Сӕйраг ӕрмӕгмӕ рахиз

Сӕргӕндтӕм рахиз

Йегъовӕйы Ӕвдисӕнтӕ

Ӕвзаг равзар ирон

Филиппӕгтӕм 1:1—30

1  Павел ӕмӕ Тимофей, Йесо Чырыстийы цагъартӕ+,– фыстӕг, Филиппты+ Йесо Чырыстиимӕ иудзинады чи ис, ӕппӕт уыцы сыгъдӕджытӕм, стӕй ӕмбырды цӕстдарджытӕм ӕмӕ кӕстӕриуӕггӕнӕг ӕфсымӕртӕм+.  Нӕ Фыд Хуыцауы ӕмӕ нӕ Хицау Йесо Чырыстийы стыр хорзӕх ӕмӕ фарнӕй хайджын ут+.  Куы уыл фӕхъуыды кӕнын+, уӕд алкӕддӕр Хуыцауӕн бузныг фӕзӕгъын.  О, бузныг фӕзӕгъын, алы хатт дӕр уе ’ппӕты тыххӕй зӕрдиагӕй куы фӕкувын, уӕд+. Ӕз сымах тыххӕй цингӕнгӕйӕ фӕкувын,  уымӕн ӕмӕ, хорз хабар цы бон фехъуыстат, уыцы бонӕй абоны онг хорз хабар хъусын кӕныны хъуыддагӕн ӕххуыс кӕнут+.  Фидарӕй мӕ уырны, уе ’хсӕн хорз хъуыддаг чи райдыдта, уыцы Хуыцау ӕй Йесо Чырыстийы боны ӕрцыдмӕ+ кӕронмӕ кӕй ахӕццӕ кӕндзӕн+.  Мӕнӕн уе ’ппӕты тыххӕй дӕр афтӕ ӕмбӕлы хъуыды кӕнын, уымӕн ӕмӕ сымах стут мӕ зӕрдӕйы+ ӕмӕ уе ’ппӕт дӕр мемӕ иумӕ хайджын стут+ Хуыцауы стыр хорзӕхӕй: мемӕ стут ахсты*+ дӕр, хорз хабары сӕрыл тохы*+ дӕр ӕмӕ, хорз хабар хъусын кӕныны хъуыддаг закъонмӕ гӕсгӕ ӕрфидар кӕныныл+ куы фӕархайын, уӕд дӕр.  Хуыцау ӕвдисӕн, Йесо Чырыстийау уӕ фӕлмӕн уарзтӕй кӕй уарзын+ ӕмӕ уӕ фенынмӕ куыд тынг бӕллын.  Ӕмӕ ӕдзухдӕр уый тыххӕй фӕкувын, цӕмӕй уӕ уарзондзинад фылдӕрӕй-фылдӕр кӕна+, уыимӕ бӕлвырдӕй зонат+ ӕмӕ хорз ӕмбарат+, цы у Хуыцауы фӕндон, 10  цӕмӕй-иу, ахсджиагдӕр цы у, уый сбӕлвырд кӕнат+. Уӕд уӕм Чырыстийы боны онг фау ӕрхӕссӕн ницӕмӕй уыдзӕн+ ӕмӕ иннӕтӕн цӕлхдур нӕ уыдзыстут+, 11  стӕй Йесо Чырыстийы фӕрцы уӕ бон уыдзӕн рӕстдзинады хъӕздыг тыллӕг дӕттын+, ӕмӕ уымӕй Хуыцауы кадджын кӕндзыстут ӕмӕ йӕ бӕрзонд кӕндзыстут+. 12  Ме ’фсымӕртӕ, фӕнды мӕ, цӕмӕй йӕ зонат, цы уавӕрты бахаудтӕн, уыдон ма хорз хабар+ хъусын кӕнынӕн ӕххуыс дӕр кӕй фесты. 13  Чырыстийы тыххӕй ахст+ кӕй дӕн, уый базыдтой+ Ромы паддзахы хъахъхъӕнӕг ӕфсады иууылдӕр, стӕй иннӕ адӕм се ’ппӕт дӕр+. 14  Ӕмӕ, нӕ Хицауӕн чи лӕггад кӕны, уыцы ӕфсымӕртӕн сӕ фылдӕрӕн, ӕз ахст кӕй дӕн, уый фӕрцы сӕ ныфсыл ныфс бафтыд ӕмӕ Хуыцауы ныхас ноджы уӕндондӕрӕй дзурынц – ницӕмӕй тӕрсынц+. 15  Раст у, Чырыстийы тыххӕй чидӕртӕ фырхӕлӕгӕй ӕмӕ кадмондагӕй дзурынц+, фӕлӕ иннӕтӕ та уый аразынц сыгъдӕгзӕрдӕйӕ+. 16  Фӕстӕгтӕ Чырыстийы тыххӕй дзурынц уарзгӕйӕ, уымӕн ӕмӕ йӕ зонынц, ӕз хорз хабары сӕрыл тох кӕнынӕн+ нысангонд кӕй дӕн. 17  Иннӕтӕ та уый сыгъдӕгзӕрдӕйӕ нӕ аразынц, фӕлӕ сты загъдуарзаг+, ӕмӕ архайынц, цӕмӕй, цалынмӕ ахст дӕн, уӕдмӕ мын зындзинӕдтӕ+ бавзарын кӕной. 18  Ӕмӕ уый цӕмӕ ӕркодта? Куыдфӕнды ма аразой уыцы хъуыддаг,– цӕстмӕ+ ӕви зӕрдиагӕй,– Чырыстийы тыххӕй хъуыстгонд цӕуы+, ӕмӕ ӕз ууыл цин кӕнын. Ӕмӕ дарддӕр дӕр цин кӕндзынӕн, 19  уымӕн ӕмӕ йӕ зонын: уӕ зӕрдиаг куывдтыты+ фӕрцы ӕмӕ, Йесо Чырысти цы сыгъдӕг тыхӕй у хайджын, уымӕй кӕй схайджын уыдзынӕн+, уый фӕрцы фервӕздзынӕн. 20  Ӕз зӕрдиагӕй ӕнхъӕлмӕ дӕр уымӕ кӕсын+ ӕмӕ мӕ ныфс+ дӕр ис, кӕй ницӕмӕй фӕхудинаг уыдзынӕн+, фӕлӕ ныфсджынӕй кӕй хъусын кӕндзынӕн+ ӕмӕ, нырмӕ куыд уыди, афтӕ ныр дӕр Чырысти мӕ*+ фӕрцы кӕй скадджын уыдзӕн – кӕнӕ мӕ цардӕй, кӕнӕ мӕ мӕлӕтӕй+. 21  Ӕз та, кӕд цӕрын, уӕд цӕрын Чырыстийы+ тыххӕй, ӕмӕ кӕд амӕлон+, уӕд мын уый дӕр уыдзӕн хорзӕх. 22  Кӕд ацы зӕххон буары мидӕг цӕрон, уӕд ма мӕ куыст ноджы фылдӕр тыллӕг ратдзӕн+ – фӕлӕ дзы цы равзарин, уый уын уӕддӕр нӕ дзурын. 23  Иу дӕр мӕ ӕлвасы йӕхимӕ ӕмӕ иннӕ дӕр+. Мӕн фӕнды, цӕмӕй ссӕрибар уон ӕмӕ уон Чырыстиимӕ+, уымӕн ӕмӕ уый, ай-гъай дӕр, бирӕ хуыздӕр у+. 24  Фӕлӕ уал ацы зӕххон буары цӕргӕйӕ баззайон, уый та сымахӕн у хуыздӕр+. 25  Мӕн фидарӕй уырны, афтӕ кӕй у, ӕмӕ йӕ уымӕ гӕсгӕ зонын, нырма уал кӕй баззайдзынӕн+ ӕмӕ уе ’ппӕтимӕ кӕй уыдзынӕн, цӕмӕй размӕ цӕуат+ ӕмӕ уӕ уырнындзинады фӕрцы уӕ циндзинад фылдӕр кӕна, 26  ӕмӕ та иннӕ хатт дӕр уемӕ куы уон*, уӕд цӕмӕй мӕ фӕрцы Йесо Чырыстиимӕ иудзинады уӕ зӕрдӕ цинӕй байдзаг уа. 27  Ӕрмӕст афтӕ цӕрут, уӕ цард Чырыстийы тыххӕй хорз хабары аккаг куыд уа+, цӕмӕй, ӕрцӕуон уӕм ӕмӕ уӕ фенон ӕви уемӕ ма уон, уӕддӕр сымах тыххӕй хъусон, ӕмзондӕй фидар кӕй лӕуут, хорз хабарӕй чи цӕуы, уыцы уырнындзинады сӕрыл ӕмзӕрдӕйӕ*+, фӕрсӕй-фӕрстӕм кӕй тох кӕнут 28  ӕмӕ, уӕ ныхмӕ чи цӕуы, уыдонӕй ӕппындӕр кӕй нӕ тӕрсут+. Уыдонӕн ӕппӕт уыдӕттӕ сты се сӕфты нысан, сымахӕн та – ирвӕзындзинады нысан+. Ӕмӕ афтӕ кӕй у, уый ӕвдисы Хуыцау, 29  уымӕн ӕмӕ уӕм ӕрмӕст уыцы кад не ’рхауд, цӕмӕй Чырыстийыл баууӕндат+, фӕлӕ ма цӕмӕй уый тыххӕй зындзинӕдтӕ дӕр бавзарат+. 30  Сымах мӕн тохгӕнгӕ федтат, ӕмӕ куыд тох кӕнын, уый тыххӕй ныр дӕр хъусут+, ӕмӕ сымахӕн дӕр уӕ тох ахӕм у+.

Фиппаинӕгтӕ

Комк. «рӕхысты». Кӕс 13, 14, 17 ст. дӕр.
Ӕвӕц., тӕрхондоны.
Комк. «мӕ буары».
Грекъ. паруси́а. Кӕс Уӕлӕмх. 12.
Комк. «иу удӕй».