. Мӕ номӕй салӕмттӕ ратт+ не ’мбӕлттӕй алкӕмӕн дӕр.

Фиппаинӕгтӕ

Комк. «уымӕй тынгдӕр бузныг цӕй тыххӕй хъуамӕ уон».
Амоны, Чырыстийыл чи не ’ууӕндыд, уыдонмӕ.
Ома нӕ базыдта.
Ам дзырд «ӕмбӕлттӕ» амоны чырыстон ӕфсымӕртӕ ӕмӕ хотӕм.