Сӕйраг ӕрмӕгмӕ рахиз

Сӕргӕндтӕм рахиз

Йегъовӕйы Ӕвдисӕнтӕ

Ӕвзаг равзар ирон

2 Коринфӕгтӕм 5:1—21

5  Мах ӕй зонӕм, нӕ зӕххон хӕдзар+, ома ацы цатыр+, нӕ буар, кӕй фехӕлдзӕн+ ӕмӕ нын Хуыцау кӕй ратдзӕн, адӕймаджы къухӕй+ конд чи нӕу, ахӕм хӕдзар, ӕнусон+ хӕдзар уӕлӕрвты.  Ацы хӕдзары мах тухӕнӕй мӕлӕм+ ӕмӕ бӕллӕм нӕ уӕларвон хӕдзары бацӕрынмӕ*+,  цӕмӕй уый мидӕг уӕм ӕмӕ бӕгънӕг ма разынӕм+.  О, мах ацы цатыры мидӕг уаргъы бын тухӕнӕй мӕлӕм. Уый тыххӕй нӕ, ӕмӕ дзы куы фервӕзиккам*, уый нӕ фӕнды, фӕлӕ нӕ фӕнды ӕндӕры бацӕрын*+, цӕмӕй цард аныхъуыра, мӕлӕты бар цӕуыл цӕуы, уый+.  Ацы хъуыддагӕн нӕ бацӕттӕ кодта Хуыцау+, ӕмӕ нӕм цы ӕнхъӕлмӕ кӕсы, уыдӕттӕ кӕй райсдзыстӕм, уый равдисынӕн уал+ нын радта йӕ сыгъдӕг тых+.  Уымӕ гӕсгӕ мах алкӕддӕр стӕм ныфсджын ӕмӕ йӕ зонӕм: цалынмӕ нӕ хӕдзар ацы буар у, уӕдмӕ нӕ Хицауимӕ нӕма стӕм+,  уымӕн ӕмӕ мах, цы уынӕм, уымӕй нӕ цӕрӕм, фӕлӕ уырнындзинадӕй+.  Фӕлӕ мах стӕм ныфсджын ӕмӕ нӕ бӕргӕ фӕндид, цӕмӕй ацы буарӕй фервӕзӕм ӕмӕ нӕ Хицаумӕ ӕрцӕрӕм+.  Уымӕ гӕсгӕ, кӕмфӕнды ма цӕрӕм,– йемӕ ӕви ӕнӕ уымӕй+,– уымӕ тырнӕм, цӕмӕй нӕ алкӕддӕр йӕ хорзӕх уа+, 10  уымӕн ӕмӕ не ’ппӕт дӕр ӕрлӕудзыстӕм Чырыстийы тӕрхоны раз+ ӕмӕ нӕ алчидӕр райсдзӕн, буары цӕргӕйӕ хорзӕй кӕнӕ ӕвзӕрӕй цы арӕзта, уымӕ гӕсгӕ+. 11  Гъемӕ уӕдӕ, нӕ Хицауӕй кӕй хъуамӕ тӕрсӕм+, уый зонгӕйӕ, мах дарддӕр дӕр архайӕм+, цӕмӕй адӕм, цы дзурӕм, ууыл баууӕндой. Нӕхӕдӕг цавӕр адӕймӕгтӕ стӕм, уый та Хуыцау зоны. Ӕмӕ мӕ ныфс ис, цавӕр адӕймӕгтӕ стӕм, уый сымах дӕр кӕй зонут*+. 12  Ногӕй та уын нӕхи нӕ амонӕм+, фӕлӕ уын дӕттӕм фадат, цӕмӕй нӕ сӕрыстыр уат+ ӕмӕ уӕ бон дзуапп раттын уа, зӕрдӕйы+ цы ис, уымӕй нӕ, фӕлӕ, адӕмы ’хсӕн цы бынат ахсынц, уымӕй+ чи у сӕрыстыр, уыдонӕн. 13  Ӕмӕ кӕд нӕ сӕрызонд фӕцыд+, уӕд уый уыд Хуыцауы номыл, кӕд нӕ сӕрызонд нӕхимӕ ис+, уӕд та – сымах пайдайӕн. 14  Мах разӕнгард кӕны Чырыстийы уарзт, уымӕн ӕмӕ афтӕ хъуыды кӕнӕм: иу адӕймаг амард се ’ппӕты тыххӕй дӕр+. Уый афтӕ уымӕн у, ӕмӕ се ’ппӕт дӕр амардысты. 15  Ӕмӕ уый амард се ’ппӕты тыххӕй дӕр, цӕмӕй, чи цӕры, уыдон сӕхицӕн мауал цӕрой+, фӕлӕ уыдоны тыххӕй чи амард ӕмӕ чи райгас+, уымӕн+. 16  Уымӕ гӕсгӕ нырӕй фӕстӕмӕ зӕххон адӕймаджы цӕстӕй никӕмӕуал кӕсӕм+. Кӕд Чырыстимӕ раздӕр зӕххон адӕймаджы цӕстӕй кастыстӕм*+, уӕд ӕм ныр ахӕм цӕстӕй нал кӕсӕм+. 17  Уӕдӕ кӕд исчи Чырыстиимӕ иудзинады ис, уӕд уый у, Хуыцау кӕй сфӕлдыста, ахӕм ног адӕймаг+. Раздӕр цы уыд, уыдӕттӕ аивгъуыдтой+, ӕмӕ фӕзынд ног+. 18  Фӕлӕ ӕппӕт дӕр у Хуыцауӕй – уый нӕ бафидауын кодта+ йӕхиимӕ Чырыстийы фӕрцы ӕмӕ нын радта фидауынгӕнӕн куыст+. 19  Ӕндӕр ныхасӕй: Хуыцау Чырыстийы фӕрцы+ дуне йӕхиимӕ+ фидауын кӕны+ ӕмӕ сӕ сӕ тӕригъӕдты тыххӕй дзуапп нӕ домы+. Фидыды хабар+ хъусын кӕнын та бахӕс кодта махӕн+. 20  Уӕдӕ мах+ стӕм минӕвӕрттӕ+ Чырыстийы бӕсты+, раст цыма Хуыцау мах дзыхӕй дзуры, афтӕ+. Ӕмӕ Чырыстийы бӕсты адӕмӕн лӕгъстӕ кӕнӕм+: «Хуыцауимӕ бафидаут». 21  Тӕригъӕд чи никуы сарӕзта+, уый Хуыцау нӕ тӕригъӕдты тыххӕй нывондӕн ӕрхаста+, цӕмӕй уый фӕрцы Хуыцауы цӕсты суӕм рӕстгӕнджытӕ+.

Фиппаинӕгтӕ

Комк. «хӕдзар нӕ уӕлӕ скӕнынмӕ».
Комк. «куы раласиккам».
Комк. «нӕ уӕлӕ ӕндӕр скӕнын».
Комк. «уый уе ’фсарм дӕр уыны».
Комк. «Чырыстийы буары зыдтам».