Сӕйраг ӕрмӕгмӕ рахиз

Сӕргӕндтӕм рахиз

Йегъовӕйы Ӕвдисӕнтӕ

Ӕвзаг равзар ирон

1 Коринфӕгтӕм 10:1—33

10  Уый мӕ фӕнды, ме ’фсымӕртӕ, цӕмӕй йӕ зонат, нӕ фыдӕлтӕн се ’ппӕты сӕрмӕ дӕр кӕй уыди мигъ+ ӕмӕ се ’ппӕт дӕр кӕй ахызтысты денджызыл+.  Ӕмӕ сӕ сӕрмӕ мигъ куы уыд ӕмӕ денджызыл куы фӕцӕйхызтысты, уӕд се ’ппӕт дӕр райстой аргъуыд ӕмӕ баиу сты Моисеимӕ+,  ӕмӕ се ’ппӕт дӕр хордтой уыцы иу хӕринаг – лӕвӕрдта сын ӕй Хуыцау+,  ӕмӕ се ’ппӕт дӕр нызтой уыцы иу нуазинаг – лӕвӕрдта сын ӕй Хуыцау+. Уыдон нызтой, сӕ фӕстӕ чи цыд, уыцы къӕдзӕхӕй+ – уый дӕр сын радта Хуыцау, ӕмӕ уыцы къӕдзӕх+ ӕвдыста Чырыстийы+.  Фӕлӕ уӕддӕр Хуыцау сӕ фылдӕрӕй райгонд нӕ уыд+, ӕмӕ ӕдзӕрӕг быдыры фӕцагъды сты+.  Уыцы хабӕрттӕ махӕн сты цӕвиттон, цӕмӕй уыдонау нӕ зӕрдӕтӕ ӕвзӕрдзинад ма агурой+.  Ма суӕм мӕнгхуыцӕуттӕн кувджытӕ дӕр, уыдонӕй иуӕй-иутӕ куыд систы, афтӕ+. Фыст дӕр афтӕ у: «Адӕм ӕрбадтысты хӕрыныл ӕмӕ нуазыныл, стӕй сыстадысты ӕмӕ хъазт сарӕзтой»+.  Ма бафтӕм хӕтындзинадыл, уыдонӕй чидӕртӕ куыд хӕтыдысты, афтӕ+ – уый тыххӕй дзы иу боны мидӕг фӕмард дыууын ӕртӕ мины+.  Ӕмӕ Йегъовӕйы ма фӕлварӕм+, уыдонӕй йӕ чидӕртӕ куыд фӕлвӕрдтой, афтӕ+ – уый тыххӕй сыл кӕлмытӕ хӕцыдысты+, ӕмӕ фӕцагъды сты. 10  Уӕдӕ хъуыр-хъуыр дӕр ма кӕнӕм, уыдонӕй чидӕртӕ куыд хъуыр-хъуыр кодтой, афтӕ+ – уый тыххӕй зӕды къухӕй фӕцагъды сты+. 11  Цы хабӕрттӕ сыл ӕрцыд, уыдон та сты цӕвиттонтӕ, ӕмӕ фыст ӕрцыдысты, цӕмӕй дзы мах, ацы дуджы*+ кӕрон чи цӕры, уыдон, нӕхицӕн зонд райсӕм+. 12  Уӕдӕ афтӕ чи хъуыды кӕны, ӕмӕ фидар лӕууы, уый йӕхимӕ кӕсӕд, цӕмӕй ма ахауа+. 13  Сымах цы фӕлварӕнты бахаут, уыдоны иннӕ адӕм дӕр бахауынц+. Фӕлӕ Хуыцау иузӕрдион+ у, ӕмӕ нӕ бауадздзӕн, цӕмӕй бахауат, уӕ бон бафӕразын кӕй нӕ бауа+, ахӕм фӕлварӕны, фӕлӕ уын фӕлварӕны, цы бакӕнӕн ис, уый дӕр бацамондзӕн+, цӕмӕй йӕ сфӕразат. 14  Уымӕ гӕсгӕ, мӕ уарзон ӕфсымӕртӕ, мӕнгхуыцӕуттӕн кувынӕй+ дард лидзут+. 15  Ӕз уемӕ ныхас кӕнын, ӕмбаргӕ+ адӕмимӕ куыд ныхас кӕнай, афтӕ. Гъеныр, цы зӕгъын, ууыл уӕхӕдӕг ахъуыды кӕнут. 16  Цы арфӕйы нуазӕнӕн+ арфӕ кӕнӕм, уый ууыл дзурӕг нӕу, ӕмӕ нын Чырыстийы туг хорздзинӕдтӕ кӕй хӕссы? Ӕмӕ цы дзул ӕрсӕттӕм+, уый ууыл дзурӕг нӕу, ӕмӕ нын Чырыстийы буар хорздзинӕдтӕ кӕй хӕссы?+ 17  Ӕмӕ дзул иу кӕй у, уымӕ гӕсгӕ мах дӕр стӕм иу буар+, кӕд бирӕ стӕм+, уӕддӕр, уымӕн ӕмӕ не ’ппӕт дӕр уыцы иу дзулӕй хӕрӕм+. 18  Акӕсут-ма зӕххон Израилмӕ+: нывӕндтӕй чи хӕры, уыдонӕн нывондхӕссӕнимӕ иумӕ нывӕндтӕй хай нӕ вӕййы?+ 19  Ӕмӕ уӕд цы зӕгъон? Мӕнгхуыцӕуттӕн цы снывонд кӕнынц, уый исты у, кӕнӕ мӕнгхуыцау исты у?+ 20  Нӕ, ӕз уый зӕгъын, ӕмӕ иннӕ адӕмтӕ цы нывӕндтӕ хӕссынц, уыдон Хуыцауӕн нӕ хӕссынц, фӕлӕ хӕйрӕджытӕн+. Мӕн та нӕ фӕнды, цӕмӕй уын хӕйрӕджытимӕ иумӕйагӕй исты уа+. 21  Уый гӕнӕн нӕй, ӕмӕ Йегъовӕйы нуазӕнӕй дӕр нуазат+ ӕмӕ хӕйрӕджыты нуазӕнӕй дӕр. Уый гӕнӕн нӕй, ӕмӕ «Йегъовӕйы фынгӕй дӕр хӕрат»+ ӕмӕ хӕйрӕджыты фынгӕй дӕр. 22  Ӕви «Йегъовӕйы мӕсты кӕнынмӕ хъавӕм»?+ Мыййаг, мах уымӕй тыхджындӕр стӕм?+ 23  Алцы кӕныны бар дӕр ис, фӕлӕ алцы пайда нӕу+. Алцы кӕныны бар дӕр ис+, фӕлӕ алцы нӕ фидар кӕны+. 24  Уӕдӕ алчидӕр хъуыды кӕнӕд иннӕйы пайдайыл+, йӕхи пайдайыл нӕ, фӕлӕ+. 25  Дзидзайы базары цыдӕриддӕр уӕй кӕнынц, уый хӕрут+ ӕнӕ рафӕрс-бафӕрсӕй, уе ’фсарм сыгъдӕг уӕд, афтӕмӕй+, 26  уымӕн ӕмӕ «Йегъовӕйы у+ зӕхх ӕмӕ йыл цыдӕриддӕр ис, уый»+. 27  Ӕнӕуырнджытӕй уӕ исчи куы фӕхона ӕмӕ йӕм цӕуынвӕнд куы скӕнат, уӕд уын уӕ разы цыдӕриддӕр ӕрӕвӕра, уый-иу бахӕрут ӕнӕ рафӕрс-бафӕрсӕй+, уе ’фсарм сыгъдӕг уӕд, афтӕмӕй+. 28  Фӕлӕ уын исчи афтӕ куы зӕгъа, зӕгъгӕ, ай нывондӕн хаст уыд, уӕд дзы ма бахӕрут, чи уын ӕй загъта, уыцы адӕймаджы тыххӕй ӕмӕ ӕфсармыл хъуыдыгӕнгӕйӕ дӕр+. 29  «Ӕфсарм» зӕгъгӕйӕ ӕз уе ’фсармы кой нӕ кӕнын, фӕлӕ иннӕ адӕймаджы ӕфсармы кой. Мӕ сӕрибардзинадӕн кӕйдӕр ӕфсарм тӕрхонгӕнӕг цӕмӕн хъуамӕ уа?+ 30  Кӕд исты хӕргӕйӕ Хуыцауӕн бузныг фӕзӕгъын, уӕд, бузныг цӕй тыххӕй фӕзӕгъын, уый тыххӕй исчи мӕ фыдкой цӕмӕн хъуамӕ кӕна?+ 31  Уӕдӕ хӕргӕ кӕнат, нуазгӕ кӕнат ӕви ӕндӕр исты аразат,– алцыдӕр аразут Хуыцауы кадӕн+. 32  Къуылымпыйы хос* ма ут+ мадӕр дзуттӕгтӕн, мадӕр грекъӕгтӕн, мадӕр Хуыцауы ӕмбырдӕн, 33  ӕз дӕр алы хъуыддаджы алкӕй зӕрдӕ куыд ӕлхӕнын+, афтӕ – ӕз мӕхи пайдайыл нӕ хъуыды кӕнын+, фӕлӕ бирӕты пайдайыл, цӕмӕй фервӕзой+.

Фиппаинӕгтӕ

Кӕнӕ «цардӕвӕрды».
Комк. «Цӕлхдур».