Сӕйраг ӕрмӕгмӕ рахиз

Сӕргӕндтӕм рахиз

Йегъовӕйы Ӕвдисӕнтӕ

Ӕвзаг равзар ирон

1 Коринфӕгтӕм 4:1—21

4  Уӕдӕ нӕ адӕм нымайӕнт, Чырыстийы дӕлбар+ чи ис, ахӕм лӕггадгӕнджытыл ӕмӕ, Хуыцауы сусӕгдзинӕдтӕ+ кӕй бар+ сты, уыдоныл.  Ӕмӕ ахӕм стыр хъуыддаг кӕй бар+ бакодта, уыдон та хъуамӕ уой иузӕрдион+.  Ныр мын сымах кӕнӕ адӕмы тӕрхондон кӕй хъуамӕ тӕрхон кӕна, ууыл та хъуыды дӕр нӕ кӕнын+. Ӕз мӕхӕдӕг дӕр мӕхицӕн нӕ тӕрхон кӕнын.  Мӕнӕн мӕ цӕсгом сыгъдӕг у+. Фӕлӕ уӕддӕр уымӕй рӕстгӕнӕг нӕ фестадтӕн – Йегъовӕ мын у тӕрхонгӕнӕг+.  Уӕдӕ афонӕй раздӕр, цалынмӕ нӕ Хицау не ’рцӕуа, уӕдмӕ+, тӕрхон мацӕмӕн кӕнут+. Уый талынджы ӕмбӕхст хъуыддӕгтӕ хурмӕ рахӕсдзӕн+ ӕмӕ адӕмӕн сӕ зӕрдӕты фӕндтӕ раргом кӕндзӕн+. Ӕмӕ уӕд алкӕмӕн дӕр Хуыцауӕй уыдзӕн, цы кад ӕм ӕмбӕлы, уый+.  Ме ’фсымӕртӕ, мӕхи ӕмӕ Аполлосы+ цӕвиттонӕн ӕрхӕсгӕйӕ, адӕттӕ дзурын уӕ пайдайӕн, цӕмӕй сахуыр уат иу хъуыддагыл: «Фыст цы у, уый сӕрты ма хизут»+, цӕмӕй иуты иннӕтӕй хуыздӕр ма хонат+ ӕмӕ уӕ сӕр бӕрзӕндты ма хӕссат+.  Кӕй фӕрцы хицӕн кӕныс+ иннӕмӕй? Цыдӕриддӕр дӕм ис, уый дын Хуыцау нӕ радта?+ Ӕмӕ дын ӕй кӕд Хуыцау радта+, уӕд та дӕхицӕй цы ӕппӕлыс+, цыма дын дӕхи хъаруйы фӕрцы ис?  Ау, цух ницӕмӕйуал стут? Ныридӕгӕн хъӕздыг стут?+ Ныридӕгӕн паддзӕхтӕ+ систут ӕнӕ махӕй? Бӕргӕ, куы суыдаиккат паддзӕхтӕ, уымӕн ӕмӕ уӕд мах дӕр уемӕ паддзӕхтӕ уаиккам+.  Афтӕ мӕм кӕсы, ӕмӕ мах, апостолты, Хуыцау ӕппӕты фӕстаг ракодта се ’ппӕты размӕ+, цыма нын мӕлӕты тӕрхон ӕрцыд хаст, уыйау+, уымӕн ӕмӕ нӕм ӕгас дуне, зӕдтӕ+ дӕр ӕмӕ адӕм+ дӕр, кӕсынц диссагмӕ* кӕсӕгау+. 10  Чырыстийы фӕдыл кӕй цӕуӕм, уый тыххӕй мах нымайынц ӕнӕзӕндтыл+, сымах та уӕхи нымайут зондджынтыл+, Чырыстийы фӕдыл кӕй цӕут, уый фӕрцы. Мах лӕмӕгъ стӕм+, сымах та – тыхджын+. Сымах адӕмы цӕсты кадджын стут+, мах та – ӕгад+. 11  Суанг нырмӕ дӕр ӕххормаг+ ӕмӕ дойны+ ӕййафӕм, нӕ уӕлӕ цы скӕнӕм, уый нын нӕй+, нӕмынц нӕ+, хӕдзар дӕр нын нӕй+, 12  фыдӕбон кӕнӕм+, кусӕм нӕхи къухтӕй+. Ӕлгъитынц нӕ – мах сын арфӕ кӕнӕм+, ӕфхӕрынц нӕ – уӕддӕр быхсӕм+; 13  нӕ фыдкой кӕнынц – уӕддӕр семӕ фӕлмӕнӕй ныхас кӕнӕм+. Абоны онг дӕр нӕ нымайынц дунейӕн йӕ быроныл, йӕ уӕлдӕйттыл+. 14  Адӕттӕ уӕм уый тыххӕй нӕ фыссын, цӕмӕй уӕм худинаг ӕркӕса, фӕлӕ уын мӕ уарзон хъӕбултау зонд амонын+. 15  Чырыстон фӕндагыл уын хъомылгӕнджытӕ*+ дӕс мины дӕр куы уа, уӕддӕр уын фыды+ хуызӕн чи уа, ахӕмтӕ бирӕ нӕй – Йесо Чырыстиимӕ иудзинады уын ӕз сдӕн фыды хуызӕн, хорз хабар уӕм кӕй ӕрхастон, уый фӕрцы+. 16  Ӕмӕ уын уымӕ гӕсгӕ лӕгъстӕ кӕнын: мӕн бафӕзмут+. 17  Тимофейы дӕр уӕм уый тыххӕй ӕрвитын+, ӕмӕ уый у мӕ уарзон ӕмӕ мӕ иузӕрдион хъӕбул+ нӕ Хицауы хъуыддаджы. Уый уын уӕ зӕрдыл ӕрлӕууын кӕндзӕн, Йесо Чырыстийӕн кусгӕйӕ алцыдӕр куыд аразын+ – алы ран дӕр, алы ӕмбырды дӕр куыд амонын, уый. 18  Сымахӕй чидӕртӕ афтӕ хъуыды кӕнынц, ӕмӕ уӕм не ’рцӕудзынӕн, ӕмӕ уый тыххӕй сӕ сӕр бӕрзӕндты хӕссынц+. 19  Фӕлӕ кӕд Йегъовӕйы фӕнда+, уӕд уӕм тагъд рӕстӕджы ӕрцӕудзынӕн. Ӕмӕ, йӕ сӕр бӕрзӕндты чи хӕссы, уыдонӕн сӕ ныхӕстӕм нӕ хъусдзынӕн, фӕлӕ йӕ базондзынӕн, Хуыцауы тыхӕй хайджын сты ӕви нӕ, 20  уымӕн ӕмӕ, Хуыцауы паддзахад ӕцӕг кӕй у, уый ныхӕстӕй нӕу бӕрӕг, фӕлӕ, адӕймаг Хуыцауы тыхӕй хайджын кӕй у, уымӕй+. 21  Уӕдӕ уӕ куыд фӕнды? Хъилимӕ уӕм ӕрцӕуон+ ӕви уарзондзинад ӕмӕ фӕлмӕн зӕрдӕйы уагимӕ?+

Фиппаинӕгтӕ

Комк. «театрмӕ».
«Хъомылгӕнӕг» – комк. «педагог» кӕнӕ «сывӕллоны чи кӕны, уый». Уый уыд, сывӕллонмӕ-иу чи каст ӕмӕ-иу ӕй чи хъахъхъӕдта, уый.