Сӕйраг ӕрмӕгмӕ рахиз

Сӕргӕндтӕм рахиз

Йегъовӕйы Ӕвдисӕнтӕ

Ӕвзаг равзар ирон

2 Самуилы 22:1—51

22  Йегъовӕ Давиды йе ’ппӕт знӕгты къухӕй+ ӕмӕ Саулы къухӕй+ куы фервӕзын кодта, уӕд Давид Йегъовӕмӕ скуывта ацы зарӕджы ныхӕстӕй+  ӕмӕ загъта: «Йегъовӕ у мӕ айнӕг къӕдзӕх+, мӕ фидар мӕсыг+ ӕмӕ мӕ Ирвӕзынгӕнӕг+.   Мӕ Хуыцау у мӕ къӕдзӕх+. Ӕз мӕхи йе уазӕг бакӕндзынӕн. Уый у мӕ уарт+, мӕ ирвӕзындзинады сыкъа+ ӕмӕ мӕ бӕрзонд хох+. Ме ’мбӕхсӕн+ ӕмӕ мӕ Ирвӕзынгӕнӕг+. Ды мӕ фервӕзын кӕндзынӕ тыхмийӕ+.   Ӕз ӕххуысмӕ сиддзынӕн Йегъовӕмӕ, кады аккаг чи у, уымӕ+, Ӕмӕ мӕ ме знӕгтӕй фервӕзын кӕндзӕн+.   Мӕлӕтхӕссӕг знӕт уылӕнты астӕу бахаудтӕн+, Ницӕйаг адӕм мыл доны гуылфӕнтау тас бафтыдтой+.   Ингӕны* бӕндӕнтӕ мӕ сбастой+, Мӕлӕты хызтӕ ӕвӕрд уыдысты мӕ размӕ+.   Зын сахат ӕз дзынӕзтон Йегъовӕмӕ+, Ӕххуыс куырдтон мӕ Хуыцауӕй+. Уый мын йӕ кувӕндонӕй фехъуыста мӕ хъӕлӕс+, Фехъуыст ӕм мӕ дзыназын+.   Ӕмӕ зӕхх барызт, нынкъуысыд+, Базмӕлыдысты уӕлӕрвты бындуртӕ+ Ӕмӕ рызтысты, уымӕн ӕмӕ смӕсты+.   Йӕ фындзыхуынчъытӕй цыд фӕздӕг, йӕ дзыхӕй – пиллон арт, ӕмӕ ӕппӕт дӕр ныхъуырдта+. Алырдӕм дзы калд судзгӕ цӕхӕртӕ+. 10  Ӕртасын кодта арв ӕмӕ дӕлӕмӕ ӕрхызт+. Ӕмӕ саудалынг уыд йӕ къӕхты бын+. 11  Сбадт херувимыл+ ӕмӕ атахт, Фенӕн ӕй уыди зӕды базыртыл*+. 12  Йӕ алыварс цатыртау+ сӕвӕрдта талынг, Тар дӕттӕ, бӕзджын мигътӕ+. 13  Йӕ разы арв ӕрттывта ӕмӕ судзгӕ цӕхӕртӕ калдысты+. 14  Йегъовӕ уӕлӕрвтӕй ныггыбар-гыбур кодта+, Иунӕг Стыр Хуыцауы хъӕлӕс ныннӕрыд+. 15  Уый ӕхста фаттӕ, цӕмӕй сӕ алырдӕмты ныххӕлиу кодтаид+, Калдта арвы цӕхӕртӕ, цӕмӕй сдзӕгъӕлтӕ уыдаиккой+. 16  Ӕмӕ разынди денджызы бын+, Сзындысты зӕххы бындуртӕ+ Йегъовӕйы карз уайдзӕфӕй, йӕ фындзыхуынчъыты тыхджын улӕфтӕй+. 17  Бӕрзондӕй-иу йӕ къух ӕрдардта ӕмӕ-иу мӕ систа+, Систа-иу мӕ стыр дӕтты астӕуӕй+. 18  Ирвӕзын мӕ кодта тыхджын знагӕй+, Йе сӕфт мӕ чи уыны, уыдонӕй, уымӕн ӕмӕ уыдон мӕнӕй тыхджындӕр уыдысты+. 19  Бӕллӕхы куы бахаудтӕн, уӕд цыдысты мӕ ныхмӕ+, Фӕлӕ-иу Йегъовӕ мӕ фарсмӕ ӕрбалӕууыд+. 20  Ӕмӕ-иу мӕ ракодта уӕрӕх ранмӕ+, Ирвӕзын мӕ кодта, уымӕн ӕмӕ йӕ зӕрдӕйӕн уыдтӕн зынаргъ+. 21  Йегъовӕ мын арфӕ кӕны мӕ рӕстдзинадмӕ гӕсгӕ+, Мӕ къухты сыгъдӕгдзинадмӕ гӕсгӕ мын хорздзинадӕй фиды+. 22  Уымӕн ӕмӕ ӕз фидар лӕууыдтӕн Йегъовӕйы фӕндӕгтыл+, Ӕмӕ мӕ Хуыцауы нӕ ныууагътон – ахӕм фыдхъуыддаг нӕ бакодтон+. 23  Йӕ тӕрхӕттӕ+ иууылдӕр сты мӕ разы, Ӕмӕ йын йӕ закъӕттыл мӕ къух никуы сисдзынӕн+. 24  Йӕ разы уыдзынӕн ӕнаипп+, Ӕмӕ мӕхи хъахъхъӕндзынӕн рӕдыд къахдзӕфӕй+. 25  Йегъовӕ мын бафидӕд мӕ рӕстдзинадмӕ гӕсгӕ+, Йӕ цӕстыты раз куыд сыгъдӕг дӕн, уымӕ гӕсгӕ+. 26  Иузӕрдион дыл чи у, ууыл ды дӕр уыдзынӕ иузӕрдион+, Ӕнаипп адӕймагимӕ уыдзынӕ ӕнаипп+. 27  Сыгъдӕг адӕймаг фендзӕн, сыгъдӕг кӕй дӕ, уый+, Мӕнгард чи у, ууыл та хинӕй рацӕудзынӕ+. 28  Сӕрныллӕг адӕмы фервӕзын кӕндзынӕ+, Сӕрбӕрзонд чи у, уыдонӕн та ды сӕ ныхмӕ дӕ, ӕгады бынатмӕ сӕ ӕрӕппардзынӕ+. 29  Ды дӕ мӕ цырагъ, о Йегъовӕ+. Йегъовӕ мын талынджы рухс кӕны+. 30  Дӕ фӕрцы мӕ бон у абырджыты ныхмӕ рацӕуын дӕр+. Мӕ Хуыцауы фӕрцы мӕ бон у къулыл сбырын дӕр+. 31  Ӕцӕг Хуыцауы фӕндаг у ӕххӕст+. Йегъовӕйы ныхӕстӕ сты сыгъдӕг+. Уый у уарт, йӕхи йе уазӕг чи бакӕны, уыдонӕн+. 32  Чи у Хуыцау, Йегъовӕйы йеддӕмӕ?+ Чи у къӕдзӕхы хуызӕн, нӕ Хуыцауы йеддӕмӕ?+ 33  Ӕцӕг Хуыцау у мӕ фидар мӕсыг+, Уый мын слӕгъз кӕндзӕн мӕ фӕндаг+. 34  Мӕ къӕхтӕ мын фестын кӕны саджы къӕхтӕ+, Ӕмӕ мӕ слӕууын кӕны бӕрзонд рӕтты+. 35  Мӕ къухтӕ мын ахуыр кӕны хӕцын+, Ӕмӕ мӕ къухтӕ ӕркъӕдз кӕнынц ӕрхуы ӕрдын+. 36  Ды мын ратдзынӕ дӕ ирвӕзындзинады уарт+, Дӕ сӕрныллӕгдзинад мӕ бӕрзонд кӕны+. 37  Мӕ къӕхтӕн мын уӕрӕх фӕндаг скӕндзынӕ+, Ӕмӕ мӕ къах нӕ фӕцуддзӕн+. 38  Ӕз ме знӕгты фӕстейӕ асурдзынӕн, цӕмӕй сӕ бындзагъд фӕкӕнон, Ӕмӕ фӕстӕмӕ нӕ раздӕхдзынӕн, цалынмӕ сӕ нӕ ныццӕгъдон, уӕдмӕ+. 39  Ныццӕгъддзынӕн сӕ, афтӕ сӕ ныппырх кӕндзынӕн+, ӕмӕ сӕ бон сыстын нал суыдзӕн+, Ӕмӕ мӕ къӕхты бынмӕ ӕрхаудзысты+. 40  Ды мын тохы бонмӕ мӕ астӕу хъаруйӕ ӕрбалвасдзынӕ+. Мӕ ныхмӕ чи цӕуы, уыдоны мын мӕ къӕхты бынмӕ ӕрӕппардзынӕ+. 41  Ме знӕгты мын мӕ разӕй лидзӕг фӕкӕндзынӕ*+, Ӕмӕ мӕ йе сӕфт чи уыны, уыдонӕн ӕз афтӕ бакӕндзынӕн, ӕмӕ ӕнустӕм бамыр уыдзысты+. 42  Уыдон ӕххуысмӕ дзыназынц, фӕлӕ сӕ ирвӕзынгӕнӕг нӕй+, Дзыназынц Йегъовӕмӕ, фӕлӕ сын дзуапп нӕ дӕтты+. 43  Зӕххы рыг сӕ фестын кӕндзынӕн, Уынджы цъыфау сӕ байсӕрддзынӕн+. Зӕххы сӕ ныннӕмдзынӕн. 44  Ды мӕ фервӕзын кӕндзынӕ мӕ адӕмы уайдзӕфтӕй+. Ды мӕ бахъахъхъӕндзынӕ, цӕмӕй адӕмты сӕргъы слӕууон+. Цы адӕмы нӕ зыдтон, уыдон мын лӕггад кӕндзысты+. 45  Ӕндӕрбӕстӕгтӕ мӕ разы кӕндзысты зӕрдӕлхӕнӕн митӕ+. Хъусдзысты мӕм ӕмӕ мӕ коммӕ кӕсдзысты+. 46  Ӕндӕрбӕстӕгтӕм хъару нал уыдзӕн, Ӕмӕ зырзыргӕнгӕ рацӕудзысты сӕ фидӕрттӕй+. 47  Йегъовӕ у удӕгас Хуыцау+. Арфӕгонд уӕд мӕ айнӕг къӕдзӕх!+ Кад уӕд Хуыцауӕн, мӕ ирвӕзынгӕнӕг къӕдзӕхӕн!+ 48  Ӕцӕг Хуыцау у мӕ Мастисӕг+, Ӕмӕ мын адӕмты кӕны мӕ дӕлбар+. 49  Ирвӕзын мӕ кӕны ме знӕгтӕй+. Ды мӕ сисдзынӕ, мӕ ныхмӕ чи цӕуы, уыдонӕй уӕлдӕр+, Фервӕзын мӕ кӕндзынӕ тыхгӕнӕгӕй+. 50  Уый тыххӕй дын, о Йегъовӕ, адӕмты ’хсӕн арфӕ кӕндзынӕн+ Ӕмӕ дӕ номӕн зардзынӕн+. 51  Уый йӕ паддзахы ирвӕзын кӕнгӕйӕ аразы стыр хъуыддӕгтӕ+ Ӕмӕ ӕнувыд уарзтӕй уарзы йӕ сӕрст лӕггадгӕнӕджы+, Давиды, ӕмӕ йӕ байзӕддаджы – ӕнустӕм»+.

Фиппаинӕгтӕ

Комк. «Шеолы». Кӕс Уӕлӕмх. 8.
Кӕнӕ «дымгӕйы базыртыл».
Кӕнӕ «Афтӕ бакӕндзынӕ, ӕмӕ ме знӕгтӕн сӕ къӕбут уындзынӕн».