Сӕйраг ӕрмӕгмӕ рахиз

Сӕргӕндтӕм рахиз

Йегъовӕйы Ӕвдисӕнтӕ

Ӕвзаг равзар ирон

Соломоны зарӕг 8:1—14

8  Тӕхуды, ӕмӕ ме ’фсымӕр куы уаис+, мӕ мад дзидзи кӕмӕн дардта, уый!+ Уынджы дыл куы фембӕлин, уӕд дын фӕпъатӕ кӕнин+, ӕмӕ мыл ничи фӕхудид.  Мемӕ дӕ акӕнин, бакӕнин дӕ мӕ мады хӕдзармӕ+, зонд мын чи амыдта, уый хӕдзармӕ. Авӕрин дын хӕрздӕф сӕн+ ӕмӕ ноглӕмӕрст гранатты дон.  Йӕ галиу къух уаид мӕ сӕры бын, йӕ рахиз къухӕй та мӕ ӕрбахъӕбыс кӕнид+.  О Иерусалимы чызджытӕ, расомы мын кӕнут, кӕй нӕ архайдзыстут мӕ риуы уарзт райхъал кӕныныл, мӕ риуы уарзты зынг ссудзыныл, уымӕн ӕмӕ йӕ нӕ фӕнды ссудзын»+.  «Чи у дӕлӕ уыцы сылгоймаг+, ӕдзӕрӕг быдыры ’рдыгӕй+ йӕ уарзоны ӕрбахъӕбысгӕнгӕ чи ссӕуы, уый?»+ «Ӕз дӕ фӕткъуыбӕласы бын райхъал кодтон. Уым тухӕнтӕ кодта дӕ мад. Уым дӕ ныййардта тухӕнтӕ кӕнгӕйӕ+.  Дӕ зӕрдӕйыл мӕ мыхуырау сӕвӕр+, мыхуырау мӕ сӕвӕр дӕ къухыл, уымӕн ӕмӕ уарзт у мӕлӕтау тыхджын+, ингӕнау* у ӕнӕбасӕтгӕ – домы, цӕмӕй ӕрмӕстдӕр ууыл уай иузӕрдион+. Уарзты цӕхӕртӕ сты арты цӕхӕртӕ, Йагъы*+ пиллон арт.  Уарзты зынг бирӕ дӕттӕ дӕр нӕ ахуыссын кӕндзысты+, цӕугӕдӕттӕ дӕр ӕй нӕ аласдзысты+. Адӕймагмӕ зынаргъӕй цы ис, уыдон иууылдӕр куы дӕттид уарзондзинады тыххӕй, уӕддӕр ын сӕ нӕ бакомиккой».  «Ис нын гыццыл хо+, риутӕ дӕр ыл нӕма ис. Дзурджытӕ йыл куы фӕзына, уӕд ын куыд кӕндзыстӕм?»  «Кӕд къул уа+, уӕд ыл ӕвзистӕй цъуппытӕ скӕндзыстӕм. Кӕд дуар уа+, уӕд та йӕ кедры фӕйнӕгӕй сӕхгӕндзыстӕм». 10  «Ӕз дӕн къул, мӕ риутӕ – мӕсгуытӕ+. Ӕмӕ йӕ уый дӕр уыны, мӕ зӕрдӕ кӕй у сабыр. 11  Соломонӕн Ваал-Гамоны уыди сӕнӕфсирдон+. Уый йӕ сӕнӕфсирдон радта кусджытӕм+. Алчидӕр ын дзы тыллӕджы тыххӕй лӕвӕрдта иу мин ӕвзист ӕхцайы. 12  Мӕнӕн та мӕ сӕнӕфсирдон у мӕхи. Иу мин – дӕуӕн, Соломон, дыууӕ сӕдӕйы та – сӕнӕфсирмӕ чи зилы, уыдонӕн». 13  «О чызгай, дыргъдӕтты цӕрӕг+, ме ’мбӕлттӕ* дын хъусынц дӕ хъӕлӕсмӕ. Мӕнӕн дӕр ӕй фехъусын кӕн»+. 14  «Згъоргӕ, мӕ зынаргъ! Хӕрздӕфгӕнаг кӕрдӕджытӕ кӕм зайы, уыцы хӕхтыл фест цӕрдӕг сычъи, ӕвзонг саг»+.

Фиппаинӕгтӕ

Комк. «шеолау». Кӕс Уӕлӕмх. 8.
Кӕс Рц 15:2, фип.
Кӕнӕ «де ’мбӕлттӕ».