Сӕйраг ӕрмӕгмӕ рахиз

Сӕргӕндтӕм рахиз

Йегъовӕйы Ӕвдисӕнтӕ

Ӕвзаг равзар ирон

2 Азфыстыты 10:1—19

10  Ровоам+ ацыд Сихеммӕ+, уымӕн ӕмӕ израилӕгтӕ се ’ппӕт дӕр уым ӕрӕмбырд сты, цӕмӕй йӕ паддзахӕй сӕвӕрдтаиккой.  Наваты фырт Йеровоам+ та уыцы рӕстӕг уыд Египеты+, уымӕн ӕмӕ паддзах Соломонӕй алыгъд. Ӕмӕ уыцы хабар куы фехъуыста, уӕд уайтагъд Египетӕй ӕрыздӕхт+.  Йеровоаммӕ арвыстой, ӕрцу, зӕгъгӕ. Уый фӕстӕ Йеровоам ӕмӕ Израилы адӕм се ’ппӕт дӕр Ровоаммӕ ӕрцыдысты ӕмӕ йын загътой+:  «Дӕ фыд ныл уӕззау ӕфсондз сӕвӕрдта+, фӕлӕ ды фӕрогдӕр кӕн, дӕ фыд нӕ цы уӕззау куыстыл бафтыдта ӕмӕ ныл цы уӕззау ӕфсондз сӕвӕрдта, уый+, ӕмӕ дын лӕггад кӕндзыстӕм»+.  Уый сын загъта: «Ӕртӕ боны фӕстӕ-иу мӕм ӕрбацӕут». Гъемӕ адӕм ацыдысты.  Ӕмӕ паддзах Ровоам уынаффӕ кӕнын райдыдта+, йӕ фыд Соломонӕн чи лӕггад кодта, уыцы хистӕр лӕгтимӕ ӕмӕ сӕ бафарста: «Цы зӕгъон ацы адӕмӕн, цы мын бауынаффӕ кӕндзыстут?»+  Уыдон ын загътой: «Ацы адӕмӕн хорз куы уай, сӕ зӕрдӕ сын куы ссарай ӕмӕ семӕ фӕлмӕнӕй куы ныхас кӕнай+, уӕд дын цӕрӕнбонты лӕггад кӕндзысты»+.  Фӕлӕ паддзах Ровоам хистӕр лӕгты уынаффӕ ницӕмӕ ӕрдардта+ ӕмӕ уынаффӕ кӕнын райдыдта ӕрыгон лӕппутимӕ, йемӕ чи схъомыл+ ӕмӕ йын чи лӕггад кодта, уыдонимӕ+.  Загъта сын: «Адӕм мын афтӕ зӕгъынц: „Дӕ фыд ныл цы уӕззау уаргъ сӕвӕрдта, уый нын фӕрогдӕр кӕн“+. Ӕмӕ мын сымах та цы бауынаффӕ кӕндзыстут+, цы зӕгъӕм ацы адӕмӕн?» 10  Йемӕ чи схъомыл, уыцы лӕппутӕ йын загътой: «Афтӕ дын чи зӕгъы, дӕ фыд ныл уӕззау уаргъ сӕвӕрдта, фӕлӕ нын ӕй ды фӕрогдӕр кӕн, зӕгъгӕ, уыцы адӕмӕн зӕгъ+: „Мӕнӕн мӕ гыццыл ӕнгуылдз дӕр мӕ фыды синтӕй ставддӕр у+. 11  Мӕ фыд уыл уӕззау уаргъ сӕвӕрдта, ӕз та уын уӕ уаргъыл ноджыдӕр бафтаудзынӕн+. Мӕ фыд уӕ ӕнӕуи ехсӕй надта, ӕз та уӕ нӕмдзынӕн, сындзытӕ кӕуыл ис, ахӕм ехсӕй*“»+. 12  Йеровоам ӕмӕ адӕм иууылдӕр ӕртыккаг бон Ровоаммӕ ӕрбацыдысты, паддзах сын куыд загъта, афтӕ, ӕртыккаг бон-иу мӕм ӕрбацӕут+, зӕгъгӕ. 13  Ӕмӕ сын паддзах тызмӕгӕй дзуапп радта+. Афтӕ паддзах Ровоам хистӕр лӕгты+ уынаффӕ ницӕмӕ ӕрдардта+, 14  фӕлӕ йын ӕрыгон лӕппутӕ куыд бауынаффӕ кодтой+, афтӕ загъта адӕмӕн: «Ӕз уын уӕ уаргъ ноджы уӕззаудӕр фӕкӕндзынӕн ӕмӕ ма йыл ноджыдӕр бафтаудзынӕн. Мӕ фыд уӕ ӕнӕуи ехсӕй надта, ӕз та уӕ нӕмдзынӕн, сындзытӕ кӕуыл ис, ахӕм ехсӕй»+. 15  Паддзах адӕммӕ нӕ байхъуыста, уымӕн ӕмӕ уыцы хъуыддаг уыд ӕцӕг Хуыцауӕй+, цӕмӕй Йегъовӕ сӕххӕст кодтаид+, силомаг+ Ахийы+ уылты Наваты фырт Йеровоамӕн+ цы загъта, уый. 16  Паддзах израилӕгтӕм кӕй нӕ байхъуыста, уый тыххӕй се ’ппӕт дӕр загътой: «Цы хай нын ис Давидмӕ?+ Махӕн Йессейы фыртмӕ бынтӕ нӕй+. Израилӕгтӕ, алчидӕр уӕ фӕстӕмӕ йӕ хуыцӕуттӕм аздӕхӕд!+ Ныр дӕхи хӕдзары кой кӕн, Давид!»+ Ӕмӕ израилӕгтӕ се ’ппӕт дӕр сӕ цатыртӕм ацыдысты. 17  Израилы фырттӕй ма Ровоамы дӕлбар баззадысты, Иудӕйы горӕтты чи цард, ӕрмӕстдӕр уыдон+. 18  Иухатт паддзах Ровоам Израилы фырттӕм арвыста Гадорамы*+ – кусджыты сӕргъы чи лӕууыд, уый, фӕлӕ йӕ уыдон дуртӕй фӕхостой+, ӕмӕ амард. Паддзах Ровоам та йӕ бӕхуӕрдонмӕ сгӕпп кодта ӕмӕ Иерусалиммӕ алыгъд+. 19  Уӕдӕй абоны онг израилӕгтӕ сты Давиды хӕдзарвӕндаджы ныхмӕ+.

Фиппаинӕгтӕ

«Сындзытӕ кӕуыл ис, ахӕм ехс»-ӕй цы дзут. дзырд у тӕлмац, уый ма нысан кӕны «скорпион» дӕр, Д.з 8:15 куыд у, афтӕ.
1Пд 4:6 у «Адонирам», 1Пд 12:18 та – «Адорам».