Сӕйраг ӕрмӕгмӕ рахиз

Сӕргӕндтӕм рахиз

Йегъовӕйы Ӕвдисӕнтӕ

Ӕвзаг равзар ирон

Ромӕгтӕм 8:1—39

8  Уымӕ гӕсгӕ, Йесо Чырыстиимӕ иудзинады чи ис, уыдон тӕрхонгонд не сты+.  Йесо Чырыстийы фӕдылдзӕуджытӕн цард+ чи дӕтты, уыцы сыгъдӕг тыхы+ закъон+ дӕу ссӕрибар кодта+ тӕригъӕд ӕмӕ мӕлӕты закъонӕй+.  Адӕм ӕнӕххӕст кӕй сты+, уымӕ гӕсгӕ сӕ бон нӕ уыд Закъонӕй алцыдӕр ӕххӕст кӕнын ӕмӕ Закъонӕн йӕ бон нӕ уыд, цӕмӕй сӕ бынтондӕр фервӕзын кодтаид+. Ӕмӕ Закъонӕн цы нӕ бантыст, уый сарӕзта Хуыцау – тӕригъӕд фесафыны тыххӕй+ йӕ Фырты рарвыста+, тӕригъӕдджын адӕймагӕн цавӕр буар ис, уый хуызӕн буары+, ӕмӕ афтӕмӕй тӕрхон рахаста, адӕймаджы мидӕг цы тӕригъӕд ис, уымӕн,  цӕмӕй мах сӕххӕст кӕнӕм Закъоны рӕстаг фӕдзӕхстытӕ+, тӕригъӕдджын буар куыд дзуры, афтӕ нӕ, фӕлӕ Хуыцауы сыгъдӕг тых куыд дзуры, афтӕ+ кӕй цӕрӕм*, уымӕй.  Йӕ тӕригъӕдджын буары коммӕ чи кӕсы, уыдонӕн сӕ хъуыдытӕ сты, буары цы фӕнды, ууыл+. Хуыцауы сыгъдӕг тыхы коммӕ чи кӕсы, уыдонӕн та сӕ хъуыдытӕ сты, сыгъдӕг тыхы цы фӕнды, ууыл+.  Тӕригъӕдджын буары цы фӕнды, ӕппынӕдзух ууыл чи хъуыды кӕны, уымӕн йӕ фӕстаг цӕуы мӕлӕтмӕ+. Хуыцауы сыгъдӕг тыхы цы фӕнды, ууыл чи хъуыды кӕны+, уый та ссардзӕн цард ӕмӕ фарн.  Тӕригъӕдджын буары цы фӕнды, ӕппынӕдзух ууыл чи хъуыды кӕны, уый суыдзӕн Хуыцауы знаг+, уымӕн ӕмӕ тӕригъӕдджын буар Хуыцауы закъоны коммӕ нӕ кӕсы+, ӕмӕ, уӕвгӕ, йӕ коммӕ кӕса, уый йӕ бон дӕр нӕу.  Ӕмӕ уӕдӕ, тӕригъӕдджын буары цы фӕнды, уый чи аразы+, уыдонӕн сӕ бон нӕу Хуыцауы зӕрдӕ рухс кӕнын.  Фӕлӕ сымах аразут, тӕригъӕдджын буары цы фӕнды, уый нӕ, фӕлӕ, Хуыцауы сыгъдӕг тыхы цы фӕнды, уый+,– кӕд Хуыцауы сыгъдӕг тых ӕцӕгдӕр уӕ мидӕг цӕры, уӕд+. Чырыстийы зондыл*+ хӕст чи нӕу, уый та Чырыстийы нӕу. 10  Фӕлӕ кӕд Чырысти уемӕ ис+, уӕд уын, рӕстгӕнджытыл нымад кӕй ӕрцыдыстут, уый тыххӕй сыгъдӕг тых дӕтты цард+, кӕд уӕ буар тӕригъӕды аххосӕй мард у, уӕддӕр. 11  Ӕмӕ уӕдӕ кӕд, Йесойы мӕрдтӕй чи райгас кодта, уымӕн йӕ сыгъдӕг тых уӕ мидӕг цӕры, уӕд, Йесо Чырыстийы мӕрдтӕй чи райгас кодта+, уый, уӕ мидӕг чи ис, йӕ уыцы сыгъдӕг тыхӕй уӕ зӕххон буӕртты дӕр цард бауадздзӕн+. 12  Гъемӕ уӕдӕ, ме ’фсымӕртӕ, махыл хӕс ис, фӕлӕ тӕригъӕдджын буары цы фӕнды, уый аразӕм, ахӕм хӕс ныл нӕй+. 13  Тӕригъӕдджын буары коммӕ куы кӕсат, уӕд амӕлдзыстут+, фӕлӕ тӕригъӕдджын буары хъуыддӕгтӕ Хуыцауы сыгъдӕг тыхы фӕрцы куы марат+, уӕд та цӕрдзыстут. 14  Хуыцауы сыгъдӕг тых фӕндагамонӕг кӕмӕн у, уыдон иууылдӕр сты Хуыцауы фырттӕ+. 15  Уымӕн ӕмӕ, цы сыгъдӕг тыхӕй схайджын стӕм, уый нӕ цагъартӕ нӕ аразы ӕмӕ нӕ ногӕй тасы не ’фтауы+. Фӕлӕ нӕ уыцы сыгъдӕг тыхы+ фӕрцы Хуыцау йӕхицӕн скодта фырттӕ+. Ӕмӕ нӕ уыцы сыгъдӕг тых разӕнгард кӕны, цӕмӕй дзурӕм: «Аввӕ*+, нӕ Фыд!» 16  Хуыцауы сыгъдӕг тых+ нӕ удимӕ*+ иумӕ ӕвдисӕн лӕууы+, мах Хуыцауы хъӕбултӕ+ кӕй стӕм, уымӕн. 17  Ӕмӕ кӕд йӕ хъӕбултӕ стӕм, уӕд та стӕм бындартӕ дӕр: о, Хуыцауы бындартӕ, бындартӕ+ Чырыстиимӕ иумӕ. Кӕд йемӕ хъизӕмар кӕнӕм+, уӕд йемӕ иумӕ кадджын дӕр суыдзыстӕм+. 18  Уӕдӕ ӕз афтӕ хъуыды кӕнын, ӕмӕ, ныртӕккӕ цы хъизӕмӕрттӕ ӕвзарӕм+, уыдон, мах уылты цы кад+ раргом уыдзӕн, уыимӕ абаргӕйӕ сӕ койы аккаг дӕр не сты. 19  Хуыцау цыдӕриддӕр сфӕлдыста, уыдон*+ зӕрдиагӕй ӕнхъӕлмӕ кӕсынц+, Хуыцауы фыртты кад куы раргом уа, уымӕ+. 20  Хуыцау цыдӕриддӕр сфӕлдыста, уыдон баисты ницӕйаг царды хай+, сӕхи фӕндонмӕ гӕсгӕ нӕ, фӕлӕ сӕ ахӕм царды хай чи бакодта, уый фӕндӕй. Уыцы царды хай та сӕ бакодта ахӕм ныфсимӕ+: 21  Хуыцау цыдӕриддӕр сфӕлдыста+, уыдон ссӕрибар уыдзысты+ мӕлӕты цагъарадӕй ӕмӕ сын уыдзӕн, Хуыцауы сывӕллӕттӕн цы диссаджы сӕрибардзинад ис, ахӕм сӕрибардзинад. 22  Мах ӕй зонӕм, Хуыцау цыдӕриддӕр сфӕлдыста, уыдон ӕмхуызонӕй кӕй дзыназынц ӕмӕ кӕй удхар кӕнынц абоны онг дӕр. 23  Ӕмӕ канд уый нӕ, фӕлӕ ма мах нӕхӕдӕг дӕр – цы хорздзинӕдтӕ нӕм ӕнхъӕлмӕ кӕсы, уыдонӕй фыццаг*+, ома Хуыцауы сыгъдӕг тых, чи райста, уыдон,– нӕхимидӕг дзыназӕм+ ӕмӕ зӕрдиагӕй ӕнхъӕлмӕ кӕсӕм, Хуыцау нӕ йӕхицӕн фырттӕ кӕд скӕндзӕн+ – ӕлхӕд кӕй ӕрцыдыстӕм, уый фӕрцы* нӕ буӕрттӕй кӕд фервӕздзыстӕм, уымӕ. 24  Мах уыцы ныфс+ кӕй ис, уый фӕрцы фервӕзтыстӕм. Фӕлӕ цы уынай, уый ныфс нал у, уымӕн ӕмӕ адӕймаг цы уына, уымӕй ма афтӕ зӕгъӕн и, ӕмӕ йӕ уымӕй ныфс ис? 25  Фӕлӕ нӕ кӕд, цы нӕ уынӕм+, уымӕй ис ныфс+, уӕд ӕм фӕразонӕй ӕнхъӕлмӕ кӕсдзыстӕм+. 26  Раст афтӕ нын Хуыцауы сыгъдӕг тых+ дӕр ӕххуыс кӕны нӕ лӕмӕгъдзинады+ – кувын нӕ куы фӕхъӕуы ӕмӕ, цӕй тыххӕй кувӕм, уый куы нӕ фӕзонӕм+ ӕмӕ нӕхимидӕг куы фӕдзыназӕм, уӕд сыгъдӕг тых+ фӕлӕгъстӕ кӕны нӕ бӕсты. 27  Зӕрдӕтӕм чи кӕсы+, уый та зоны, сыгъдӕг тыхы+ цы зӕгъын фӕнды, уый, уымӕн ӕмӕ сыгъдӕг тых сыгъдӕджыты+ тыххӕй цы фӕкуры, уый вӕййы Хуыцауы фӕндонмӕ гӕсгӕ. 28  Мах та йӕ зонӕм, ӕмӕ, Хуыцау цыдӕриддӕр аразы+, уый аразы, чи йӕ уарзы ӕмӕ йӕ фӕндмӕ гӕсгӕ+ кӕй ӕрхуыдта, уыдоны пайдайӕн, 29  уымӕн ӕмӕ бирӕ раздӕр загъта+, фыццаг йе ’ргом кӕмӕ аздӕхта+, уыдон йӕ Фырты хуызӕн+ кӕй уыдзысты+, цӕмӕй уый уыдаид фыццаг+ бирӕ ӕфсымӕрты ’хсӕн+. 30  Ӕмӕ бирӕ раздӕр кӕй тыххӕй загъта+, уыдоны хонгӕ дӕр ӕркодта+, ӕмӕ хонгӕ кӕй ӕркодта, уыдоны рӕстгӕнджытыл дӕр банымадта+. Ӕмӕ рӕстгӕнджытыл кӕй банымадта, уыдоны та кадджын дӕр скодта+. 31  Ӕмӕ уӕд уый тыххӕй цы зӕгъӕм? Кӕд Хуыцау немӕ ис, уӕд нӕ ныхмӕ чи уыдзӕн?+ 32  Кӕд йӕ Фырты нӕ бавгъау кодта+, фӕлӕ йӕ мах сӕрвӕлтау мӕлӕтмӕ радта+, уӕд нын йӕ Фыртимӕ иумӕ цӕстуарзонӕй нӕ ратдзысты, цы ма нӕ хъӕуы, ӕппӕт уыдӕттӕ дӕр?+ 33  Хуыцау кӕй равзӕрста, уыдоны чи фӕаххосджын кӕндзӕн?+ Хуыцау сӕ нымайы рӕстгӕнджытыл+. 34  Чи сыл стӕрхон кӕндзӕн? Ничи, уымӕн ӕмӕ Йесо Чырысти, чи амард, растдӕр зӕгъгӕйӕ та, мӕрдтӕй чи райгас, уый, бады Хуыцауы рахиз фарс+ ӕмӕ йын мах тыххӕй фӕлӕгъстӕ кӕны+. 35  Чи нӕ фӕхицӕн кӕндзӕн Чырыстийы уарзтӕй?+ Мӕстытӕ, ӕви зындзинӕдтӕ, ӕви ӕфхӕрд, ӕви, ӕххормаг кӕнӕ бӕгънӕг кӕй стӕм, уый, ӕви тӕссаг уавӕр, ӕви хъама?+ 36  Мах ӕй зонӕм, афтӕ кӕй уыдзӕн, уымӕн ӕмӕ фыст дӕр афтӕ у: «Дӕу тыххӕй нӕ ӕдзух ӕппарынц мӕлӕты дзыхмӕ, нымайынц нӕ, ӕргӕвдынмӕ кӕй ӕрцӕттӕ кодтой, ахӕм фыстыл»+. 37  Фӕлӕ мах ӕппӕт уыдӕттыл уӕлахиз кӕнӕм+, чи нӕ бауарзта, уый фӕрцы. 38  Ӕз ӕй фидарӕй зонын: нӕдӕр мӕлӕт, нӕдӕр цард+, нӕдӕр зӕдтӕ+, нӕдӕр хицауӕдтӕ+, нӕдӕр, ныртӕккӕ цы ис ӕмӕ нӕдӕр, фидӕны цы уыдзӕн, уыдӕттӕ, нӕдӕр барджынтӕ+, 39  нӕдӕр, уӕлейӕ цы ис, уый, нӕдӕр, бынӕй цы ис, уый, ӕмӕ ма Хуыцау ноджыдӕр цы сфӕлдыста, уыдонӕй дӕр нӕ ницы фӕхицӕн кӕндзӕн, Хуыцау нӕм нӕ Хицау Йесо Чырыстийы фӕрцы цы уарзондзинад равдыста, уымӕй+.

Фиппаинӕгтӕ

Комк. «цӕуӕм».
Грекъ. пне́вма. Кӕс Уӕлӕмх. 7.
Кӕс Мч 14:36, фип.
«Уд» – ам амоны адӕймагӕн йӕ зонд ӕмӕ йӕ зӕрдӕмӕ; грекъ. пне́вма. Кӕс Уӕлӕмх. 7.
Сӕйраджыдӕр амоны адӕммӕ.
Комк. «фыццаг тыллӕг».
Комк. «ахӕсты аргъы фӕрцы».