Сӕйраг ӕрмӕгмӕ рахиз

Сӕргӕндтӕм рахиз

Йегъовӕйы Ӕвдисӕнтӕ

Ӕвзаг равзар ирон

2 Фессалоникӕгтӕм 2:1—17

2  Нӕ Хицау Йесо Чырыстийы ’рцыды*+ тыххӕй ӕмӕ кӕй ӕрӕмбырд уыдзыстӕм, цӕмӕй йемӕ уӕм+, уый тыххӕй та уӕ, не ’фсымӕртӕ, курӕг стӕм:  ма бауадзут, цӕмӕй уӕ зонд ӕвиппайды сдзӕгъӕлтӕ уа ӕмӕ сагъӕсты бахауат ахӕм хъуыдытӕй, Йегъовӕйы бон+ ӕрцыд, зӕгъгӕ, фӕнды пехуымпар-ныхас+ уӕд, фӕнды, загъд уын цы уыд, уый+, фӕнды, мах номӕй фыст кӕй хонынц, ахӕм фыстӕг+.  Мачи уӕ мацы ӕгъдауӕй фӕсайӕд, уымӕн ӕмӕ уыцы бон не ’рцӕудзӕн, цалынмӕ, раст дин чи ныууагъта*, ахӕмтӕ нӕ фӕзыной+ ӕмӕ, фыдхъуыддӕгтӕ чи кӕны, уыцы адӕймаг+, сафинаг чи у, уый+, нӕ раргом уа+, уӕдмӕ.  Уыцы адӕймаг цӕуы ныхмӕ+ ӕмӕ йӕхи ӕвӕры, «хуыцау» кӕйдӕриддӕр хонынц науӕд цӕмӕн кувынц, уыдонӕй уӕлдӕр. Гъемӕ Хуыцауы кувӕндоны ӕрбаддзӕн ӕмӕ йӕхи хондзӕн хуыцау+.  Нӕ йӕ хъуыды кӕнут, уемӕ ма куы уыдтӕн, уӕд уын кӕй дзырдтон адӕтты тыххӕй?+  Уӕдӕ йӕ ныр зонут, цы+ йӕ уромы+. Уымӕ гӕсгӕ уый раргом уыдзӕн, йӕ рӕстӕг куы ’рцӕуа, уӕд+.  Уӕвгӕ, уыцы фыдхъуыддӕгты сусӕгдзинад райдыдта йӕ куыст кӕнын+. Фӕлӕ уый сусӕгдзинад уыдзӕн, ныртӕккӕ йӕ чи уромы, уый куы нал уа, ӕрмӕстдӕр уӕдмӕ+.  Ӕмӕ уӕд уыцы фыдгӕнӕг* раргом уыдзӕн, ӕмӕ йӕ нӕ Хицау Йесо йӕ комытӕфӕй амардзӕн+ ӕмӕ йӕ фесафдзӕн, кӕй ӕрцыд*+, уый куы раргом уа, уӕд+.  Фӕлӕ уыцы фыдгӕнӕг куы фӕзына*, уӕд уый уыдзӕн Сайтаны къухӕй+ хъомысджын хъуыддӕгтимӕ, мӕнг нысӕнттимӕ, диссӕгтимӕ+ 10  ӕмӕ алы хӕрам ӕмӕ сайӕн митимӕ+. Ӕппӕт уыдӕттӕ уыдзысты, сӕфты фӕндагыл чи ис, уыдонӕн+. Сӕфты фӕндагыл та сты, кӕй фӕрцы фервӕзтаиккой, уыцы рӕстдзинад*+ кӕй нӕ бауарзтой+, уый тыххӕй. 11  Ӕмӕ уымӕ гӕсгӕ Хуыцау дӕр бауагъта, цӕмӕй рӕдыд зондыл цӕуой ӕмӕ афтӕмӕй гӕдыныхӕстыл ӕууӕндой+, 12  ӕмӕ се ’ппӕт дӕр тӕрхонгонд ӕрцӕуой, рӕстдзинадыл кӕй нӕ баууӕндыдысты+, фӕлӕ хӕрам хъуыддӕгтӕ сӕ зӕрдӕйӕн ӕхсызгон кӕй уыдысты+, уый тыххӕй. 13  Фӕлӕ сымах тыххӕй, не ’фсымӕртӕ, Йегъовӕйӕн уарзон адӕм, мах хъуамӕ алкӕддӕр Хуыцауӕн бузныг дзурӕм, уымӕн ӕмӕ уӕ Хуыцау райдианы равзӕрста+ ирвӕзындзинадӕн, йӕ сыгъдӕг тыхӕй*+ уӕ кӕй ссыгъдӕг кодта+ ӕмӕ рӕстдзинадыл кӕй ӕууӕндут+, уый фӕрцы. 14  Мах цы хорз хабар хъусын кӕнӕм+, уый руаджы уӕ ӕрхуыдта уыцы ирвӕзындзинадмӕ, цӕмӕй хайджын уат нӕ Хицау Йесо Чырыстийы кадӕй+. 15  Гъемӕ уӕдӕ, не ’фсымӕртӕ, фидар лӕуут+ ӕмӕ дарддӕр дӕр хӕцут, загъд уын цы уыд кӕнӕ уын фыстӕджы цы*+ бацамыдтам, уыдӕттыл. 16  Ӕмӕ уын уадз ӕмӕ нӕ Хицау Йесо Чырысти йӕхӕдӕг ӕмӕ нӕ Фыд Хуыцау, мах чи бауарзта+ ӕмӕ нын йе стыр хорзӕхы фӕрцы ӕнӕкӕрон удӕнцой ӕмӕ диссаджы ныфс+ чи радта, уыцы Хуыцау, 17  уӕ зӕрдӕтӕ барӕвдауӕнт ӕмӕ уӕ бафидар кӕнӕнт, цӕмӕй алкӕддӕр аразат ӕмӕ дзурат, хорз цы у, уый+.

Фиппаинӕгтӕ

Грекъ. паруси́а. Кӕс Уӕлӕмх. 12.
Кӕнӕ «ныхмӕ чи рацыд».
Кӕнӕ «закъонхалӕг».
Грекъ. паруси́а. Кӕс Уӕлӕмх. 12.
Грекъ. паруси́а. Кӕс Уӕлӕмх. 12.
Кӕнӕ «ӕцӕгдзинад».
Кӕнӕ «сыгъдӕг удӕй» – грекъ. пне́вма. Кӕс Уӕлӕмх. 7.
Комк. «цы ӕгъдӕуттӕ».